SCIALPINISTICA Gronlait del 27/01/2008
La scaletta della giornada l'era pitost dubbia, ma co l'idea de forse scamparghe al cantier evo cargà la macchina per: 8-12 Gronlait scialp col Teo, 12-16 Paganella Snow col MattiaP, 17-2 balla secca a Pedavena (Feltre) col Davide e la so dona (...eh,eh! ne la tolem drio per guidar!). Ai veci ovviamente gh'evo dit che salvo contrattempi per mezdì sarìa stà de volta zà con entorno le braghe da murador.... Fatta la scorta de brioches a Volan (endo che encroso anca l Caio a far colaziom: diaolopò.... endo saralo drio a nar a allenarse? coi Merelli anca ancoi?) per le 8 e 1/4 son en Piné dal Teo a far colaziom, quindi cargà sci e zaini sulla Modus ne trém en val dei Mocheni ai Prati imperiali. ...anzi, adess che i ha davèrt el centro fondo, se riesse a partir anca pù alti en macchina, parcheggiando propri al centro fondo. Con en travers de 50 metri ne ritachem infatti al volo al mas alt dei prati imperiali e tachém la salita su per el bosc. Passà en bait dei cazadori, ne trém pù a sinistra per ciapar la valletta giusta che salta sull'antizima: no se va miga su dal canal direttissimo! Saltai for dal bosc, ne passa giust en par de tutine e uno sbarà coi Merelli sotto i pei.... e i la emponta dritta senza fermarse. Ma saltando sui pendii che porta all'antizima (el Mut), l'esposiziom ovest l'è tutta giazada e le pel le g'ha da far le sue a tegnir sul giaz! Infatti con en passo falso, me parte el sci e fao na bella rugolada sul giàz per 5,6 metri. Nient de che se no fussa la rasada al braz (diaolopo' con sto calt, a tirarse su le manéghe i avambrazi i è i primi che se sgrifa!). Arrivai sul pianoro (le tutine le è zà enzima) no se ghe pensa dò volte a trar sotto i rampant... e qi coi me novi F1 vedo che en effetti col sottopè originale della Scarpa i rampant i tocca sol 2 denti su 3 (ma al Jolly, endo che i m'ha tirà a um i sci, i l'ha sagomà apposta!). Quattro belle zete e dopo na me ravanada su n'accumul enzima al canal (diaolopo'.... quando vago a metter el cul en te le peae, per ciaparla pù corta...), saltem sulla gresta finale e Berg Heil! Enzima gh'è zent che arriva da tutte le bande: Fravort e anca da Nord via Val Cava-Portela. Dopo en bom goz de caffè col vim, zo le pel (e entant el Teo el me fa veder el so trucco per far ancor pù gamba: diaolopò.... ghe manca sol che el faga la salita coi scarponi en posiziom discesa!) e ne trem vers val, ovviamente per la stessa de salita (el canal direttissimo no l'è ancor traccìa). Tutt giazà fim al bosc (dopodisnar dev'esser firn!), po', saltando (e rugolando quando se ciapa grosta) tra dossetti zercando la polver en esposiziom nord, ne calém fim alla pista da fondo e al centro fondo per do boni taglieri e na bozza de Pinot Nero. Trati i zaini en macchina... diaolopò... manca el cell del Teo! El gh'è saltà for da scarsela en tei vari rugoloni en grosta! Ma se all'inizio della bozza de ross pensevém quasi de tornar de volta a zercarlo, dopo anca en par de grappini, nen ciavém e l blocchém alla Vodafone: narém a comprarlo nof al volo zò a Perzém! E così dopo en par de birre rosse al Spiaggia e n'altro par al bar del socio del Teo a Perzém (e entant ne aprofitto de ciamar el MattiaP per dirghe che som en ritardo.... no so se arrivo.... neanca a guidar!) nem al ShopCenter endo che gh'è i cell en offerta a 19,90.... addirittura 2 ghen portém via! L'è ormai le 4, ma n'altro brindisi al bar del centro comm el ghe sta bem: diaolopò trém zo altre 2/3 birre medie a testa! E quindi per le 5 torném en Piné bei storti... e i soi del Teo i se n'ascorze bem! Entant me ciama anca el Davide per la trasferta a Pedavena.... ma la macchina no riesso propri a torla su per raggiungerli en val! E allor, dopo na pizza co la Jessica (prima che la taca el turno), speto el Max che el vem su co la famiglia da Roveredo per zena.... E ovviamente, de birre en seta a nar zo a gò gò! Per le 11 som propri carbura’, e prima de vestirme dalle feste per nar for a far rumba, arrivo demo’ a ciamar casa a Trembelem per dirghe de no spetarme a dormir! Sera’ la pizzeria, col Teo, el Carlo (so cosim) e l Max nem al bar spiaggia, endo che stasera gh’è la festa en maschera a trar zo no so quante birre rosse… e a parte el Carlo che guideva e l Max che l’è mez mala’, nem en let propri storti vers le 2 e ½. E doman? Beh, entant puntém la sveglia alle 8, po’ se ghe penserà! I sci i è zà en macchina!
| Se risale per el bosc tegnindose a sinistra del canal che parte dirett dalla zima... | |
|
...e deviando per ciapar quota sulla sinistra, se salta sulla dorsale... | che zete su zete, e magari coi rampant sotto i pei se no volé ciapar na rasada come ho fatt mi... | |
|
...la porta sul Mut (antizima)... | ...e con 4 zete ancor pù erte, e en bel travers finale.... | |
|
...finalmente se salta sul greston de vetta, e... | Berg Heil! | |
