GARA SCIALPINISTICA Alpe Lusia del 23/01/2008
Finì de laorar per le 4 e mezza, vago de balla en negozio a raccattarme i skialp: i me l'ha addattai per i novi F1 Scarpa.... som massa curios de provarli! Ne trovém al Zuffo col Caio e l Max alle 5 e raccattà el Teo a casa, per le 7 sem zà a Moena alla biblioteca centrale che ne iscrivèm en ten casim che basta la metà: diaolopò! Sem 450 iscritti! E a noi, essendone iscritti de balla a tutte e quattro le competiziom del torneo 4valli, i ne dà oltre al salam de camoz, anca en bel par de guanti della Montura. Visti i tanti partecipanti, la partenza l'è a coppie ogni 20 secondi.... de iscritti ho vist me cosini Patrick e Silvano: ma po' alla fin no som miga riusì a encrosarli col casim che gh'era su la sera! Mi som el prim alle 19:50:20, dopo dese minuti el Teo, quindi 20:30 el Caio e 20:40 el Max. Tirà for na macchina restada enfognada entrà el giaz del parcheggio (e l'autista-turista el s'è meraviglià della gentilezza che g'avem avèst a correr lì en quattro a tirarlo for dalle straze... beh... dò motivi: 1- Sem en Trentim, no en terronia! 2- appena l'avresem parà for dai pei averesem parcheggìa lì noi!!!), me cambio al volo, quindi con 10 minuti de riscaldamento per mi l'è zà l'ora dell'agonia. Via! Partendo dalla piazza en centro al paess, la gara l'è parecchio pù longa dell'an passà (che per mancanza nef erem partidi n bel toc pù en su), e subit se se enfila per na strettoia tra recinti e case del paess... e ovviamente ai 4 corridori che me scalpita zà de drio (partidi sì dopo vinti secondi... ma g'ho drio i meio!) ghe tocca spettar vist che en doi sulla traccia no se passa! Finalmente se arriva su pista e dopo el pianoro se taca a ciapar quota, passo costante e a parte i corridori drio che me passa e sento arrivar come i balini, riesso ben, a agganciar qualche garista e sorpassarlo... e quando i me affianca... accellerar.... mi som pù veloce! Bem, bem! Dopo en quart d'ora, finalmente passo la partenza dell'am passà... diaolopo' se i l'ha slongada! E subit arrivo al mur: anca st'am senza alzatac... ma el problema è stà le pèl.... sulla parte pù erta g'ho pers almen en minut e ho dovest aggirar el tornarnte da sinistra.. entant almen 2 / 3 garisti i me ciava empontandola dritta.... passà for el tòc pezo riciapo el me pass. Davanti gh'è en muraiom... ma ben me ricordo che envenze de ciaparlo se devia a sinistra for per el bosc. E qi, curve su curve en po' de garisti i passo en scioltezza. For dal bosc... ultima empontada per passarne altri do e... ghe som! Brao Kepo.... me digo da sol... vist che som el prim! Dopo en pezòt ariva anca el Teo (ma stasera l'è scavéz e poc de compagnia..no l'è soddisfatto) e dopo aver magnà qualcoss me trao for a spetar el Max (che stasera, anca se l'è arrivà prim del gruppo, el trova da lamentarse della resa e che nol sta ben!!), e po' arriva anca el Caio (dai che almen elo l'è content!). Tornà rento al taol, entant che magna con noi anca tre putele de Agordo ne aprofitto per beverme en par de birrette medie, e a fine serata vist che no g'ha propri voia nessuni de brindar... en giro de grappe l'impongo bem! Tra na roba e l'altra, le premiaziom le finiss a mezzanot e quando salta for le classifiche... diaolopo'... anca stam i m'ha ciavà! El Caio (zà al secont par de Merelli en tre gare.... par che l carbonio, sul Cornett de Folgaria el zeda...) l'è arrivà na posiziom prima de mi.... giust 4 decimi de secont prima! Ma la prossima volta, se ai F1 ghe cavo le lengue.... ghei fao ben veder mi i 4 decimi! Tornai en val per el prim toc en funivia e l secont coi sci, per le 2 e mezza som zà a cà a trar zo i ossi...
| Tutti in file a Moena en tel pallazzo della biblioteca... stasera se se iscrive alle 4 gare delle prossime stimane! | |
|
El team Merelli pronto alla partenza... | ...e l Kepo, sulla linea de partenza, l'è pronto per el collaudo dei so novi scarponi F1! | |
|
Via! Alè! che gh'è da nar! | Po' la serata, a zena en rifugio, l'è allietada dalla compagnia delle tre putèle de Agordo. | |
