SCIALPINISTICA Trittico della Vallagarina (Altissimo di Nago, Stivo, Col Santo di Trambileno) del 20/01/2008
L'impresa che uno de Trembelem (ma anca se s'è de Roveredo va bem istess) na volta en te la vita el deve per forza far: el Trittico della Vallagarina! 2750metri de dislivell! ...e vist che l'è en par de anni che no l'entra en condiziom, no ghe digo zerto de no quando l'Albert el lancia l'idea! Anzi, ne trovèm la mattina al stadio alle 7, tutti e doi con casse de sali minerali e barrette energetiche! Prima regola: pass costante e no tirarse el col!!! E così, dopo la colaziom all'hotel S.Giacomo, alle 7 e 48 sem drio l'omonimo hotel, dell'omonimo paess e enforchèm i sci en direziom dell'Altissimo. Anca se i deva rischio 3/4 (ah... sto colp el bollettim l'ha cannà! El sarà stà 2!), za dal gieri i gheva pensà a tracciarlo e così.... su de bala! Passà i prai drio l'hotel, se risale el bosc per en tof, quindi saltai for entrà i prai se arriva alla malga Campo (300 metri sora) propri al sorger del sol. El pass l'è ottimo: som mi davanti! E fat el travers vers sinistra per riciaparse al costolom, vedem che no sem i primi! Gh'è davanti n'altro scialpinista (el Gianni, el socio del Mich che era vegnù do anni fa con noi sul Cornett de Folgaria). Ne fermem per en goz de sali minerali dopo 500 metri de dislivell, quindi, tutt na tirada per el costolom, quindi en gresta, se segue la longa dorsale en direziom rifugio e puntando alla zima. Ore 9 e 09... Berg Heil! 1.21 e sem zà enzima alla prima! Che lusso! Do foto, na cioccolata e zo le pèl! Ne fiondèm zo dritti per el canal che punta drit sul tornante su S.Giacomo, e da qi la nef, en tel canal l'è bona: en pel pressada, ma la sciada se la apprezza propri. Scartà l'idea de riconiungerne al costolom de salita enfont al canal (ma averesem fat meio) dopo na scalettada de 10 metri per aggirar en betullaio (??) ne trem en pel a destra e zò dritti vers el bosc. Ma arrivai en tel bosc deventa propri en mazèl: diaolopò... la nef l'è dura e tutta a blocchi e besogn dribblar en te na fitta faggeta... vabbè.. gran ravanada, e sudai come bestie, saltèm for en velocità sul sentér che ne porta al tornante dopo el paess. Sci en spalle e con 40 minuti de discesa sem zà lì che saltém en macchina a magnar dal forziere pien de bombe (cioccolata, barrette, sali...) dell'Alberto. Alle 10 e 57, sem passai per Loppi, sem zà a S.Barbara (1200m), e saludà la famiglia de corridori de Ronz (vedi relaziom Presanella de dò istà fa), ne enviem su per el bosc per la forestale. Sto colp la destinaziom l'è el Stivo. Sto colp fago la cazada de tegnir davanti l'Albert, e infatti ghe fao ben notar che fim adess no avem fat altro che passar zent... e no n'ha mai passà nessuni! ...e per fortun, n'attimo el cala el ritmo. Arrivai alle Prese, l'uscita dal bosc, ciapèm la direttissima per la dorsale... e chi el ritmo dell'Albert el deventa veramente dur: diaolocan, gh'è en sol che spacca le pree... som sudà e l sudor en tei oci, nol me lassa veder altro che le coe dei sci dell'Albert che va envanti e mi.... drio! Zete su aete, per fortuna ciapando quota e tegnindose sulla dorsale, per fortuna gira en po' de vent che me rinfresca... e così empontandola dritto passo davanti e.... l'è ben vera che volevo fermarme a metà ma sentù en mez zoccol sotto el pè... preferisso far en dritt fim a ritacarne alla "pista" che sale dalla malga: qi essendo en ombra, el zoccol el ne risparmia! Giust el temp de en goz de sali (tanto ormai co na tirada del genere ne manca demo' 200metri!) e via de nof! Prima del rifugio, taiém a destra e zete su zete a mezdì e 10 sem en vetta per el BergHeil! Ah però! 1.13 e altri 850 metri de dislivel i è nai.... e la zent en vetta la ne scolta ben meravigliai della nossa impresa! Dopo aver trat n'ocio sul versante vers Roveredo non ancor traccià (ne saria piasest trarne zò dritti en tel canalom per far la est... ma l'è ancor massa pericolos) cavem le pel, e vist che per en piatt de pasta al rifugio gh'è da spettar massa... ne trem diretti en zo. Tornai sulla dorsale, vist che gh'è polver, fem quattro belle serpentine smontando sulla malga (e qi l'Albert en bel cappottom el lo fa ben su en sass), po' costeggièm da sora la forestale fin le prese e quindi con giust 2 cava e metti, arrivèm en font: deviando a destra per i prai, e con 2 salti e sci d'erba arrivèm giusti giusti alla Polo: che lusso! E no l'è ancor le 1! Gh'è da nar! Passando per Passo Bordala, Villa, Roveredo, arrivem dopo 52 Km de curve e n'ora abbondante de macchina, a Giazzera de Trembelem. Ovviamente vist che ormai sentim che podem farghela, ne embottim de esplosivi (bombe e sali) direttamente dalla cassaforte dell'Albert e cargà i zaini anca coi frontalini (e mi togo drio quel del Sellaronda) e mess su le pel da gara (el col Sant no l'è ert e l g'ha en lonc sviluppo... le se ghe vol propri!), alle 14.17 ne enviem da endo che i ha smess de spalar la strada: sora l'è na pista da bob! Diaolopo' pien de zent! e cavà i sci saltém su a sinistra per el sentér Hull che ne porta vers el bait del Marisa. E qi, a parte en par de veneti che ne saluda meravigliandose dell'ora tarda che sem drio a far, entrém zà en te la leggenda, quando rimessi i assotti sotto i pei, sentim la zent che se complimenta con noi per el trittico che sem drio a far (ma chi ghe l'ha dit che sem drio a far el trittico??!?!?!? S'è zà sparsa la voze per la val!!!!)!!!! Saltai sul doss dell'Anziana encrosém anca l'Alessandro che el se vergogna a vederme vestì co la tutina (e ghe digo ben che som contro anca mi.. ma 2800 de dislivel... dai! per na volta la pol starghe!), e po' anca el vicesindaco de Trembelem. Alè, dai! No gh'è temp de ciacerar! Avanti! E co le me pel da gara, penso quasi de tirarghe el col all'Albert sui pianori del doss... al punto che el me domanda na pausa sotto la pontera finale del col Sant! Volentera! Le pel le teign bem anca sulla pontera finale e per le 16.22.... Berg Heil! Quota massima di oggi (2112m) e soprattutto: MISSIONE COMPIUTA!!!! Ensomma en altre 2.05 avem fat i 900 metri de dislivel.... e ancor el sol l'è alt! Cavae le pel, ne trem oltra, vers la forcella tra Col Sant e Col Santim (grosta e poca polver) e da qi su bella nef cotta dal sol al rifugio Lancia. Ormai i è drio a serar, ma na ciopa col formai e na birra media riusim bem a meritarnela! Riciapà i sci, e trate su le frontali (e mi co l'alogena fago propri en figurom!), ne fiondem vers el sassom e quindi con 2 skettinae a Giazzera. Per le 5 e 1/4 ghe sem! Engual not, ma l'impresa l'avem fatta! E alle 6, sem zà a Roveredo per saludarne alla prossima e soprattutto co l'intenziom de nar de balla a..... polsar!
| ...spunta el sol, e noi sem za' alti su malga Campo... | |
|
... e en te n'attimo sul costolom en direziom... | ...del rifugio... (da notare sullo sfondo l'eterno sviluppo della salita al Col Santo che ne speta per dopodisnar!) | |
|
...e quindi en vetta alle 9.09! Berg Heil! Altissimo di Nago: ESEGUITO! | No gh'e' temp... gh'e' da nar! Ne fiondem diretti zo per el canal... | |
|
puntando al tornante sotto, oltre el paess de S.Giacomo. | E adess el pensier el va za' al Stif (qi visto dal Col Sant): el canalim diretto no l'e' ancor battu'... e allora dovem far sia en su che en zo, la dorsale da sinistra. | |
|
...e ovviamente la mpontem dritta! | Dopo na sauna de 40 minuti.... ecco finalmente davanti el rifugio... | |
|
...e subit... Berg Heil!!! Ale'! Stivo: ESEGUITO! Adess el trittico sentim che l'e' alla nossa portata! Co 'na giornada del genere, po', l'e' propri na figada! | Vardando zo vers l'Italietta, envenze, no se pol dir altrettanto delle condizioni meteo.... anca ancoi i e' zo a magnar nebbia! | |
|
Fat en salt al rifugio per magnar en boccom... gh'e' massa fila... ne tocca nar! e allor, via de balla ver Trembelem! | Subit, sci en spalla guadagnem 150 metri de quota su per el sentiero Hull... | |
|
...quindi risalim al bait del Marisa e puntem al doss dell'Anziana.... | ...e finalmente arrivem en vista della nossa meta! ...ma el travers da far per arrivarghe al vers l'e' ancor eterno! KEPO!!!! Sa ma set vesti' da carneval??? No te vergognet a nar envolta co la tutina??!!! | |
|
E finalmente alle 16.22: Berg Heil! COL SANTO: ESEGUITO! TRITTICO COMPIUTO! Diaolopo' che gran soddisfaziom!!! | Puntando, po' alla forcella col col Santin, smontem sul rifugio Lancia per.... | |
|
... la meritatissima birraccia! | Quindi ne enviem vers Giazzera... e sullo sfondo, co i ultimi raggi de sol, risalta propri la zima su cui avem vist albeggiar stamattina: l'Altissimo. Putèi che giro! | |
