GARA SCIALPINISTICA Monte Agaro del 16/01/2008
Me scrive el Teo al Messanger:"Kepo, t'ho iscritt anca ti! Te toca vegnir!". E come no! ghe vago volentera a far sta bella garetta al Broccon.... ma se rendei cont che i me fidati modei matematici i mette en pic de precipitaziom propri durante la gara?! Sara' en casim.... ma dai, dopo la festa, l'e' al sut e al calt... gh'e' da nar! E cosi', la mattina, prima de partir per laoro me vardo bem de cargar en macchina anca la maschera da saldaor scroccada a me fradel. Alle 5 e 1/2 me trovo a Perzen col Teo a spettar i altri do garisti el Max e l Caio che i arriva a cargarne sul mitico Westfalia: ma ghe la faralo a narghe al vers alla gara con tutta la nef che e' drio a trar zo? Mah! Per sicurezza ne tolem drio en par de cadene, po'.... encrosem i dei! Passa' el Tesin la vem zo faldoni impressionanti, i pézi i e' tuti serai dal cargo de nef e for dalla strada la passa za de sicur el metro. El Westfalia l'annaspa su per i ultimi do' tornanti e con en par de buttoni (...eh si'... el s'e' ben infossa' en tel parcheggio del chalet) riusim a arrivar a destinazione parchegiandolo da galantom. Prima roba da far l'e' montar le cadene per dopo: diaolopo' no le ghe va su! Beh, dai, adess pensem alla gara, dopo encroserem i dei! Ritira' i pettorali e tirai a um (e sto colp, per esser pu' agile, no ho mess la tutina ma le braghe da corsa del Sellaronda!) i diss che la partenza l'e' en linea (non a cronometro) e per el massa nebbiom el percorso l'e' cambia' leggermente. Vabbe' se se scalda e mai se parte, po' me giro n'attimo a far 4 ciacere (anca de pu'...) co na bela putela de Auronz e... me rigiro e no vedo pu' nessuni! Diaolopo'!!!! Ei za partidi??? No, per fortuna, i s'era sol spostai en tel spiazz sotto per far la partenza en linea. Se doveva partir alle 7 e 30... tra na monada e l'altra vem 8 e 1/4! Tanti i parte za co la maschera, mi per comodita' la tegno en tel marsupio e la mettero' sol per la discesa. En partica la gara l'e' 400m en su e po', zo a manetta fin la partenza per la pista parallela. Via! Fioca da foc.... pass regolare, lasando che i pu' veloci i passa ben.... po' ciapa' en bon ritmo passo/fiato, taco a passar 1,2,3 persone. Quando la se empenna ovviamente me metto drio en religioso silenzio a seguir el pass dei altri! Me par de nar bem: penso che quella de no metter l'attachim sia sta' propri na bella decisiom. E infatti me trovo davanti en par de sci en carbonio Merelli: el Caio!!! Che lusso! Nol molo pu', anzi... el passo! e adess fin la fin devo zercar de starghe davanti! E con sto pensier fiss tegno sempre en bon ritmo, dopo na veloce discesa (senza cavar le pel) gh'e' la pontera finale: tutti su traccia en fila e su de zete! Finalmente ghe sem.... zo le pel (e che brivido quando me le enfilo tutte engiazae sotto la maietta!), blocco i scarponi, trao su la mascherina da saldator e anda che nare! Ma i me sci l'e' n'am che no i sciolino e i e' tutt en solc... el Caio el me passa quasi subit... e arrivo a destinaziom quasi en minut dopo de elo (pero' som content istess: coi me assoti e scarponi embulonai en salita son sta' propri bravo!). Anca el Max e l Teo i e' za arrivai. El Teo, po' l'e' propri content, perche' nonstante en keppottom en discesa l'e' riusi' a passar e arrivarghe davanti anca alla Roberta Secco! Diaolopo', che balim! Tuti soddisfatti nem a cambiarne e ne sentem zo per la zena: che lusso! Bis de primi, strudel, pom, pan, pizza da sbregarse for dalle man ai taolini en tranci e sulle taole gh'e' za brocche de birra e vin piene per tutti! E a bever no ne tegnim zerto endrio! Le premiaziom le ghe porta fortuna al Max che l vinze na giaccavento. De fianc a noi gh'e' anca el Thomas Martini, che, anca se no g'ha tegnu' le pel sull'ultima pontera l'e' arriva' terz istess! Trat zo n'altro grappim, l'e' prest le 11.... l'e' l'ora della verità per el furgom: ghe la farente a tornar en val? ...e ghe la fem. Per mezanot e meza sem a Perzem a saludarne per la prossima.... e alle una som za' a ca', propri content, sotto le coerte. Ma alla sveglia, tra 5 ore, dovro' averghe za le idee ciare sul sa far doman (per ricargar al volo i sci en macchina): m'ha ciama' me cosini da Canazei che doman gh'e' su n'altra gara.... nar? Eh, eh... la risposta del Kepo l'e' sempre quella: Gh'e' da....
| SU! Veloci a cambiarse che gh'è da nar! Diaolopò se la ven zo! | |
|
I quattro favoriti per la gara de ancoi... all'arrivo! ...e de fiocar no l'ha zedèst n'atimo! | E dopo na bella magnada e bevua... | |
|
...salta for anca la torta per l'anniversari del trofeo... ma a finirla (e si che sem en zento!) l'è propri dura da granda che la è! |
