SCIALPINISTICA ZunderSpitze (tentativo) del 13/01/2008
Al gieri de nef el ghe n'ha trata zo veramente tanta en regiom. Con stamattina el temp el taca a migliorar, ma per tirar for i assoti pu' che a far qualche doss no podem nar! E cosi' ne trovem alle 7 e 1/4 a Calliam: direziom Val Sarentino: li' qualcos de tranquillo da firmar el troverem per forza strada fasendo. Fatta la colaziom entorno a Bolzam, traversem la zita' e 5 Km en val trovem strada serada (smottamento) e na pattuglia che ne fa girar. La deviaziom proposta per el Renon, l'era massa longa! Ne trem cosi' vers Vipiteno. Su dalle me bande, ancoi i ha mess bel temp, chissa' che svizinandose al confim no trovente qualche nuvola de men! Vegnui for dall'autobahn, la roulette-russa la punta su per la val Ridanna: la ZunderSpitze, l'e' na zima abbastanza tranquilla per meta' en tel bosc. En la parte alta ghe sara' ben da star en po' all'ocio, con tutta la nef che ha trat zo za' en val, ma valuterem sul posto. Entant che me trao su i scarponi salta for anca el bollettino valanghe aggiorna' per la zona: marcato grado 3? Magari! G'avem centra' propri la zona con rischio Forte grado 4.... vabbe'.... entant almen en tel bosc se pol saltarghe su! Po', vist che no g'avem zerto entenziom de meter el cul en te le peae, mal che la vaga, farem dietrofront! De traccia' no gh'e' nient, ma e' passa' en quad cingolato e l'ha fatt en giro ad anell su per le malghe: ensomma seguir la battua dei cingoli l'e' ancor pu' comot de quella dei sci! Diaolopo'.... el saevo ben che forse l'era meio no trovar neanca i cingoi... infatti se parte subit a razzo. Fatta na pausa al prim bivio, endo che ne fermen a spetar anca l Paolo l LucaF e l Bepi che i era partidi en pel dopo de noi, arriva el moment dela tribolaziom. D'altronde el gruppo de ancoi l'e' tutt garisti! E ancor na volta tutti coi doppiapunta... o quasi.... vist che l'Alberto per paura de ciapar sassi (anca se coi 80 schei de fresca la vedo dura!) l'ha porta' i veci Fischer, e l Luca el g'ha ancor da trovar en bon motivo per cambiar i so vetusti freerando monopunta.... ma prima o poi, co le buone (opera de convincimento) o co le cattive (motosega) ghel farem ben trovar! L'Alberto e l Mich davanti i ciapa en cingol per um e su de balla! Mi no podo zerto permetterme de restar endrio e no zedo. Diaolopo', a na gara i e' pu' lenti.... avanti a testa bassa per altri 200 metri e arrivem a en bivio, ma no gh'e' tant da pensar... la motoslitta l'e' nada a destra... e noi ciapem a destra... ancor pu' en pressia! Quindi, finalmente, endo' che la s'e' girada gh'e' da tacar a far traccia, e quindi all'Albert davanti, ghe toca rallentar per forza! La nef entorno, ogni pass envanti che se fa la se crepa a distanza de en metro dal sci.... e la seta a soffiar qualche bel "WUUM!". Finalmente arrivem for dal bosc e ne se daverze i pendii davanti: eh, de valanghe ghe n'e' za vegnu' zo assa', no g'ho idea come arriverem alla Zunderspitze, ma entant arrivem alla malga. Passada la malga, a gruppi e sempre pu' distanziai, fem en travers vers la forestale e se mola zo altre do slavine che no c'entra nient col noss passaggio 50 metri sora de noi e.... le se ferma sora. Mah! Stem li' fermi sparpagliai (1860m) a valutar sa far, po' anca le avanguardie, Paolo e Bepi i se gira e tornem alla malga. Entant e' arriva' su anca na comitiva de 7 scialpinisti e i ha continua' la nossa traccia su na dorsale a sinistra. Vabbe'... la situaziom l'era tutt for che tranquilla e cosi'... zo le pel e ne trem en tel bosc con sol 500metri de dislivel. Addirittura a sciar en zo, sotto el nos passaggio se mola anca qualche bel lastrom. Beh, la nef l'e' tanta, ma no la pesa massa, e a fiondarse en tel bosc, a dribblar pézi, gh'è da goderse, quindi tornai sulle tracce de discesa del quad, ne ritachém oltre el paess sulla pista da fondo e con do schettinae, sem za li' che saltem sul furgom (en 7!) per nar al fidato bar de inizio val per l'immancabile ciopa tirolese e birraccia. Ensomma, ancoi sara' manca' la zima, ma la bionda, quella no, no la manca mai! ...e el Kepo, tant per cambiar, el ne vol sempre doe!
| Al prim bivio se ciapa a sinistra.... | |
|
...e se risale per la forestale seguendo la battua del quad.... | ...quasi na gara su per el bosc! | |
|
Po', per fortuna, quando gh'e' da tracciar se rallenta n'attimo... | ...e passa' la malga se se ferma dal tut: massa riscios nar envanti. | |
|
Altroche' tappetto rosso! Anca i pendii i se inchina al passaggio del Kepo! |
