CASCATE DI GHIACCIO Sorgazza destra del 08/01/2008
Al luni me ciama el Teo: "Kepo! Gh'e' giaz! Gh'e' da nar!". Si', ma endove? Vista la massa nef en Pissola la Val Daon no se pol zerto nar a spicozzarla.... ma co na telefonada tattica al gestor della malga, la sera el Teo el g'ha la dritta giusta: malga Sorgazza. Al gieri i g'ha spicozza' su tutt el di', e po', mal che la vaga, se propri no riusim a batter giaz, ne tolem drio i skialp... zima d'Asta l'e' de strada! Ne trovem cosi' per le 7 men 10 per na colaziom a Perzem e via de balla per el Tesino. La prima intenziom l'era de nar a far la Quarazza: na cascadela de prim sulla strada prima della malga. Dalle relaziom che gh'evem drio dovevem nar envanti en chilometro e mez dopo la casa zalda: diaolopo', me digo che no ho mai vist si tante case zalde en ten colp sol: en quella val no gh'era case de altro color! Vabbe', persi na vintina de minuti a zercarla, ne trovem a malga Sorgazza e decidem de provar la cascata de destra: na cascata de secondo grado longa 50 metri en bella mostra propri sora la malga Sorgazza, endo che parcheggiem la Polo. Carghem zaini coi me quattro ciodi da giaz, le 4 picche e ramponi da giaz, na me mezza corda da accoppiar per la doppia de discesa e la singola da falesia del Teo (che pero', con st'am, el varda ben de cambiarla per nar a tirar brazi!) e tutt el materiale alpinistico del caso, senza desmentegar ovviamente el caschet! Schiva' en zacom dal caign della malga (l'ha ben dit el parom che nol zaca... ma no me pareva el ne fessa le feste!) en 5 minuti de corsa sem all'attacco della cascata: che bella! Trati sotto i pei i atrezzi da giaz, el Teo (che su cascata el g'ha pu' esperienza de mi) el se tra' su da prim....e prima ancor de mpiantar el prim ciodo da giaz el se batte for el dent de oro! Che sfiga, ma co na risada (...e averese dovest vederlo!) se parte per davvero! Picca dx, picca sx, rampom dx, rampon sx.... avanti en progressiom! Entant sto sotto a farghe sicura e a schivar i balini de giaz che me piove en testa. Dopo la prima rampa, e mpianta' en ciodo gh'e' da passar for en muret, quindi travers vers destra, altro muret alla destra del sass, altra rampa e... e' fini' i 4 ciodi propri ai pei del mur finale della cascata: e anca el pu' difizile. Per fortuna, pero', essendo quasi enzima se riese co na fettuccia a assicurarse a en grop de frasseni che salta for dal giaz e co na rampa de 3 metri strampiombanti.... el gh'e'! Fatta! Adess tocca a mi. Massa bel! I me Rambo3 i morde el giaz come i denti en tel pan! I primi 3 ciodi i passo for ben e agevolmente, po' cava' el quart me trovo propri ai pei del muret finale. Punto cosi' ai frasseni per recuperar la fettuccia.... diaolopo'... en giom de frasseni engiazai.... no me saria' fida' massa a volarghe sora, po' quando som bel bel encasina' entra' le rame a cavar la fettuccia me se cava en rampom! Diaolopo', che situaziom! En qualche modo, riesso a rimetterlo su pronto per el murett finale. G'ho da far le mie a convinzer el Teo a postar zo la digitale e farme sicura da galantom... 5,6 spiccozzae e.... berg Heil!!! Che bella soddisfaziom! Propri na bella cascata! Sfila' for la me mezzacorda dal zaino (ancor engroppada dai laori de costruziom del coert en cantier) la accoppiem, en prusik veloce (a mi miga massa.... g'ho fat massa giri...), lighém el GiGi e... zo! Fatta! E adess ne trem a zercar la cascata Quarazza... dai che forse la trovem! Dopo 20 minuti n su e n zo a zercar en segnavia che no gh'e'.... eccola! Ma no l'e' formada.... vabbe', nem a beverghe sora al bar... po' sotto la merla, quando la sara' bella pronta, la tirerò su mi da prim! Vers mezdi' e mez sem za li' che vegnim for dalla val, e dopo na bona birraccia col toast alla locanda de Strigno e scarga' le macchine..... gh'e' da nar!!! A laorar!
| Che comot! Le cascate le e' giust sora alla malga! | |
|
La cascata Sorgazza destra: 50 metri de cascata de secondo. | Se punta tra balze dritti al sassom a mezza cascata... | |
|
...e se l'aggira a destra... | Co na sicura su do frasseni engiazai se salta su dal mur finale e.... grande Teo! Te sei fora dalla via! | |
|
...ma adess besogn tirar su anca el Kepo! e qi, con en rampom mola' l'e' en pel sul difizile... | ..ma tira' a um.... 5 belle spicozzae e... Berg Heil! Bel, bel, bel! | |
|
E adess, co na doppia da 50 metri ne calem enfont. | Per la Quarazza, gh'e' ancor da spetar.... ma questa, el Kepo, el vol propri provarla da prim! | |
