SCIALPINISTICA Pissola del 06/01/2008
So sol che a ovest l sol l se tira for enfretta... ma endo vot nar? En Vinschgau, anca se a ovest, l'e' pu' lente le nuvole a cavarse dai pei perche' le e' en mez alle alpi, e en Trentin no gh'e' nef.... o forse no? El Paolo el diss che n Campiglio al gieri el ghe n'ha trata zo 40 schei de fresca. E cosi' me ciama el Mich per nar a risciar sulla Pissola. Parto co l'Alberto alle 7 e 1/4 dal stadio Quercia e per le 8 ne trovem (ancoi gh'e' anca el Luca F. e l so socio Carlo) tutti a far colaziom alle Sarche. A vardar la quota nef, sora i 1000 l'e' tutt bel bianc.... sperente sol che le macchine le ghe la faga a portarne su sora Prezzo al Boniprati, alla partenza della Pissola. El StationWagon 4x4 del LucaF, la strada el se la magna, ma co la Zattera del Mich, antineve o no, restem propri en braghe de tela. Provem ben mi e l'Alberto a smontar, buttar (e entant che l'Alberto el risalta al volo a bordo, mi fao 2 tornanti de riscaldamento a rincorrerli), ma a 2 chilometri de strada dalla destinaziom besoign propri rinunciar e farse vegnir a tor dal LucaF col macchinom. Arrivem al parcheggio vers le 9 e 1/4 e tra le tante macchine i primi scialpinisti i e' za en marcia a batter traccia. De nef ghe n'e' na scarica, e li' alla partenza encrosem anca el Marco da Sondrio (che el tira for i sci ancoi dopo en bon periodo de spicozzae sul giaz). Ma no gh'e' temp de fermarse a ciacerar: ho ben capi' che ancoi tra scarponi e sci da gara i me tirera' el col. L'unica me contromossa l'e' rimetter sotto le geckopelli che almen le pesa de men e le scorre de pu' e... partir a testa bassa. Fem subit na tirada da foc su per el bosc e dopo na mezzora abbondante, dopo aver passa' cani e porci, sem tra i primi che arriva alla malga. Qi, per fortuna se se ferma tutti a bever en goz e ripartendo, vist che la sbregada per ancoi l'ho fatta, la ciapo pu' dolza su per i prai e l bosc sottogresta. L'Albert el sta drio a far foto e compagnia, i altri... diaolopo'.... sempre avanti a tirar. E si' che i gh'eva sotto anca l zocol de nef! A mi enveze, co le pel nove, praticamente niente zocol! Arrivai en gresta se la traversa fin en vetta tra parecchi distacchi de valaghe sui pendii sotto e Berg Heil! Beh, dai, propri na bella tirada! Zo i Gecki e.... beh, dai, sto colp i e' restai tacai, pero' de lato alle pel, sotto el sci s'e' fat en piccol zocol de tutta lunghezza. Adess ne trem sui pendii de sinistra zo per el bosc. Gh'e' ben poche serpentine da far: con tuta la nef pesante che gh'e' zo besoign empontarla dritta! E zo fim alla malga. Su le pel de nof e via! Sto colp i riparte a razzo, ma col Mich i lasém nar e ne la tolem propri dolza. N'altra mezzora de salita e bergHeil! E sto colp a festeggiar el nos arrivo enzima gh'e' anca la Mary e la Monica a spetarne! Zo i gecki e adess podem trarne vers val per la stessa de salita, che entant da tanta zent che e' passa' e' za' drio a deventar pista. Fem i numeri da circo per starghe en tei 4 posti della macchina del LucaF, en 6, e dopo na bona ciopa co la birra al bar, e raccattada la zattera del Mich (neanca i zitadini i resta a pe' su per 'ste strade! ... o almen i g'ha drio le cadene! ...ensomma, sto colp la Zafira l'ha fat propri la figura de n barcom... e l Mich del zitadin milanes senza cadene... no, dai! con tutte le volte che l'e' vegnu' a firmar en Austria con mi no podo darghe del milanes..... ma del zitadin de Innsbruck, quel si'!!! ), ne trem en val..
| Se parte spediti dal Boniprati, ancor en mez alla nebbia... | |
|
...no se perde en pass! Sempre pu' veloci! | ...e en ten blitz sem for dalle nebbie.. | |
|
...e quindi subit alla gresta... | ....ultimo sforzo e... | |
|
Berg Heil! | ...e zo! Ma quanta nef!!!!! Besoign per forza tornar a far fadiga en su.... | |
|
....se po' en vetta, la compagnia l'e' allietada dalla Mary e la Monica.... gh'e' propri da correr su enfretta! |
