SCIALPINISTICA Gleck del 05/01/2008
Le previsiom del temp le mette brutt do' di', ma sa vot, star a ca'???? No l'esiste! Gh'e' da nar istess! E allor, sotto la nef ne trovem a Calliam alle 7 e 30 e ne enviem vers el solito autogrill de Brixen per la colaziom. La prima scelta l'era su en bel 3000 en val de Fundres, ma arrivai en autogrill, vist che ormai alla val no mancheva tanti chilometri e el temp l'era ancor mess zo de brutto, avem devia' al volo per la gresta de confim: su dalle me bande ancoi, col phon da sud, i ha mess temp discreto.... chissa' che svizinandose nol migliora. Ne trem cosi' enfont alla val Ridanna, al parcheggio de Masseria. Smonto dalla macchina e domando endo cavolo i g'ha entenziom de nar.... zima Libera la me par improponibile con na fiocada e n nebbiom del genere.... po' l'e' ovvio che en quota ghe sara' ventaz.... e infatti i me risponde el Capro.... ma no ghe credo, e fao ben! Ancoi, po' voi stupir tutti con effetti speciali: dato che e' tutti drio a cambiar sci o scarponi, mi lancio en prima assoluta le pel de foca senza colla: i le produss en anteprima mondiale su dalle me bande (a Hall in Tirol) e giust al gieri som riusi' a raccattarmen en par. Al posto della colla le dopra na superficie gommosa (nanotecnologica) che simula la pel del gecko: ensoma sembra impossibile ma le dovria tacarse al sci e no zeder en colp. De pro le g'ha la leggerezza (30% en men de peso!), la facilita' a tacar/staccar, el fatto che se le neta strofinandole... de contro? continue' a lezer! Ne enviem su per la forestale che se envia sora le miniere che l'e' le 10 de mattina. Fioca. Passa' na malga, seguim en segnavia CAI che costeggia el torentel de fondoval e risalim... per ore! Le pel le fa apprezzar la loro scorrevolezza. A nar en su sento che i diss che forse averesem dovest ciapar na forestale che guadagna quota alla nosa sinistra enveze che seguir el segnavia e l torentel. Ma ancor no s'e' capi' endo che sem diretti: d'altronde le cartine de zona, vista l'improvvisada, le avem lassae a ca': la direziom l'e' quella del Gleck/Weisse.... vederem. Quando la val la se sera, ne ritachem alla forestale sulla sinistra con tre zete raggiungendo na malga. La situaziom nef no l'e' delle pu' comode: na fonda de giaz con sora 15 schei de polver: ensomma anca a far zete e traversi... gh'e' da nar tutt de lamine! Drio sento el Br1 zigharme: "Kepo!! L'e' na' el gipeto!" Diaolopo'.... el se riferiva al gecko! Le pel le gh'eva la coa for a sbrindolom, ma co na pausa veloce, e' basta' spazolarghe via la nef e le s'e' ritacae come nient. Continuem cosi' per forestale fim quasi sotto la testata della val, quindi prima de arrivar al malgom de testa, saltem su en doss a sinistra puntando al canal sora de noi. Davanti el Mich el fa traccia, e a far traversi e zete sul giaza' el paiss assa' alla caviglia de leign: meio! Cossi' g'ho tutt el temp de reincollar le gecko/pelli che ancor le zede su sti traversi. Zete su zete e le zede dal tutt: devo propri fermarme e sara' anca perche' s'e' engiaza' la soletta del sci, ma i gipeti no i vol pu' saerghen de tacarse: metto sotto le pel normali e riparto. N'ultim canal e arrivem al passo che l'e' le 1, en mez a na tormenta impressionante: Berg Heil! D'altronde i 30 metri de gresta tra vent e tormenta decidem tutti de sparmiarnei. Cavem le pel e con visibilita' 0 ne trem tra polver sul giaz e nef pressada, en qualche modo vers val. Arrivai alla forestale, ciapem velocita' e co na bella sciada sul battu' en te n'attimo ne masnem i chilometri che ne riporta alla macchina. Ensomma, anca con en temp da lupi, la sciada sem riusidi a farnela anca ancoi. Dopo l'immancabile pausa ciopa col speck e birra media alla locanda all'inizio della val, ne mettem co l'animo en paze, en coa sull'A22: beh, dai, gh'e' tutt el temp de pensar a endo nar la prossima volta!
| Da Masseria, ne enviem su per la forestale... | |
|
... po' continuem per senter de fondoval... ma che longa! | zete su zete per ciapar quota sul giaz... | |
|
...e i Gecki i more congelai! | Ancor en po' de zete per arrivar al passo... | |
|
...e via de balla dalla tormenta!!! Berg Heil! |
