SCIALPINISTICA NaviserKreuzJochl PoltenKreuz e Kreuz2420 (A) del 29/12/2007
El programma de ancoi no l'è ancor ben definito... pensevem quasi a far en giro ad anell tra Naviser Kreuzjochl Geier e Lizumer Hutte (se ciava che l'è poligono militare... no i ne tirerà zò bombe miga la stimana de Nadal?!). Ma la nosa vocaziom principale l'è cacciatori de "SUPER PULVER SCHNEE", e così vederèm endò che narem a finir. Dopo na colaziom 'si abbondante che no riusim a finir, parcheggiem al parcheggio a pagamento bass, subit sora el paess. L'è le 8 e 40 che sci ai pei ne enviem rento per la forestale. I me lassa davanti a far el pass, ma propri envanti.... e no me rendo cont che som drio a inoltrarme massa rento la val.... en pratica con 40 minuti de sciada guadagnem sol 20 metri de dislivell per na forestale che ne riporta giust quasi sora el punto de partenza: diaolopò! El nos prim obiettivo l'era el Naviser Kreuzjochl passando per la Stockl-Alm (el Naviser l'evem zà fat do anni fa, ma non per sta via): la Stockl-Alm l'è la malga della Cecilia, che l'è anca cameriera del nos Gasthof, nonchè en confidenza col Paolo e l Luca.... chissà che la encontrente sui sci! Taiando su per el bosc arrivem alla Polten Alm e sora gh'è en canal ert de polver vergine.... che figada! Gh'è sol 3 scialpinisti davanti, no podèm perder l'occasiom de firmar! Su de balla zete su zete e passà do veciote sui 70 anni coi zaini da spediziom, propri sotto la forcella me lasso passar da tutti... diaolopo'sulla polver en traccia le pel le me slitta da foc... che dura.... ma ancor do zete e tra diaolopo' e diaolocan (e imprecaziom men dolzi) arrivo su sudà come na bestia: Berg Heil! I primi 900 metri de dislivell i e' fatti, sem sulla Polten Kreuz (2361m). Ne fermen su na bona desina de minuti a bever (no, magnar,no, som ancor embugà dalla colaziom) e conosèm anca na coppia (la putela soprattutto) de gardenesi. Gh'è da nar! Zo le pel e ne trem en tel canal... e questa si, eh... l'è propri "SUPER PULVER SCHNEE"!!!! E po' i pendii i è propri erti, e trandose zo sull'ert en mez ai laresi se vem zo firmando ensema alle valanghe "controllae" che se segue.... belàz! La Polten Kreuz i l'ha portada su da pochi anni en memoria de en local... me digo che i l'ha ciamada così perchè el tipo el deve esser stà portà fin zo alla Polten Alm da na valanga partia da qi con rischio 2 (ancoi per fortuna gh'è rischio 1). Passada la Polten Alm, taien vers la Stockl Alm a sinistra e ripellem. E ne fem riconoser anca dal gruppo de bolzanini encontrai en vetta che con en "Ciao, banditi!" i se trà vers val... per noi enveze, la giornada l'è ancor longa! Ne enviem adess dalla malga vers el Naviser Kreuzjochl. Per fortuna el Paolo davanti el tegn en pass veloce (sudo for l'anima!) ma che riesso a starghe drio... e i altri drio per forza! Anca se el vedo ben che ogni tant i se ferma per far scatti (diaolopò ma sa tolerai zo?). Ai 2400, arrivai sulla dorsale ne fermen giust n'attimo per en goz de liquidi, e quindi, passando per l'antizima arrivem en vetta al Naviser Kreuzjochl. No l'è ancor le una e quindi ne fermen na bona mezzora a magnar e bever. Qi enzima gh'è anca i tipi della Val Gardena encontrai stamattina sulla prima zima: per lori adess le pel no le serve pù, ma a noi 1700m de dislivell (900+800) no i pol zerto bastar! NE trem così en tel versante nord, en zona poligono militare... propri entant che arriva n'elicottero, e.... ah,no, dai, l'è sol quel del soccorso alpino che l'atterra en te la valletta sotto! El prim toc l'è traccià tant e sventà, ma 100 metri sotto eccola de nuovo! Firmen alla grande per altri 200 metri e ne scampa l'ocio a sinistra: gh'è na cross che no avem ancor fat! E da lì vem zo en canal de nef fantastica con dentro sol 2 firme! Ne tocca pellar! E via! Altri 250 metri de salita e... NA... "Cecilia! Was machst du da???" la encrosem con so sorella en vetta pronta a metter la terza firma a sto pendio. Questa l'è na croce votiva non quotada sulla carta a 2420 de quota. La ne riconoss subit e la diss che sem propri fora a far tutt sto dislivell, e quando la vede el Paolo, tutt vestì de Montura, scarponi F1 Race, sci Trabb da gara e attacchim... la ghe dà subit del capitalista (...eh...gh'è feeling! Ma el Luca saralo gelos?). Cavém le pel e ne trem en val.... ZUPPER!!!! Firmen come disgraziai fin di fronte alla KlammAlm e quindi ripellem per ripeter el pendio de stamattina: de nof sulla Polzen Kreuz! E qi a veder el Mich affaticà ( o elo sol l'attacchim engiazà?) l'è en piazer! Berg Heil! Sem i ultimi en tutta la val, l'è le 4 men 10, e adess ne speta n'altra spolverada da foc: che lusso! E allora zo! E ancor zo sotto le malghe per la pista de slittim fim alla macchina. Ancoi l'è nada propri benom! 2400m de dislivell en ZUPPAER PULVER. Nem così a tirarne a um en appartamento e a zena (endo che stasera sem al taolo con na coppia de scialpinisti de Perzen,Bedoll). E la Cecilia sempre vispa la ne fa trar zo 2 piatti de minestrom, rave, capussi, tirol grostle (ma i era massa... ela la zigheva "ESSEN!!!", ma noi no ghe l'avem propri fatta a finirli), e per finir en vassoio de KaiserSchmarren! En grappim l'era el minimo per parar zo tut! Arrivo en camera e no passa zinque minuti che le luci le è zà smorzae...
| Se studia la cartina..... subit la mattina, a seguir el Kepo..... diaolopo'.... endo n'avralo portai??? | |
|
... ma davanti a en polverom del genere, se ciava le mappe! Quel pendio volèm masnarlo noi!!!! | ....e allora, dopo 900 metri de dislivel sem za al prim Berg Heil sulla Polten Kreuz. | |
|
...e pronti per trarne zo a firmar en tel polverom! | Fat el nos dovere, ripellem e passém la StocklAlm, en direziom del... | |
|
Naviser KreuzJochl. Qi ne manca ancor la gresta.... | Berg Heil! ...e altri 800 en su i è fatti.... ma sem sol a 1700 de dislivel! ancor ghe n'è! Ma adess l'è ora de tornar a... | |
|
...snasar polver! | mmmm... che gola! Alla nosa sinistra salta for en pendio immacolato con su na croce votiva.... no podém resister: su le pel, de nof!!!! | |
|
....e Berg Heil a quota 2420. Ma adess vem el bel.... | SUPER PULVER SCHNEE!!!!!!!! | |
|
Quindi, arrivai ocio e cross al livel della KlammAlm, ripellem e costeggiem el pendio per rifar la.... | Polten Kreuz! Berg Heil! ...e ancoi l'è el quarto!!! | |
|
Beh, e pù de domili metri en super pulver... se no se i vede no se ghe crede! |
