SCIALPINISTICA Hohe Warte (A) del 23/12/2007
Sveglia alle 7 e 1/4 e me presento en sala da pranzo co l'arva zà envià per la colaziom. Entant che fem scorta de energie arriva anca el Max che l'è partì da casa stamattina alle 5 e 1/2. Paghèm e nem. Endove? Schmirntal! Ovvio! Ancoi fem la Hohe Warte (o Hoger Spitze), na bella gita col finale alpinistico che parte dalla valle della valanga selvaggia (Wildlanhertal: enfont alla Scmhirntal) e la risale i pendii per capitarghe propri di fronte alla zima fatta ieri mattina e sora a quella fatta ieri pomeriggio. Partim con calma dalla forestale a fondo strada e risalim vers destra. Dopo averghe trat n'ocio alla cartina e domandà conferma a na local che era drio a nar a far zima da sola, co na deviaziom su per el bosc a destra, tachem a ciapar quota velocemente: el Mich e l Luca i parte a razzo.... fim al prim pianoro, po' ne fermen n'attimo a vardarne entorno. Avèm passà for el toc de bosc pù fitto, adess continuem a ciapar quota su per en costolom e davanti 400 metri sora, ecco che se vede la nossa destinaziom: el passo da endo che parte el grestom che porta alla zima: a vardarlo da sotto el grestom el par propri bel tosto: mi credo propri che me fermerò al pass. Con en bel travers sotto el greston, ecco che dopo n'ora e mezza de salita sem lì che arrivém, come terzo gruppo ancoi, al pass a postar zo i sci.... ma el grestom dal versante opposto el par propri bel fattibile a pè: gh'è da far zima...ovvio! Fem na tribolada de boni 20 minuti su e zo per grestine a pè e.... Berg Heil! Propri bella zima, propri davanti all'Olperer, e Kaserer, con n'ocio sulle zime de ieri e guardando vers la Wipptal risalta l'Habicht e i Tribulaun.... ensommma propri na vista da foc. Po', ancor pù soddisfaziom a veder che zo vers l'Italia el zel l'è coert.... e qi.... gh'è el sol! Benom, magnem, bevem, tornem al passo e cavà le pel, se envia tutti vers val: la sciada, a parte i primi 50 metri con poc fondo, la deve esser fantastica.... mi spetto el Mich che el se tira a um i scarponi e me envio per ultim... fago giust do serpentine e.... en 360!!! Diaolopo', che tega! En pratica me s'è empontà el sci sulle rocce scondue dalla nef e ho fat na cavriola atterrando de fianc sulle rocce sotto.... m'è vegnù for n'ematoma da foc sulle costole... ma sel sa... lè l'arte che se encarna! El gruppo de austriaci che era drio a vegnir en su e m'ha vist volar i ho ben visti preoccupai.... ma con en "Es gibt kein Problem! Alles gut!" me som rialzà e ho ritacà a sciar seguendo però le vecie tracce de discesa. Passà for sti 50 metri, però vem el bel... e che bel! Se va de serpentine su serpentine, su bei pendii fim al bosc, po' volem zercar el canal che porta diret en val: se vede bem che qi le valanghe le fa en bel laoro! Gh'è mezi laresi piegai! Ma con na mezza ravanada, riusim a calarne zo per el bosc e riciaparne en tel canal... altre belle 4 serpentine en polverom e sem zà sulla forestale. Ripellar? No dai! Avèm zà fat 1300 de dislivell.... podem anca contentarne e pensar a nar a magnar qualcos! Quindi saltai en macchina tornem a Gries per en bom taglier de speck, formai, Kren.... e na bona Radler... diretta en tel sangue! L'è le 2 che ne enviem vers l'Italia.... diaolopò.... doman l'è la vigilia de Nadal.... ne tocca polsar: anzi, a mi i me spetta en cantier, forse l'è la volta bona che finim el coert! Così po' la polver el pol farla anca zo en WelschTirol!
| Ore 8 e 42... sem zà en marcia rilalendo el versante a sinistra della Wildlahnertal.... | |
|
...e traversà el bosc.... (coi do banditi che è zà en fuga, diaolopò!) | ..risalim i vari pendii carghi de polver, propri sotto la nossa zima.... diaolopo' che gresta rocciosa da foc! Noi puntem alla forcella a sinistra! | |
|
...el Br1, per no far passar davanti nessuni a firmar prima de noi el sa esser assà convincente... (sullo sfondo svetta l'Olperer) | Arrivai en forcella, se mola zo i sci e se continua a pè. | |
|
Da sta banda qi el greston el par "docile"... e allor.... | ...su che gh'è da nar enzima! Notare i slavinoni sul versante sud! | |
|
Ensomma, anca ancoi propri na bella zimotta... Berg Heil! ...e adess... ve lasso emmaginar che sciada! Neanca fat na foto perchè massa ciapai a firmar pendii! |
