SCIALPINISTICA Gleitner (via Schlotterjoch e Gleitnerjoch) del 21/12/2007
No l'esiste che g'abbia da passar le ferie en cantier a vardar el vecio che sul coert mette su la piccionaia! Al gieri, 3 ore fermo al fret le m'ha propri pesà: scampo! E così col Mich e el Paolo ne trovem alle 7 e 1/4 a Calliam: ancoi nem en perlustraziom en gresta de confim. Solita tappa colaziom all'autogrill de Bressanom e per le 9 e 1/4, scartà l'ipotesi en esposizion sud en val Ridanna per la poca nef, ne enfilem en val Racines: nem a far el Gleitner, quindi parcheggiem en chilometro prima de Flading. Diaolopò, el Paolo el tira for dalla Polo subit i so novi scarponi F1RACE! Azz! Zà el me tireva el col l'an passà...st'an la vedo propri dura! Per fortuna el Mich l'avem riesumà ancoi da tre mesi de stop forzato da na scavezada de caviglia: na mano santa per rallentarlo n'attimin en le gite invernali (eh,eh, amici, amici, amici en .....! e se nol rallenta assà, sperem bem che ghe se rota anca l'altra!). Dopo do indicaziom en inglese a en todesc che zercheva na farmacia (a Flading??? Forse l'è meio che l torna zo vers Sterzing!), ne enviem su prima per forestale po' con taioni per el bosc vers la Innere WumbißAlm... Alla faccia che dovevem torla dolza! Subit a passo svelto! E en tel giro de mezzora zete su zete sem zà alla malga. Da qi, guadagnem altri 200 metri de quota e con 4 zete passem sul versante a destra della zima, quindi con passo spedito, passando sotto el schlotterjoch, n'altra mezzora e sem su! I m'ha ben lassà davanti, ma quando son kepofila, me tiro el col istess! Berg Heil! Sem sol noi en tutta la val! Ne fermen su na bona mezzora a magnar e bever quindi, zo le pèl, e via! Seguim più o men la via de salita vers la malga. Passà i primi 100 metri sventai se è subit en gran spolvero. La fonda l'è ottima, e sora gh'è quei 20 schei de zucchero leggermente glassato che fa far propri na bona sciada. Vers la malga po' la polver l'è propri bella! E infatti, bevest n'altro goz de sali minerali alla malga, no digo zerto de no quando i propone la risalita dal versante a sinistra! Rimettem le pel e i me tegn ancor kepofila: parto come en balim.... tanto l'obiettivo l'è el GleitnerJoch 350 metri sora... Som massa rapido e arrivo a esser propri cot al passo... e infatti la bluffada dovevo bem spetarmela! Arrivà al passo, me sorpassa el Paolo e el parte en velocità de nof vers la zima del Gleitner: diaolopò, che dura... ma gh'è da nar! Arrivo en vetta propri strac: Berg Heil ZWEIMAL! Vabbè, dai 1500 metri de dislivel per ancoi i pol bastar! Zo le pel, e altra bella spolverada, prima fim alla malga, po' per forestale fim alla macchina. Ne fermen così alla solita locanda all'imbocco della Val Ridanna a magnar na bona ciopa col speck, bever na Radler e confrontar cartine (diaolopò la Kompass la g'ha la quota de partenza sbagliada!!)... e alla fin i me fa rassegnar che per ancoi el dislivel fat l'è sol 1400m. Beh, dai, pol bastar?
| Se parte veloci en doppiafila.... ma la doppia traccia ela fatta per i sorpassi o per ciacerar??? | |
|
El Mich, en vista della malga el me segna la via de salita. La prima la fem tegnindone a destra del costolom, la seconda a sinistra. | El Kepo che arriva en vetta... per primo! Ma come?!!! Ghe tocca anca spetar i altri (eh... i g'ha tutta la stagiom per tirarghe el col!) | |
|
E quindi tornem alla innere Wumbißalm e..... besogn per forza ripellar! | E passando per el Gletinerjoch (drio se vede el Saxner), | |
|
Arrivem en zima.... zweimal! Berg Heil! |
