SCIALPINISTICA Gilfert (A) del 17/11/2007
Quando se diss far i gosi..... no ghe n'e' mai assa'! Vers Innsbruck de nef deve esserghen almen en metro... ne toca nar! Dopo en consulto col Mich (la nossa musa ispiratrice per le gite de scialpinismo) per farne consigliar la zima da far, decidem de nar en la Inntal sora Schwaz: da li' parte 2 belle gite: gh'e' rischio valanghe grado 3, quindi, sul posto valuterem se risciar el Gilfert (en BS continuo... che pero' l'e' meio no far se l ghe n'ha trata zo massa) o l'Hohe Kopf (na tranquilla MS sempre fattibile). Ne trovem col Luca a Calliam alle 6 e 1/4 e fatta la solita colaziom a Bressanom en tel giro de n par de ore sem for dal Ponte Europa che zerchem la statale da tor a Innsbruck Sud: no, no, la vignette no volem farla! Dribbla' i vari autovelox rispettando i canonici 40/50 Km/h en tei vari paesoti (diaolopo', che dura!) arrivem a Pill e da qi deviem a destra per WeerBerg e continuem fim alla famosa locanda Innerst a quota 1300. De nef ghe n'e' assa' za' dal fondoval, el dubbi l'e' riusir a arrivar alla locanda senza cadene da nef: ma la strada i l'ha netada propri bem e ghe la fem. El parcheggio l'e' piem de macchine austriache e giust una targada Bolzam (....e la mia che pero'.... da quando g'ho cava' l'identificativo de stato e provincia, no se capiss bem da endo che la e'!). Ne tirem a um enfretta (e anca ancoi el Luca el me ciava sul temp vist che l'ha za' monta' le pel de foca a ca') e decidem che gita far... tutti i va a far quella fazile, ma el Gilfert (praoni sora el parcheggio) l'e' za' traccia' dal gieri! E allora, ne toca farlo! Alla partenza gh'e' 60/70 schei de polver col fondo: propri speciale! Ne enviem che l'e' le 9 e 40. Risalim vari erti praoni taiando pu' volte la forestale che salta ai masi sora, quindi 300 metri sora ne addentrem en tel bosc, e qi de polver ghe n'e' anca pu' de en metro! Som davanti mi, ma el Luca el me morde le coe dei sci e allora tegnim en ritmo sempre sostenuto (a manetta!!!!!) senza perder en pass! Ai 1900 ne proponem el prim stop.... demo' per far do foto a sto ambiente da favola! E en 50 minuti za' ghe sem! Giust for dal bosc, su en pianoro, ne fermen cosi' a bever en goz e far do ciacere co na siora che la parla anca qualche parola en taliam, mi qualche una en todesc e l Luca.... el fa el timido co le 50enni! ....ma el todesc el lo sa meio de mi! Ripartim, la zima adess l'e' li' davanti, basta saltar sui vari bei pendii raccordai: gh'e' de quelle serpentine za' tracciae che pensando alla discesa de dopo vem l'acquolina en bocca. Testa bassa e su.... gh'e' drio 3 putei col caign che ne tampina: e allora no perdo el pass e me propongo de arrivar su prima de lori: ma no i perde en pass! Che dura! Mai zeder! A quota 2300, ormai manca 250 metri alla zima (beh... 1.000 metri de dislivell en te n'ora e 25..... sem vegnui su come i balini!!!) bevem n'altro goz de acqua e se riparte, sto colp con pu' calma... diaolopo'.... me sa che me som brusa'... gambe pesanti, la zima no l'ariva pu' e po' me slipega i sci sulla polver che s'e' deposita' sora alla traccia: che fadiga! Beh, i ultimi 200 metri per mi e' sta na via crucis per el strac, ma puntuali alle 11 e 40 (2 ore dalla partenza) arrivem en vetta: Berg Heil! La cross l'e' enorme: la sara' alta 6 metri! Firmen el libro e de vetta, e vist che (sol qi enzima) gh'e' en po' de aria, ne trem sottocosta a bever en bon goz de brule' che ho tolt drio (ancoi, vist che me scarseggieva la fornitura a ca'.... l'ho taia' anca con en bom goz de marzemin: speciale!). Zo le pel e.... via!!! Ancoi sem propri en gran spolvero! No gh'e' che l'imbarazzo della scelta per el pendio da firmar! Massa bel! Tutt na serpentina fin a delle malghe a 1800, po' taia' la forestale con qualche salt entra' el bosc, arrivem sempre en mez al polverom, sui praoni che ne riporta alla macchina: che bel! E allora en bom brindisi, birra e canederli, alla locanda Innerst l'e' doveroso! Vers le 1 e 40 ne enviem vers val, 10 minuti e sem a Pill, altri 50 a Innsbruck Sud e vers le 4 e 1/2 za' a Calliam a scargar i sci.... alla prossima! ...e sperente che entant el nen traga zo en poca anca da noi! ....e senno'.... l'Austria l'e' vizina! La scusa de esser de firma oltreconfine l'e' sempre valida: a firmar pendii coi assotti!!!
| A vardar en zo, la nef la gh'e' za en te la val dell'Inn.... sem en te na bot de fer, da ste bande!!!! | |
|
..salendo el bosc... ma quanta ghe n'e'!?!?!!! | For dal bosc, passem sora i masi a 1800 (qi erem al ritorno)... | |
|
...e puntem dritti alla vetta! | ...ma l'e' propri longa! Che sfadigada! Ma finalmente.... | |
|
Berg Heil!!!! | La cross de vetta, alta 5/6 metri, l'e' propri enorme! | |
