ESCURSIONISTICA Rujoch del 11/11/2007
Me par n'incubo: l'e' za le 8 e mezza e sona la sveglia. Anca i 5 minuti de recupero che ghe dago alla sveglia i salta quando sento l'Alberto che el salta al volo zo dal let. G'ho en mal de testa che basta la meta'... Ma la balla besogn batterla fora! Gh'e' da nar! Ghe dago en scorlom al MattiaP: se rieso a convinzer a vegnir anca elo, magari l'Alberto (che l sara' ben polsa'!) el ne tira el col en po' de men! Prima roba da far tacarse al rubinet a bever en litro d'acqua. Po', saluda' el Fabri che l'e' leva' a tirar a um la malga, ne tirem a um e partim. El MattiaP, alla fin el va a ca': anca se gh'evem trova' tut l vestir per vegnir su (i ha mess vento forte ancoi en quota... anca se po' en realta' en fil de aria no l'avem ciapa'!), co le scarpe delle feste, l'ha preferi' lasar perder... Na zima vizina che manca dal curriculum sia mio che dell'Alberto l'e' el Rujoch: gh'e' da nar! Saltai sulla Polo, cosi', nem a Brusago e parcheggia' fianco forestale 1Km sora el paess, alle 9 e 40 sem li' che partim seguendo le indicaziom del rifugio Tonini. El prim toc se segue na forestale. G'ho en mal de testa da batterla su per i sassi, spero che l me passa enfretta. El pass l'e' subit spedi', e tegnindo de ocio i altrimetri, la media, dopo i primi 40 minuti l'e' costante sui 600m de dislivell/ora. Passa' for el bosc, arrivem a en praom e con do curve, en tel giro de n'ora (dalla macchina) sem ai 1905m del rifugio Tonini. Qi na pausa l'e' doverosa! El mal de testa el par passa': encrosem do turisti che e' drio arrivar a pe' da Stramaiol, e subit ripartim per el Rujoch. A vegnir en su ne erem proposti, vist el bel pass de salita che tegnivem de far sia el Rujoch che el monte Croce, ma po' vardando le tabelle SAT che dal rifugio le da' el Croce a tre ore, decidem en fretta, che el Rujoch, per ancoi el pol esser assa'. Dopo neanca 100m de dislivel sora el Tonini, se ciapa el costolom entra' pini e rododendri: diaolopo' el senter l'e' en lastrom de giaz! G'avem da far le nosse a star en pe' e i rododendri i ne da na bella man a tegnirne en pe' e a no rugolar a val! Finalmente for dal bosc, se arriva sui tipici sassoni rotti del Lagorai e qi no gh'e' pu' giaz: al pu' macioni de nef spazzolai dal vent. Ore 11 e 50: Berg Heil! Ghe sem! 2 ore e 10 dalla macchina: benom! Foto de vetta: mmmm che strano pero', gh'e' sol na vecia cross de leign marza.... sulla zima 100 metri pu' en la' enveze (che a ocio l'e' pu' bassa) ghe n'e' su una decisamente pu' bella, de fer.... mah! El panorama entorno el merita propri e.... l'attenziom la va ovviamente su dalle me bande: en Austria/cresta de confim gh'e' en candor da foc: ...non per nient, al gieri i bollettini al confin del Resia i metteva rischio valanghe "FORTE GRADO 4" con zo 1 metro e 20 de polverom! Addirittura e' tutt embianca' fim al gruppo del Sella compreso! Saluda' en par de escursionisti, nem alla cross de fer: ero convint fussa l'Oltmon, ma gh'e' scritt Rujoch.... mistero! La zima li' tacada co la cross de leign la par pu' alta.... Altra pausa de vetta e decidem, per la discesa, de far el giro ad anell. Adess puntem su Malga Stramaiolo (dal costolom, ne sbassem a ocio, vist che no gh'e' senteri) fim al fitto bosc, quindi ritacai al senter arrivem a malga Stramaiolo bassa endo che ne fermem a domandar endo nar per Brusago: la cameriera l'e' na dona dell'est Europa: za la ghe n'avra' en goso a capir el taliam, figurarse quando ghe domando en dialett strett la strada giusta per Brusac! Per fortuna salta for la parona e la ne para per la strada (alta) che continua drio la malga. Dai li' po' ghe' el segnavia che basta seguir (no l'e' en senter numera'). Taia' en par de forestali a quota 1300 ne encrosem n'altra e quindi, lassem el senter e la seguim vers destra: noi d'altronde dovem tornar alla macchina che avem lassa' 1Km sora el paess.... e infatti passem subit na stanga de strada forestale e per le 2 e 1/2 sem alla macchina. Belaz! Telefono cosi' alla Daria per veder se la squadra l'e' ancor alla malga: no, tutti a ca' a polsar! E allora ne enviem vers ca' per polsar anca noi: la sbornia l'ho recuperada, ma le ore de som endrio le gh'e' ancor tutte!
| En te n'ora da Brusac sem za' al rifugio Tonini! | |
|
Po' risalim pra' e bosc engiaza'.... quindi soliti sassoni del Lagorai e... | Berg Heil! | |
|
Traversa' la gresta.... | ne calem sul costolom de sinistra vers el praom de malga Stramaiol, quindi aggira' el doss, ne calem en tel bosc fin la macchina. El costolom de salita dal Tonini che avem fat l'e' enveze quel de destra. | |
