ALPINISTICA Kruckel Kopf (A) del 03/11/2007
Dopo na balla da paura coi soci del paess scominziada la mattina prima co l'aperitivo al Bologna, continuada tutt el dopodisnar su per Malga Somator e finia per le una de not zo per i locali de Lizzanella.... gh'e' da nar a smaltir! E cosi' alle 4 gh'e' za la sveglia che sona.... Me trovo col Stefano a Roveredo e, vist che se i me ferma som ancor oltre soglia, lasso guidar elo fin Bressanom.... Ho sentu' che i crucchi el weekend passa' i e' riusidi a far en bel giro sulla zima pu' alta del gruppo de Schoberg (en Carinzia), el Petzeck....e tegnindo d'ocio le webcam 'sta stimana nol dovria averghe fat sora pu' de 15 schei de nef: el dovria esser ancor fattibile. E po', oltre alla solita firma, togo l'occasiom per nar su a zernirme anca i laresi per el coert! Dopo la solita colaziom en quel de Brixen, me trao al volante e fen na tirada per la Pustertal fim a Lienz: qi l'e' doverosa na pausa al distributor (....e la benza qi la vem 15 cent en men che n Italia! ....peca' che no gh'e' l metano...) anca per comprarme la cartina della zona. Ciapa' per l'IselsbergPass, ciapem la longa forestale (11 Km de sterrata!!!) che ne porta enfont alla Debanttal a quota 1650m. El viaz l'e' sta' propri lonc, e trati su i scarponi, ne enviem per el senter che l'e' za' le 8 e 3/4! Se risale el fianco destro del vallom seguendo le indicaziom per el Wangenitzsee Hutte, passa' for en bosc pien de terlaine, arrivem a en pianoro e da qi a ocio ne tegnim sotto i fili della teleferica (che pu' che al rifugio no la pol nar!). Passa' en par de pascoli, ne rampeghem su per n'ert vallom (diaolopo'.... senter poc visibile e ne trovem su per sgrebeni.... po' finalmente ne ritachem al segnavia tegnindone alla sinistra della teleferica). Arrivai enzima alla pontera (2570m...e da qi se pestola nef) se e' alla forcella sora i do laghi, e da qi smontem per traversar la valletta e arrivar dopo vinti minuti (e dribbling tra i busi enfra' i sassi scoerti dalla nef...) al rifugio. Beh, dai, en par de ore e sem za' qi: e quindi ne fermem a trar zo qualcoss na desina de minuti, po' ripartim seguendo el segnavia per el Petzeck (i da' 3 ore) che pero' tra che no l'e' traccia', tra che i segnavia i e' seppelidi dalla nef (che la sconde placche scivolose).... e tra che guadagnando quota, se sprofonda sempre de pu' (e l'e' el Kepo che fa traccia su e su).... sudo for tutte le birre del gieri..... che fadiga! Arrivem finalmente per mezdi' e mezz alla forcella a quota 3000.... e adess? mmmm, gh'e' da rampegar su roccette piene de nef e giaz su per gresta vers sinistra. E qi, anca se nem su sligai (IIgrado....) me fao dar el cambio dal Stefano. Ghe sem.... ma endove? a vardar la cartina se doveva traversar en nevaio en discesa e risalir alla vetta co la cross, e enveze sem capitai enzima a en scroz con davanti na gresta che porta a na vetta co la cross: ma che gresta! En pratica alla forcella avendo gira' a sinistra sem finidi sul Kruckel Kopf.... beh, bel istess... soprattutto perche' sem propri davanti al Gross Glockner (vetta pu' alta d'Austria) e l Gross Venediger. Alla forcella sotto, entant arriva anca n'altro escursionista (che pero' el se gira de balla) sfruttando le me pestolae.... Ne girem e scampai for dalle roccette, dopo aver trat zo na bona meza ciopa col salam, ne trem vers val. N'altra ora e sem al rifugio, quindi, fatta na pausa a cargar le borracce dal lac e risaltadi sulla forcella del Wangenitzsee ne trem en la debanttal... arrivem alla macchina alle 4 e 40.... La strada l'e' ancor longa: adirittura, en tei 11Km de forestale riscio de lasarghe zo la copa dell'oio dela me Polo.... Fem en dritt fin en WelschTirol.... 4 ore tonde tonde.... e.... som a ca' a buttar zo i ossi! Sto colp, della birraccia ho fat volentera a men! ...gh'evo ancor en circol quella del gieri!
| Enfont alla Debanttal, se salta sul versante de destra sotto la funivia... | |
|
...e per prai erti se guadagna 900metri de quota, fin alla forcella.... | ...del lago de Wangenitz. | |
|
Traversa' la piana e dopo na pausa al rifugio.... | ...se taca a risalir la dorsale... (da notare a destra del Wangenitzsee, gh'e' anca n'altro lago engiaza'!) | |
|
...fim alla forcella de nef, quindi per roccette engiazae (diaolopo'!)... | ...arrivem sulla zima (de destra della foto sora): ma davanti, per arrivar alla cross gh'e' na rampegada de misto da metterse le man en tei cavei.... e allora.... | |
|
Berg Heil!! |
