SKY-DIVING Aeroporto militare di Verona del 21/10/2007
Galeotta fu la bevuta coi cosini fuor dal cantier el mes passa'.... "Nente a trarne dall'aereo col para'?" se diseva... ma l'alcoltest l'era fuoriscala, e allora.... no se diss mai de no! Diaolopo'.... Prenota' per el 21 ottobre, tanto le previsiom le metteva brutt, ero convint no saresem mai nai, e enveze.... Alle 8, som ancor en let, me ciama el Giobbe: "Kepo! Zo i m'ha dit che el tempo l'e' perfetto! I ne speta per le 10! Sem za' qi a me ca' che te spetem: dai che gh'e' da... TRAR!!!". E cosi' tira' a um, en neanca 10 minuti sem za' sulla Polo en direziom Verona... Ancoi ne trem mi, el Giobbe e l MarcoG: el PaoloC el s'e' za' trat temp fa, el ven giust a compagnarne. Dopo na pausa colaziom en autogrill per le 10 e 1/4 sem li' che entrem en aeroporto. Beh, l'agitaziom se ne la leze en faccia, ma per el momento l'e' ancor nient! Nem dalla siora a pagar e la ne assegna al quinto lancio: "entant se vole' pode' nar a farve en giro al bar a bever qualcoss"...e fumar en zigheret per calmarne.... el temp el vola, e infatti tornai en aeroporto, i ne diss che i n'ha zerca' en pez e i e' stai costretti a posticiparne al settimo lancio: poc mal.... Subit i ne spiega le procedure de lancio, volo e atterraggio: beh, per el lancio basta trar for le gambe e tegnir le man en tei spallacci dell'imbrago, en volo se le teign allineae al busto daverte e gambe serae en pel endrio (col e testa sempre endrio!) e po' quando co na pacca sulla spalla el preannuncia l'apertura del paracadute.... tegnirse pronti alla frenada! Quindi en volo el ne spieghera' come guidar el paracadute all'atterraggio (el g'ha i doppi comandi!) e per atterrar, gambe avanti e zo col cul... o se propri se riese do passi veloci e se sta' en pe'! Domande? Boh! Massa.... ma a far ste robe qi, forse l'e' meio no far massa domande: tanto, fasendo en lancio en tandem, se e' ligai all'istruttor: laso ben pensar a elo a tutta la procedura! L'e' prest mezdi'.... tocca a noi! Trem su la tuta, en par de guanti (en quota l'e' 20 sottozero!), el berett e i ociai per l'aria e saltem sull'aeroplano. Frasai come le bestie! El Giobbe e l Marco i se senta sul carghim coi cameramen e istruttori (el Paolo el sta zo a vardarne) e mi sdraia' davanti al portellom, con drio l'istruttor che el se ancora a mi con 6 moschettoni e davanti el me cameramen. Beh, l'agitaziom la g'avem bem tutti, ma quando l'aereo el stacca le rode da terra, fa impressiom a pensar che tornerem zo co le nose gambe....e per i primi attimi no se pensa a nient. Anzi, vist che la salita l'e' de en quart d'ora, me la passo a vardarme l'altimetro, el monte Baldo, el Monte Rosa (si', si', visibilita' perfetta ancoi!), el mar.... po' i me segna i 2 minuti e quando manca en minut... no gh'e' pu' temp de pensar! Gh'e' da trarse!!!! e mi som el prim! I daverze el portellom, e trao for la gamba sinistra, entant se sfila el cameramen che el rampega esterno sul portellom dell'aereo per riprenderme (e sem a 4200m de quota!). Trao for la gamba destra, alta la testa e.... zo!!!!!! Che flash! Dopo en capottom, me ritrovo en caduta libera ai 250Km/h! El prim moment, la sensaziom l'e' la stessa de quando se fa en tuffo dall'alt (effetto gravita'), po' enveze se volteggia en aria....e personalmente no me som rendest cont de quanto velocemente se svizineva el suolo! E minut de volata libera, po' l'istruttor el me da na pacca sulla spalla e se daverze el paracadute e..... l'effetto l'e' quel che ne diseva el Paolo: "Le come sentir la man de Dio che te tira su!". En realta' l'e' sol l'effetto della deceleraziom da 250 a praticamente 0km/h! Bel, bel, bel! Me vardo entorno, sem a 1500metri de quota, praticamente fermi, l'e' come esser sul parapendio. Tra n'attimo l'istruttor el me passera' i comandi e ripasserem la procedura de atterraggio.... e enveze.... passa dese secondi e sento "CLOCK" e.... zo de nof! a 1G! Come esserne appena lanciai en libera! Diaolopo'! Sa e' sucess???!!! Beh, l'istruttor el sento ancor taca' drio e penso ben che alla pellaccia el ghe teign anca de pu' de mi, po' en quei momenti li', no se pensa.... dopo dese secondi riecco l'effetto de apertura paracadute e ne fermen de nof: adess sem a 700 metri de quota, no digo nient, sento sol sora l'istruttor che sferraglia con cavi de fer e dopo mez minut el me passa i comandi (....ma dei doppi comandi no gh'e' traccia!) e fatta na simulaziom de atterraggio.... sem za zo! Su le gambe, zo i comandi e.... praticamente da fermo posto el cul enterra! Benom! Atterrai 3 minuti de anticipo sui cosini e li' gh'e' el Paolo l'e' preoccupa' per el paracadute che l'ha vist sganciarse.... avevem davert quel de emergenza, vist che l prim l gh'eva le corde engroppae! I me diss che som sta' propri fortuna', vist che su 10.000 lanci en tandem, l'era la terza volta che ghe succedeva! Eh, si', eh, mi, se le emoziom no le e' forti, no voi neanca provarle! Zerto che na roba del genere no me la saria mai aspetada! Coi straordinari che g'ho fat far sta ultima stimana, devo darghe el livel (e premio produziom) anca al me anzol custode! Atterra anca el Marco e l Giobbe.... sem tuti gasai, e subit i me domanda del paracadute sgancia' (che i ha encrosa' a passar zo!). Entant i ghe offre al Paolo anca en giro turistico sul Pilatus (l'aereoplano per i lanci): l'e' impressionante veder come appena s'e' lancia' i paracadutisti el se mette en picchiata e l'atterra prima de lori! Ritira' maiette e DVD, e ringrazia' tutti, l'e' doverosa na birraccia con en zigheret al bar drio l'aeroporto. Anca sto colp avem porta' la pellaccia a ca'!
| I 4 pionieri dell'aria! Marco, Giobbe, Paolo, Kepo. | |
|
El Pilatus.... el nostro aereo... 1000 cavai! | Ecco il Kepo appena for dall'aereo...(se vede l'elica sora!) | |
|
Adrenalina da paura! ma el bel el g'ha ancor da vegnir.... | ....e via! a quota 1500 se daverze el paracadute... | |
|
....ma elo davert bem???? Okkio al color del paracadute! | all'atterraggio!!! ...mmm.... ops.... adess la vela l'e' rossa! eh... aver cambia' la vela en volo.... no l'e' miga roba da tutti i di'! | |
