ALPINISTICA Matterhorn(CH) (tentativo) del 15-16/10/2007
15 ottobre:M'ariva n'SMS dal Davide: "el Cervino l'e' en condiziom!". Cosssa???!!! A ottobre??!!!! ...e allora gh'e' da nar! La via en condiziom, en realta' saria ben quella italiana, e noi, allora, provem quella Svizzera: sperem bem. Dopo en veloce ocio alle previsiom meteo trovem na finestra de bel temp per luni e marti e cosi' richieste le ferie (...e sperando che me passa la bronchite che me porto drio ancor dalla sbaraccada de Monaco della stimana passada) l'appuntamento l'e' per le 6 a Roveredo sud. Sto colp lassem la Polo en tel parcheggio: doprem el nof coche del Teo, e dopo 40 minuti de coa en entrata a Milan, na pausa colaziom prima della A8 e passa' l Sempiom, Briga e Visp, arrivem a Tasch vers le 11 e 1/4... Descarga' la macchina e sparteza' le corde (eh,eh! sto colp dovem ringraziar el Daniel che l g'ha passa' al Davide le so do mezze corde: la me vecia corda aranciom, dopo che i me la doprada i veci a tirar zo el zirezer drio casa, no me fido propri a torla drio!) e trat su i scarponi, tolem al volo el trenim per Zermatt. Solita traversada a pe' della zita' e solita pausa al panificio a torne ciopeta e biretta per disnar, quindi saltem al volo sulla funivia che ne porta a Furi: doveresem bem nar a SchwarzSee ma el secont troncom l'e' sera' en pratica ne tochera' partir da 1800 e puntar ai 3200m dell'Hornli Hutte, endo che ne fermerem a dormir. Copada subit na biretta a testa ne enviem coi zaini stracarghi (eh,eh....s'avralo porta' drio sto colp el Kepo??) entra' i masi e per l'ert senter che salta sul costolom davanti alla funivia guadagnem quota, prima fim ai 2300 de Furgg, poi su pendenze pu' dolzi fim ai 2580 de SchwarzSee.... na pausa beveraggio l'e' doverosa, e quindi ripartim seguendo el segnavia Hornli Hutte: traversa' na piana, e salta' su n'altro doss, se traversa su na passerella de fer (appena rifatta dopo na frana...), e quindi vers quota 2900 se fa en lungo mezzacosta sul versante nord, fin sotto el rifugio. Da qi l'ultim toc l'e' na serie de zete giazae che le ne sbara su en fretta ma co la lengua enterra direttamente al rifugio. ...a dir el vera, narghe al vers, no l'e' si comot, vist che per evitar de tirar for dal zaino picca e ramponi, g'avem da far le nosse a star en pe'. Arriva anca n'elicottero e l va a raccattar na cordata restada enzima al Cervino: l'e' le 4 e 1/2: no i riusiria mai a scamparghen for prima de not. Encrosem po' na cordata de todeschi che me spiega en po' le condiziom: lori no i e' riusidi a arrivar enzima perche' i e' partidi massa tardi (le 7 e 1/2), i ha dovest cosi' girarse alla Solvay Hutte (bivacco di emergenza a 4007m). Le condiziom, a parte qualche toc de giaz e nef, le pareria tutto sommatto accettabili: fin ai 4000 l'e' fattibile anca senza ramponi! Vers le 5 sem en tel bivacco invernale dell'Hornli a svodar i zaini: ecco perche' i peseva si tant! El Kepo el s'e' porta' drio, oltre ai vari magnari per tutti (pasta e fasoi, tonno, pam, biscotti....) anca na bozza de Valpolicella superiore e 3 birre da mez litro! E subit el Teo el tira for dal zaino anca en goz de caffe' e ross per scaldarse e.... 4 pizze! Diaolopo', che magnada! Ma en rifugio no l'e' miga calt, e allor per stemprarne ancor en poc trem su anca en piatt de pasta e fasoi.... comunque, fati for tutti i alcolici, gh'e' da dir che l fret no sel sentiva pu'. Anzi... arriva anca altre 2 persone en rifugio propri entant che ne enviem en zigheret per um (ma come? 3 alpinisti che fuma??!) e i scampa na mezzora per la cappa che fem su! Rientrai sti doi, de cui uno l'e' guida alpina ne fem spiegar ben o mal la via de salita.... A dir el vera no m'e' chiara la lingua che i parlessa: penso romancio... Alle 7, deciso de puntar la sveglia alle 4 e 1/2 per partir entro le 5 e 1/2, ne buttem zo, non prima de averghe domanda' alla guida alpina a che ora la ne consiglia de levar: "endo vole' nar benedetti! l'e' ancor strof alle 6! ...prima delle 7 no se va da nessuna banda!". E cosi' posticipo la sveglia na mezzora. 16 ottobre: ...ma vers le 4 leva i do Svizzeri.... diaolopo'! I n'ha fat terrorismo per levar tardi e po' lori i ne anticipa de brutto! carogne! Vabbe', sara' che i vol nar da soli, ma de zerto de farne posticipar la sveglia i podeva sparmiaselo! Vabbe', levem anca noi e trem su en the con do barrette ringo al cioccolato e per le 5 e mezza (tre quarti d'ora dopo i Svizzeri) ne mettem en marcia anca noi. L'e'ancor buio pesto: se va de frontalini. Fatti 3 minuti a pe' drio el rifugio, arrivem alla base della parete endo che parte le corde per saltarghe su. Sem za ligai e saltai sui primi 10 metri de mur, dopo en traversim a sinistra scominziem la lunga salita tra roccie rotte. El Kepocordata ancoi l'e' l Davide, mi sto "comodamente" en coa. Dopo esserne enfilai su per en brutt canal marz, ne calem sotto e traversem vers sinistra: per fortuna l'e' not: no se se rende neanca cont dell'esposiziom! Gh'e' freccie e cordini dappertut, ma la via no l'e' per niente fazile da trovar. Sciariss, e entant saltem su ancor per roccette finche' no ne arenem enzima a en gendarme... diaolopo'.... ancor fuorivia.... e allora tornem pu' bassi, ritraversem vers sinistra e ciapem quel che par esser traccie de senter. Dopo en pez, scollina' for a mezzacosta da na gresta, se vede cordini e anei che salta su tra plachette e allora avanti de conserva fim sottogresta. Da qi parte na serie de canaponi e cordini de fer che ne porta sulla sinistra del fil de gresta. Diaolopo', l'e' za le 9, no ne sem mai fermai e sem ancor a 3750.... El Davide el se ennervosis n'attimo per le corde che se engroppa tra i sassi, e nol vedo massa sicur de arrivar enzima (tra deviaziom e la poca visibilita' della via, averem za pers n'ora e mezza a zercar la giusta direziom), el Teo finalmente el se ferma a bever (l'era pu' de n'ora che ero sea' e con la lengua enterra, ma vista la longhezza de progressiom no m'ero ancor fida' a domandar en break). Deciso: dovem puntar de arrivar alla capanna Solvay (quota 4007m) entro le 10 e 1/4.... ripartim subit, e continuem a rampegar tra torrioni e gendarmi de roccia: a 3800 dovria esserghe i resti de en vecio rifugio abbandona', ma no i vedo. Avanti! L'e' dura darse come obiettivo intermedio la capanna Solvay, quando l'e' do ore che la g'avem sempre dritta davanti ai oci: e no l'ariva mai! Alle 10 e 20 sem sotto la Mooseley Platte, la placca de III che con 3,4 spit con en bel muret la ne porta al bivacco de emergenza per le 10 e 1/2. Ale'! 4007m, el piu' l'e' fat! ...e fim adess, anca se qualche nevaio l'avem bem passa' tirando el fia', i ramponi i avem lassai en tel zaino! Adess g'avem i ultimi 450 metri alla zima, ma l'e' doveroso en briefing en la capanna Solvay per decider come proceder. Per mi e l Teo naria bem far zima, e tornar qi a passar la not (en tei zaini, per emergenza, ne sem portai su fornelet e pasta e fasoi, coerte, ghe n'e'...), el Davide all'inizio el voleria tornar de volta, ma po' dopo en colp de telefono en ditta (a domandar en di' de ferie en pu') el se convinze: gh'e' da nar! Ripartim decisi dalla capanna vers la vetta, propri entant che smonta i 2 Svizzeri dalla placca sora: i e' de ritorno (anca se no i e' molto chiari a dir se la zima i l'ha fatta o no). Fatto sta che sti doi, quando ghe domandem le condiziom, i ne diss ben "ziemlich gut", ma i ne diss anca che sem sol a meta'.... per arrivar enzima se ghe volera' altrettant temp.... ma come?!!??? Manca sol 450 metri! Diaolopo', i ne demotiva propri, e cosi' ne fem far la foto de gruppo e ne girem vers val: peca'. Fem subit na doppia a smontar dalle plachette che ne dopra anca lori (e che l Teo l g'ha da nar a sbloccar en tel recupero della corda), po', dopo esserne fatti scroccar anca en goz de the dai svizzeri (diaolopo'.....i fa' i fighi, e anca i n'aprofitta!) scominziem la discesa vers le 11 e 1/4, convinti de metterghe molto de men della salita... envenze.... tra doppie, calate, e la via che l'e' n'impresa trovar, la deventa eterna. Per passar for en po' de nevai tiro for anca la picca... dopo tre doppie ne molem e continuem sligai en disarrampicata per el resto della discesa (a parte n'altro par de doppie pu' en bass). L'altimetro el s'e' blocca'... nol va pu' zo! Scollina' for da na gresta, no se capiss da endo passar....gh'e' cordini e anei per doppie, ma el Davide el parte en zo co le corde sul zaino e allor, animo en paze, concentraziom, e con calma....endrio a perder quota! n'altra doppia, po' traccie de senter e passem for i canaponi de gresta a quota 3450. L'e' ormai le 4 dopodisnar... e per passarghe for da en spigol, vist che ormai de testa som na' en asedo, fago anca la cazzada de tacarme su na lama a sbrindolom: diaolopo', che cazada, e i pei adess endo i metto? Beh, 10 secondi da panico, en bel respiro e riesso a passarlo fora (...e pensar che me saria basta' passar giust en pel pu' bass!)...col pensier che quando torno en val en cero en pu' devo ben enviarlo! Altra doppia, e po' via per tracce de senter fim ai canaponi finali. Son endrio 10 minuti dal Davide, 3 dal Teo, ma arriva' ai canaponi, i me lassa su la doppia, me calo, tiro zo tutt e.... no me par vera! L'e' le 5 1/4 e sem al rifugio!!! Che tribolada! Raccatta' i sacchi a pel e le zavorre lassae li' (e en goz de birra vanzada dal di' prima, la va zo che l'e' acqua Santa!), e' arriva' anca en par de putei spagnoli che i se fa spiegar la via de salita e le condiziom (da mi.... diaolopo'... da tante roste che ho vist ancoi, no ero neanca pu' bom de farghe veder la capanna Solvay!). Per le 5 e 3/4 sem de nof en marcia, sto colp coi ramponi sotto i pei, per velocizzar la discesa.... Passa' for le zete sotto l'Hornli Hutte, e traversa' la gresta, sotto le passerelle metalliche encrosem anca do todeschi che i risciera' la salita doman. Sotto i 2500m de SchwarzSee l'e' engual not, e dopo aver suga' na sorgente (che se'!), continuem vers val co le frontali enviae. Taiom su taiom, altroche' senteri! Prai a 45 gradi! Roba da piccozza! Arrivem a Zermatt alle 9 in punto. Desfai. Adess na bona birra media e n panim nol ne lo cava nessuni, e neanca en zigheret.... Alle 21.50 parte el treno per Tasch...anzi, no. Chiuso per manutenziom! Poc mal, i ne porta zo en pullman. Carga' la macchina, e rientrai en Italia (dopo en controll doganale.... i g'ha pur da farsela passar la nott sti doganieri!), ne fermen poc for da Milan a magnar qualcoss e per el cambio pilota: guido mi fin a Affi. Arrivo a casa alle 4 in punto.... beh dai, 3 ore de som basterale? Doman no som miga en ferie!
| Vestiziom al parcheggio.... se se veste per i prossimi do di'..... | |
|
....e via da Zermatt (qi en foto, co la poderosa ombra della nosa meta) | Qui, en pel sotto Furgg vers i 2200m de quota.... ancor ghe n'e'! | |
|
...el panorama glaciale l'e' stupendo: da destra, el piccolo Cervino, i 3 Breithorn co la Roccia Nera, po' la zima bianca centrale l'e' la sovrapposiziom del Lyskamm col Polluce e Castore, quindi vers sinistra, le zima del Rosa (Zumstein, Gnifetti) che finiss co la Doufur e la Nordend. | ...dopo i 2500 de SchwarzSee se ciapa quota en direziom della passerella metallica... | |
|
...che ne fa cambiar versante, e del rifugio.... diaolopo' gh'e' za su n'eliccotero che recupera alpinisti!!!! | eccone finalmente a trarne zo comodi all'Hornli Hutte! | |
|
El Kepo che rampega tra le roccette.... belle esposte, eh?! (a dir el vera qui erem drio a tornar de volta.... ero en disarrampicata...) | ...e finalmente.... eccola! La capanna Solvay! a 4007! | |
|
Berg Heil! Al terrazzino della Solvay ne girem. | El Kepo el fa l'ultima doppia: quella che porta sul senter davanti all'Hornli Hutte. E adess... altre 3 ore de marcia per nar en val! | |
