ALPINISTICA Wildspitze (A) del 01-02/09/2007
El weekend l'era za' organizza' da en pez co la laorada en cantier la mattina e festa de battezzo del fiol del Mazzu al pomeriggio, ma a vardar le previsiom del tempo no resisto propri alla tentaziom de scampar! E cosi', al sabo de mattina, disarmando la soletta en cantier, tra en traf e n panel, rieso a organizzar col Stefano e l'Alessandro la salita alla pu' alta zima del Tirolo. Ciamo en rifugio (la Breslauer Hütte), prenoto, e a 1/2di' en punto corro a casa a tirarme a um, magnar e preparar el zaino (e passar dal Mazzu a dirghe che.... diaolopo', me spiass propri, ma se ancoi no scampo va a finir che resto a ca' anca doman): alle 1 e 1/2 dovem partir! Ne trovem cosi' puntuali a Roveredo al Quercia e cargada la Polo.... gh'e' da nar! El senter che sale al rifugio, el parte da Vent, vizim a Sölden, en Austria, e cosi' passa' Bolzan, e la MEBO, ne trem su per la val Passiria fim al passo Rombo (Timmelsjoch: quota 2509!). Passa' el confin, e paga' el pedaggio del passo (17 Euro A/R), ciapem per Sölden finche' a Zwieselstein tolem la deviaziom a sinistra per la val che porta a Vent. Arrivai, come previsto qi el temp no l'era bel ma almen no piove (doman enveze sara' serem!): l'e' le 5 dopodisnar, quando parcheggia' la macchina (sem i unici italiani: tutti tedeschi) cargai i zaini sulla schena, tolem la seggiovia che ne porta dai 1750 ai 2350. Da qi, ne enviem su per el comot senter che en te n'ora (gh'era ben scritt 1 e 1/2 sul segnavia....) el ne porta ai 2860 del Breslauer Hütte. Arrivem li' alle 6 e 1/2 e trat el zaino en camerata me togo subit fora le birrette e la bozza de Marzemin che ne sem portai a monte e ne fiondem en sala da pranzo per la zena. Ma le nosse boze, anca se sem en rifugio, no i ne le fa bever... e allora me ordino subit na birra (i me la fa da mez litro senza dirghe nient... m'averai vist en faccia?). Ne sentem zo al taol con altri 5 todeschi e subit, scominziem a parlar... en todesc! Dopo esserne fatti spiegar che ancoi lori i eva prova' a far zima, ma i s'era dovesti girar per el nebbiom (e i ritenta doman) arriva da magnar: mi ho ordina' en piatt de Spatzli, e devo dir che si boni no i evo mai magnai, vedo soddisfatti anca el Stefano (che pero' l'ha ordina' en piatt de tortellini!) e l'Alessandro. Per mi arriva anca el secont giro de birre, e allora con n'altro prosit ai tedeschi, ciapando pu' confidenza, girem el dialogo en lingua inglese, cosi' taca a parlar anca l'Alessandro. El Stefano en qualche modo a gesti el se fa capir, o al pu' ghe fao mi da interprete. I comensali i e' tuti della Germania dell'Est (dalla zona de Karl Marx City: i s'e' fatti 600Km per arrivar fin qua!), e comunque i ha za' gira' zo per el nos Welschtirol vist che i e' vegnui a rampegar a Arco. Gira' anca el terz giro de birra, som propri curios de sentir (vist che me par boni bevidori anca lori) come che i se trova lori en Germania con ste leggi che per guidar no te poi bever neanca na birra. Beh, anca lori i g'ha el 0,5 de limite, e quando ghe digo la me intenziom de cambiar cittadinanza (austriaca) per no averghe pu' problemi coi punti, lori i me spiega el loro metodo ancor pu' ingegnos. En pratica al Jorg, i gh'eva ben ritira' la patente con 0,8, l'an passa', pero' essendo della Germania dell'Est, anca se l g'ha consegna' la patente europea, l'ha podest continuar a circolar co quella vecia della DDR! Entant che vago sull'us a scrocarghe en zigheret a na cordata de olandesi, el Stefano e l'Alessandro i se lancia en inglese e i se scambia adirittura i numeri de cell! (uno -Roberto- l'e' n'infermier de 37 anni con en fiol da 20 a ca', l'altro -Jorg- l'e' en vecchio "lupo di montagna" sui 55....). Ma le cameriere, vist che sem i unici italiani, le ne sta propri drio benom (estra che ghe parlem todesc!) e le battue, al taol le se spreca. Ovvio che quando l'e' le ondese, dopo che ho ciama' en giro de grappe al taol, le pu' belle le va a dormir e resta fora la "men ricercada".... Ne trem a fumar n'ultim zigheret en compagnia (e qi addirittura l'Alessandro el se fuma la pipa!) e per le 11 e 1/2 nem en let. Alle 5 e 1/2 levem: tempo spettacolare. Fem colaziom, ne tirem a um con calma (diaolopo' che marmaglia de cordate....le lassem partir... ma tanto nem a ciaparle!) e per le 6 e 1/2 ne enviem a pe' girando drio a sinistra del rifugio. Passem sora a en laghet glaciale e traversa' en par de morene (gh'e' zo na spolverada de nef) ne portem sotto el canalim che sale al MitterkarJoch.Qi ne trem sotto i ramponi e ne embraghem per far i 60 metri de ferrata che ne porta enzima al passo a quota 3440. Da qi, continuem en cordata su ghiacciaio e con en lonc giro en senso orario ne portem sotto la zima, avendo ormai passa' tutte le altre cordate che la mattina era parti' almen mezz'ora prima de noi. I ultimi 30 metri de dislivell se salta su tra comode roccette (sol en passaggio de II) e.... ore 9 e 1/2: terza cordata, Berg Heil! 3770: la zima pu' alta del Tirolo! Vist che gh'e' en po' de aria ne trem sottocosta na bona mezz'ora a ciapar el sol e far conoscenza de l'unica altra cordata de taliani (bolzanini con drio tre boci tra i 7 e i 12 anni!) e le altre cordate de todeschi. Vers le 10 ne molem en zo. Tornai al MitterkarJoch, enveze de rifar la ferrata propongo el canalim diret sui 40 gradi de nef: ne divertim propri. Quindi per mezdi' e mez, dopo aver encrosa' Jorg e Roberto (ma a che ora erei partidi!??!?) che e' drio a salir al passo, e averghe promess en goz del Marzemin che no i n'ha lassa' bever al gieri al rifugio, per mezdi' e mez, sem de volta alla Breslauer Hütte. Ne tolem tutti en bel piatt tirolese e quando l'e' le 2, ghe lassem la boza al Marco (l'altro tedesc conosu' al gieri: el la daverzera' quando torna dalla zima i altri doi), e ne fiondem en zo a tor la funivia. Dopo en bon espresso (e chi, i taliani, vist che no ghe n'e' i vem trattai propri bem! soprattutto dalle cameriere quando che ghe parlo en todesc!) saltem en macchina che l'e' le 4 e 1/4: "alle 7 sem a ca' en Welschtirol!" digo mi.... e anca sto colp ho sgarra' sol de 5 minuti! Che ocio!
| El bel rifugio endo che passem la not | |
|
al taol, tra na candola e l'altra fem prest a socializzar... | Problemi coi punti patente? Altroche' cambiar cittadinanza!!!! Basta averghe la patente giusta! | |
|
Prima de nar en let, en bom zigheret per conciliar el som.... e l'Alessandro el se fuma addirittura la pipa! | La mattina, en partenza dal rifugio, el temp l'e' propri bel. La zima davanti l'e' el Similaun. | |
|
Se passa sora al laghett glaciale drio el rifugio e se traversa en par de morene.... | ...se punta dritti al canal de porta al MitterkarJoch.... | |
|
...e se risale tutt el ghiacciaio con en lonc giro en senso orario... | ...e, dopo aver passa' do comode roccette (drio el Kepo).... | |
|
Berg Heil! |
