ALPINISTICA via Rampa (Piz Ciavazes) del 25-26/06/2007
E' arriva' anca el temp de provar na bella via de roccia sul IV+! Cosi', fini' de laorar me fiondo a comprar na coppia de Walkie-Talkie (se ciava i segnai co la corda! Vole' metter la comodita' delle radioline!??!!!) e finidi i allenamenti de dragon Boat, vers le 22 som za' dal Matteo en Pine' . Le previsiom del temp le era alquanto brutte per la not e miga massa belle per el di' dopo ma.... gh'e' da nar! En macchina g'ho dre' anca la tenda... deiciderem dopo se nar a dormir direttamente al passo Sella o fermarne li' en Pine' a spettar che passa i temporai.... Fini' de laorar (el Teo), nem cosi' a trar zo en par de birrette (e per mi, vist che evo giust fat allenamenti co la squadra de dragon boat, no l'era zerto le prime....) col Zampa e l Pio en tei locali de Baselga, quindi vers le 11 e 3/4, vist che par che l temp el tegna decidem de partir. Tolém su zaini, sacchi a pelo (e n par de birrette en bottiglia) e via per Canazei. Arrivem vers le 1 e 10 al passo Sella. En 5 minuti, perlustrà la zona trovém en spiazz (beh... ciamarghe spiaz l'è dura: l'era pù en buss tra i pezi...e neanca tant piano...) sotto strada al limite del bosc, quindi montà la tenda sora i rododendri e steccà la biretta ne butém zo. La sveglia la metém alle 7 e 1/2. Ma quando la sona spetem le 8.... e ancora.... ma alle 8 e n quart levo deciso: gh'è da nar! Gh'è en par de nuvole, ma a vardar el zél podém esser ottimisti! Trat materassini e tenda en macchina, ne spostém 100metri sotto e fatti i zaini ne enviem vers l'attacco della via. Gh'è za su na cordata davanti, e altre doe l'è sua via de fianc. Collaudo veloce ai WalkieTalkie e alle 9 e 1/4 sem lì che partìm per el prim tiro. All'inizio par na monada (terzo), ma subit la plachetta de 4 la frena i entusiasmi... trati rento tutti i friends (2!) el Matteo (che el la fa co le scarpe de ginnastica al vibram) l'ariva en sosta senza pù proteziom (finidi anca i dadi...) e quasi senza corda. En pratica el prim tiro l'avem fat doppi. Toca a mi e con calma da secont vago en su. Da prim no me la sento propri, enveze me sorprendo no poc vedendo el Teo alla so prima via de roccia a nar su con calma e proteggerse! Ripartidi per el secondo tiro, el taca a ennuvolarse, ma no ne preoccupém pù de tant (questa salita la fém co la singola del Teo e comuque mi en tel zaino g'ho drio anca la me singola.... se gh'è da scampar con qualche doppia da 70 metri sem zo en ten blitz!). Altro passagin de quart su plachetta e diaolopò la corda la fa en giro strano e la resta en tensiom....Subit torna utili le WalkieTalkie e vist che no gh'era santi de molarla fora dai attriti (e la sosta l'era lì a 5 metri) el Matteo el deve fermarse sotto en tetto e sfruttando en vecio ciodo e 2 dadi el fa su na sosta al volo. Quando arivo su sem propri en cross e bei esposti... Se riparte! Sto tiro l'è bel veloce en tel prim toc, ma po' se passa for propri en bel coertèl sul IV, sosta! Adess gh'è el famoso camin de IV+.... diaolopò el fa bem impressiom a vardarlo en su.... ma el Teo el se da na bella smagnesada de man (farina o magnesio a lu ghe va sempre ben!) e el lo passa for en ten blitz! Anca mi da secont mel godo propri a saltar su.... Passà for n'altro toc de camin de terzo, ecco che arrivém en sosta sfruttando n'anell de calata. Le nuvole no le promette massa bem, ma el temp l'è ancor alt. Entant vegnim raggiunti dalla cordata davanti a noi (i n'eva passai e i era giust davanti...) che è drio a calarse en doppia: finita! Che bem! Ero stà parecchio dubbios de finirla viste le previsiom.... Ne resta cossì l'ultim tiro de 3+ per saltarghe sul coertel endo che gh'è l'ultima sosta, quindi altri quaranta metri de secondo che fem de corsa i ne porta al traguardo sulla cengia dei Camosci. Berg Heil! bel!bel!bel! Sém propri soddisfatti. Adess dopo na bona pausa cioccolata e beveraggio ne enviem en zo per el sentèr de discesa. Passà la seconda tor sfruttando i cordini da ferrata, alla terza tor, dopo aver molà for la corda (che entant la s'era engropaa) fem en par de doppie e.... ghe sem! Neanca el temp de magnarne do bone ciope de speck alla macchina che taca a piover: che lusso! L'ha tegnù tutt el dì! Ne trém così en zo vers Canazei per na pausa birra e ciopeta al bar e quindi en Pinè a svodar la Polo. Entant i ne parecia anca la taola e i ne trà for en bom piatt de affettati e patatine! De lusso! Tornem così a spartezarne i zaini e el Matteo, vedendo el mazèl che g'ho en macchina, l'empiza l'aspirator e el me la mette a nuovo! Co la storia che po' l'è drio a cambiar la sua el me regala anca i tappetini: ensomma propri en bel laor! Adess la Polo la pol puntar tanquillamente al mez miliom de chilometri! De lusso! Arrivo a casa dopo zena e ormai g'ho fat el càll.... me mama, anca sto colp, no l'è massa contenta: Ancoi sarà anca stà S.Vigilio a Trent, ma a Trembelem no l'era festivo: el cantier nol s'è fermà!
| La mattina, appena levai, se sbaracca la tenda e se porta via i vuoti.... de birra! | |
|
Se studia le nuvole.... el tegn, el tegn! | ....e se studia la via de salita. | |
|
Gh'e' da nar! Ecco che parte el Teo da prim (el se la fa tutta da prim!). | El Kepo el salta su fra muri e muretti... | |
|
Ultima sosta: l'e' propri comoda. D'altronde senno' el Kepo la foto nol l'avria fatta! | ....e se salta sulla cengia dei Camozi.... | |
|
Berg Heil! Ghe l'avem fatta! Che soddisfaziom! Meritata pausa dopo la strozegada. | Per tornar de volta, seguiim el senter che per la cengia el ne porta alla terza tor.... | |
|
...quindi con en par de doppie sem zo. | "Doven esser pu' ordinai" diss el Teo, riferendose all'attrezzatura da alpinismo. Ma per dar el bon esempio el ghe ensegna subit a so nevodo come metter a um la corda e po' scominziem dalla me Polo: l'e' ora de metterla a posto! ormai ghe gireva rento le paltegane! | |
