ALPINISTICA Sasso Rotto (via Giuliani) del 23/05/2007
El Teo el m'eva bem proposto na viotta de IV+ en Dolomiti, ma a partir cossi' en pressia me par de strafar (l'ammetto.... gh'evo fifa), e cosi', giust come prima uscita, provem la via Giuliani al Sasso Rotto: max III, nient de difizile, roba da far sligadi, ma co la scusa ne tolem drio tutta l'attrezzadura sia per ripassarne le manovre de progressiom en cordata su roccia, sia per cavarghe zo la verniss ai friend e dadi novi del Matteo (che i e' restai en cantina dall'ultima volta che sem vegnui su per de qui, al 2 de giugno dell'an passa').... e po' cosi' el Kepo el ciapa en po' de confidenza co la roccia. Ne trovem en Pine' alle 7 e dopo na bona colaziom, carga' la Polo ne enviem vers Palu' del Fersina. Trati su i novi scarponi, ne enviem de bala seguendo le indicaziom del rifugio Sette Selle. Ormai qi sem de casa.... l'ultima volta che sem pasai de qi e' sta' en febrar per vegnir zo dal Slimber coi sci. 40 minuti tondi e sem al rifugio. Da qi risalim el senter sotto el Sasso Rotto e arrivai sotto le rocce, seguim el bivio a destra per el senter 343 e costeggiem tutta la zima per na mezzora scarsa fim a arrivar al bivio col senter 312: quel che desmonta en Valsugana vers Torcegno/Suerta. Seguendo questo a sinistra, dopo 20 metri se arriva alla forcella del Sasso Rotto, endo che gh'e' la targa de inizio della via. Tirem for tutta l'attrezzadura e su en par de roste comode, per ripassarne le manovre, trem su en par de soste e de friends.... i va propri bem. Sem pronti! Adess podem nar. Ne lighem en cordata, e parte davanti el Teo (alla fim el la fa tutta lu da prim).... ma, el prim toc, l'e' en senter! Dopo aver srugola' la corda, ne la trem su en qualche modo entorno al col e nem envanti camminando. Po' se aggira la gresta passando su dei sassi a sbalz sulla sinistra "vers el Sette Selle" e qi ne aprofittem per far en tirello, cort vist che al Kepo ghe s'e' empirla' su tutt e per qualche toc nem envanti en conserva. Arrivem po' a aggirar le roste passando sulla destra (vers la Valsugana) e da lontam taca a tonezar... diaolopo'! Per fortuna l'e' lontam! Ne aprofittem per trar rento n'altro dado e tra en sass e l'altro, dopo aver aggira' altri sassoni da sinistra arrivem alla gresta finale endo che gh'e' el passaggio de III... el Teo el passa envanti entant che mi 2 sassi endrio ghe fago sicura col zestel (niente sosta.... som piazza' propri comot). Sel passa for agevolmente en spaccata e....ghe sem! Berg Heil! Neanca el temp de far la foto de vetta che taca a grandinar. Vist che arriva el temporal dovem sconderne sotto i sassi. Ne sbasem qualche metro sotto la vetta e ne enfilem sotto en sassom. I zaini i trem pu' en la'. Vem zo el finimondo e nol finiss pu'. G'ho idea che le saette le n'ha fat el giro entorno! Quando po' el Matteo el me fa notar el ronzio eletrico dell'aria ionizzada e che vizim al noss sassom passa propri el cavo de fer della cross de vetta som tutt for che tranquillo. E cosi', vist che ha smess de piover, restando en po' all'ocio per le roste sbiancae dalla grandine, ne molem de balla sottogresta per el senter che vem su dirett dal Sette Selle. Ormai sem al sicur e el temporal l'e' bel lontam, ma tra na roba e l'altra sem restai bloccai en vetta dalla grandine per na bona ora! Tornai al Sette Selle trovem na coppia che e' drio a far la traversata dalla Valsugana (a dir el vera me sa che no i gheva le idee massa ciare su endo che i era) e ghe spieghem come i pol tornar alla macchina. N'altra mezzora de discesa e alla macchina ghe sem anca noi. Via de bala per Pine', allora, e na volta sparteza' friend e dadi e tira' a um, per le 3 e 1/4, me envio vers Trent: en val i e' zo che i me speta.... per laorar! Ensomma anca sto colp, propri na bella avventura.... diria quasi eletrizzante!
| Arrivai al rifugio Sette Selle (sel vede en la conca), se gira a destra e se risale tra roste e nef.... | |
|
Ne aprofittem anca per riposizionar al giust bivio en cartel della SAT trascina' pu' en val da na slavina... | Quindi arivai al bivio col senter 312, ciapem questo e risalim alla forcella del Sasso Rotto: la gresta la g'avem davanti.... | |
|
....e arrivai alla forcella tolem a sinistra vers la gresta. | Provem en par de soste comode.... | |
|
...e subit el Kepo el se engroppa co la corda! Diaolopo' che giom che l'ha fat su! | ...e quindi via per roccette! El Teo da prim.... | |
|
....e el Kepo da secont... | Eccoci in vista della cross! Do sassi avanti gh'e' el famoso passaggio de terz: l'avem propri salta' via! | |
|
Berg Heil! Bel, bel,bel! Adess sem propri pronti per qualche bella alpinistica.... ma prima besogn pensar a portar i ossi a ca'! E' drio a arrivar en temporal che basta la meta'! | ...restem bloccai n'ora sotto en sass sottogresta a spetar che el peta li' de grandinar..... e difatti (qui erem drio a tornar) varde' che sbiancada! POLVEROM! | |
