SCIALPINISTICA Cima Venezia del 09/04/2007

Dopo la còta del gieri, per riprenderme me som scolà 2 litri de acqua for per la not.... ero quasi tentà de star a cà a riprenderme.... però.... sì, sì, sì: 5000 metri de dislivel nel weekend l'è en record: a cà no se pol star: gh'è da nar! Partim ale 5 e 1/2 da Calliam e dopo la pausa colaziom sulla MEBO, arrivem enfont alla val Martello per le 7 e 1/2. Ancoi fem la cima Venezia per el canalom nord... almen sem sicuri de no pair el calt del gieri! Al parcheggio ne trovem anca col Gerri che l'ha dormì lì en camper. Sci ai pei, e via! Se parte dal parcheggio sora l'hotel e se imbocca a sinistra el sentèr passando en pont. Dopo 300 metri gh'è n'incrocio de segnavia e noi, seguendo el dodese, devièm ancor a sinistra (anca se tutte le traccie le neva dritte...) per guadagnar quota sui dossi en tel bosc (comunque anca nando dritti ne saresem ricongiunti dopo...). Dopo na pausa sul prim doss, endo che ciapèm fià e co la scusa vedem en levro bianc (e la Lady, el caign del Gerri, el l'eva fiutà) ripartim lanciai e su nef giazada tachem de zete... per fortuna al Mich e al Luca ghe zede le pel sul giaz e così, mi la podo tor col me ritmo: davanti gh'è el Ciano, ma per fortuna nol teign ritmi disumani. Passà su da en canalim bel ert con 5 zete (e el Luca el me tol per giro, vist che come Sellarondista me encasino su n'ultima zeta propri en pè) traversem su en pianoro vers sinistra fim a ritacarne alla traccia de salita che evem subit molà al bivio en fondoval. Da qi dovem ancor risalir el canal per arrivar sulla piana del ghiacciaio. Qi fem na prima pausa beveraggio (tanto i primi 800 metri de dislivel i aven fatti), po' risalidi enzima al canal co na serie de zete, saltem sul pianoro, e qi, vist che arrivem al sol ne toca fermarne a trar su i ociai e scoerzerne de crema da sol (ma tant el dann l'ho fatt l'altro ieri a nar su senza crema: som tutt scottà!). E via. Adess la zima la g'avem davanti. La Venezia che se fat de solito l'è quella pù bassa a sinistra, noi che no ghe n'avem mai assà, fem la pù alta, la centrale. E quindi co na lunga traversada sul ghiacciaio dovem guadagnar i ultimi 400 metri. Ghe tegno botta fim 200 metri sotto la zima, po' el Ciano l'accellera e l lasso nar... e così me lasso pasar anca dal Mich & C. che nandoghe a magnar le coe i fa scattar la sfida. Ma diaolopò!... Gala sempre da finir così? Beh, tanto ormai ghe sem, no me la togo pù de tant e molà i sci alla forcella, sem subit lì che fem la gresta che ne porta alla cross per el Berg Heil. E sula gresta encrosem anca el Paolo el Luca e l Bepi che i è vegnui a far la stessa nossa zima ancoi! Arrivai su, vist che l'è le 11 ne buttem zo a ciapar el sol e magnar de de tutt. Dopo na bona mezzora, quando sem arrivai tutti enzima (e l'Ivo el s'è fumà i so do boni cicòti) ne trem en zo. Riciapai i sci, ne fermen n'attimo sottogresta a vardar l'Ivo che salta zo dalla zima coi sci, po'... polverom! Propri na bella sciada. Enveze che trarne en tel canal de salita, passà na zona crepacciada, deviem a destra e ne enfilem en te n'ert canal che tra polverom, en po' de grosta e en bass firn el ne porta en val co na bella sciada. Tornai alla macchina el Gerri el tirà for dal camper radler per tutti e dopo na resta, ne trem al bar sul lac sotto a magnar l'immancabile ciopa col speck e beverghe drio n'altra birraccia. Gh'è da nar.... e cosi', arivai a Calliam vers le 4, entant che l'Albert e l Ciano i se trà en Norei a rampegar, mi som zà lì che volo en cantier... sti tre dì som stà propri en zinghem: se no me fago vif i me sèra la porta de cà sul muss!









Tachèm a ciapar quota al cospetto de Zuffal e Cevedale
e saltà enzima all'ert canal...
ne trovem sul ghiacciaio 800 metri pù en su
davanti alla nosa zima (al centro)
dopo n'ora de ammiraziom per Ortles e Gran Zebrù dalla vetta
l'è ora de.... polverom!
Dopo aver vist l'Ivo saltar zo dalla zima
spolverada da foc
e spazzolada de firn (grande Kepo che va de laminato!)
smontem a val tra pendii sempre pù erti! bel, bel, bel!
E per serar la sciada, eccone al banco bar a bever la radler del Gerri!


Ste pagine l'e' stae cargade volte da visitatori dal 3 de agost 2005