SCIALPINISTICA Pizzo Rosso di Predoi del 07/04/2007

El ritrovo l'e' a Calliam per le 5 e 1/2, ancoi nem en val Aurina: destinaziom Monte Fumo. Dopo na veloce pausa al prim bar che trovem davert vizim a Brunico per le 8 sem za a Casere a smontar i sci dalla macchina e riportar le macchine en chilometro endrio al parcheggio (endo che scominzieria el divieto de transito). El so, no l'e' la partenza per el monte Fumo, ma a vardar i prai esposti a sud della val no gh'e' nef... e cosi' al volo decidem de ciapar per el picco Rosso de Predoi. Mi per sicurezza me togo drio picca e ramponi e trati i sci sotto i pei... se e' za li' che se va. Se parte subit de bala, vist el gruppo de ancoi (tutt coridori che me tira el col), al gieri volevo quasi dar forfait... ma po' el Mich el m'ha convint che el m'avria speta' e cosi' a ca' no se sta' de zerto! Se entra en tel vallom a destra dopo la fin della strada e sel risale tutt. Dopo na sbregada da foc del Paolo (...e el diss che el g'ha mal al pe'! Crederghe?) arrivai endo che se sèra la val del Vento ne fermen giust n'attimo prima de ripartir trandone vers destra fim a arrivar al rifugio e chi la pausa la fem tutti quanti. Adess girando a sinistra se risale en pendio bel ert con 5/6 zete, po' dopo en travers se ariva en te la conca da risalir che ne porta alla forcella a sinistra dela zima, endo che doverem lasar zo i sci per continuar a pè. Entant che mi e l'Andrea serem la fila, l Mich el Luca el Paolo e l'Albert (tre zete davanti) i cava le pel dai sci en forcella e l Ciano l'è zà partì a far zima da sol! Dalla forcella se prosegue per gresta a pè e dopo aver aggirà da sinistra na parte rocciosa se risale a pè n'ert pendio fim a arrivar al pianoro sotto la gresta rocciosa che porta enzima. Sem ormai a men de zento metri de dislivell dalla vetta, ma a vardar su i passaggi aerei e de placca no i me par na monada e così, vist che no g'ho drio corda e imbrago, no fidandome, preferiso far zima lì e lassar nar su tutti i altri. Men stao così na bona ora a ciapar el sol su en sass, po' tornai ai sci, se riparte de bala. La parte alta l'è pitost pegra da passar fora tra grosta pù o men dura, po' tornai al rifugio en tei versanti al sol trovem qualche bel toc de firn...e da chi, man man che se perde quota, i tochi de firn i aumenta fim a deventar pappa en fondoval. Neanca na pausa en la discesa, diaolopò: altrochè mal ai quadricipidi! Ancoi m'è na a farse ciavar anca i polpacci. Finalmente, arivai en paess se pol polsar davanti a na bella birra co l'immancabile ciopa de speck. Se po' l Luca e l'Andrea, per tegnirse, i ha preferì na Coca Cola, ha fat bem la siora a servirghela sgasada! E prima de tornar a casa ne speta altre do ore e meza de macchina...









Lasà Casere, entrem en tel vallom
e tegnindone sulla sinistra
risalim per tutta la val del Vento
finchè sora de noi ecco che compare la zima
arrivai alla testata della val, se gira a destra
e se raggiunge el rifugio
quindi se gira a sinistra e se risale
l'erto canal
e dopo aver passà n'altro vallom se arriva alla forcella endo che se mola i sci per risalir la gresta: el prim toc nevosa
ma l'ultim toc gh'è da passar for anca roccette belle esposte
per arrivar finalmente enzima (el Kepo sto colp el s'è fermà sottogresta propri da endo che l'ha scattà sta foto: roccette bastarde!)


Ste pagine l'e' stae cargade volte da visitatori dal 3 de agost 2005