Scampà dal lavoro vers le 7, me fiondo su dirèt en Folgaria... stasera el Paolo l'ha organizzà el memorial scialpinistico per el Marchetto: la risalita da Fondo Grant a enzima alla Salizzona. E po' gh'è tutti i scialpinisti della zona: no se pol mancar! Entant che spetem che ariva tuti, copem el temp co na biretta, po' na volta trat su le pel e zo l'uniforme da ufficio, l'è prest le 8 che con calma ne enviem. Ancoi no sem de gara, se la tol dolza.... ma po' tra el fret, tra che entant che fago do ciacere col Br1 se ciapa velocità, arivem su comunque tra i primi 20... Per la salita se è ciapà el collegamento con Francolini, e po' na volta enzima, se prosegue endrio per el collegamento co la Salizzona fim all'arivo della seggiovia. Berg Heil. Trata zo na chichera de the, man man, taca 'rivar anca i altri: l'Albert, l Mich, i Luca C. F. T., l Bepi, tuti i vari istruttori dela SAT e dopo en bel pèz anca l Max e l Claudio: ma sto colp i era partidi en differita e i era vegnui su con calma co la Giordana. A vardarse entorno dele 130 persone del raduno, i pù i conoso! Propri bel! E alora meio fiondarse en val a tor i posti al taol se no volem restar en pè! La discesa la fem zo per la Salizzona e a parte el Luca T. che el riese a enforcar na re' de proteziom, en 2 minuti sem lì en Calkera a sentarne zo e ordinar birra media.. fat el prim restom, ariva en bom piatt de lasagne e se taca de giri de birre. La Calkera l’è piena e tra na monada e l’altra le birre le va zo che se perde el cont. Per fortuna el Max el g’ha l’ideona a metà serata de ciamarghe en taglier per sugar n’attimin… sennò sarìa stà dura portarla fora! Magna e bevi alzem el grado e se va de limoncini. Entant el Paolo el da el via ai sorteggi dela lotteria, e mi anca sto colp porto via qualcoss: en bel par de braghe da alpinismo… pecà che le è da dona: beh,le tegnirò lì per regalarghele quel dì che la binerò a um (…o forse fao prima a domandarghe en negozio se i me le cambia con en par per mi…). Vinze anca l’Alberto, ma el rivinze propri quel che eva mess en palio lù. Al Luca F. enveze la ghe va de lusso con en par de sci. Avanti de giri de limoncini e no ne rendem cont che ormai è nà via tutti: sem restai al taol sol mi, el Mich, l’Alberto e el Luca T.: i sèra. Ne toca nar… e forse l’è meio, vist tutt quel che avem trat zo: en litro e mez de birra a testa e 5 limoncini… E così vers le una mi e l’Alberto ne enviem en zo per la “veloce tangenzial de Terragnol”…
El Paolo ( qui co la so amica Erica) enzima alla salita el fa el ristoro con en bon bicer de the calt per i scialpinisti
E po' per far serata: tuti en Calkera a magnar e bever en compagnia!
Ste pagine l'e' stae cargade volte da visitatori dal 3 de agost 2005
