SCIALPINISTICA Cima del Tempo del 11/03/2007

Ancoi la nef saem bem en do nar a zercarla, vist che anca sta stimana no l'ha pers l'abitudine a trarghen zo en gresta de confim e allora nem sul sicur: val de Fleres, Wetterspitze. L'unico dubbio l'era che el forte vent en quota da nord/est del gieri el se fussa calmà.... e anca se el Kepo el ghe credeva, quando sem smontai dalla macchina al parcheggio prima de Stein, a vardar el Tribulaun se podeva zà entuir la tribolada che ne saria spetà en la tormenta, e envenze.... Partidi alle 6 e 1/4 da Trent, dopo na bona colaziom en autogrill, no l'è ancor le otto che sem lì al parcheggio prima de Stein (da endo che arriva la pista da slittini) a pellar e nar. Risalim la longa pista da bob e con en par de taioni su per el bosc arivem en freta al bait endo che ancoi ne fermerem a magnar sul ritorno. Da qi, gh'è i segnavia per la cima del tempo e seguim la strada che po' deventa sentér. Entrando en tel vallom se attraversa l'ultim toc de boc e pasà en rì se ariva en campo aperto. Man man che se entra en la val ecco che appare la nosa zima. El Bertold el stà en pel endrio a far el reportage fotografico, el Mich e el Luca i me propone de tegnir el passo mi (così no i me tirà el col), e così parto a ritmo costante (co n'ocio endrio per el Max: no voria somenarlo per strada, dopo la refolada che g'ho dat al Sellaronda ;) .... ). Propri en bel pass: no ne passa nessuni, en passem tanti, e no me tiro el col. El gross del dislivel l'è la risalita del vallom fin al passo enfont al vallom: el passo del Muro, endo che dopo aver passà na balza centrale la pendenza la se empenna. E qi a 5 minuti dal pass na pausa beveraggio l'è meritada. Al passo resta ormai i ultimi 150 metri per la zima: ne fermem così a spetar el Bertold. El Mich, anca se aria no ghe n'è, el se embruma e el decide de ripartir.... diaolopò, tegnirlo fermo! Beh, sto colp ghe penso mi: 50 metri sora al pass me par che l'abbia molà zo i sci (la zima l'è pedonale...) co le pel. El lasso nar en toc envanti, ghe ciavo le pel e ghe metto su le mie da gara! Envenze quando som lì co le me pel da gara en man, vedo che i sci no i è i soi: diaolopò el me l'ha emboscai! Vabbè, sarà per la prossima, e allora cavai i sci e arrivai en vista dela cross, se aggira en gendarme de roccia da destra e... bergheil! Sto colp el Kepo, dopo tutt l'inverno che el lo promette, finalmente el s'è deciso a levar en quart d'ora prima e preparar el brulè per tutti! E così dopo en brindisi podem enviarne vers val. La polver la gh'è bem, ma gh'è da nar a zercarla col lumin: ma tra nef pressada e tochi de polver riusim a far na bona sciada(voto:7). Bevù na biretta alla malga dal Staudacher (el campion de sci!) nem a beverne altre doe col taglier en val en canonega e sto colp no se tira endrio nessuni: finalmente anca el Mich, tra radler e Weizen l'ariva a trar zo en litrozzo, e quando risaltai en macchina el Bertold el passa en posto de blocco.... tirem el fià: sti etilometri i l'ha enventai per ciavar la zent! Dopo aver zercà de capir sa che ghe fa la linea ferroviaria del Brennero for per la val de Fleres (ve diserò....), no l'è ancor le quattro che smontem dala macchina. E sto colp al Mich ghe tocherà torse n'altro zaino da gara: el Max el g'ha mboscà rento i calzoti sporchi del Kepo: na sbailaa de grassa la spuza de men!








Se risale la forestale (pista per slittim) fin al limite del bosc
e subit se daverze el vallom e se vede el pass del Muro sul fondo e (seconda cima a sinistra del passo) la nosa destinaziom.
Ancoi el pass el lo tegn el Kepo.
Arivai al pass se fa el prim toc de gresta coi sci
po' se continua a pè
fim alla cross
Fata la zima, se torna zo fra le comode roccette (no,no, no serve ne ramponi ne piccozza!...almen con 'ste condiziom...)
E po' se pol molarla vers....
...la baita dei Staudacher, endo che no podem no fermarne per na prima biretta!

Per le altre foto de sta gita treghe n'ocio alla relaziom del Bertold


Ste pagine l'e' stae cargade volte da visitatori dal 3 de agost 2005