Maratsch Spitze del 2007-03-04

SCIALPINISTICA Maratsch Spitze del 04/03/2007

Fini' le stimane dedicae alla preparaziom per le gare l'e' ora de tornar alle scialpinistiche vere e proprie: quele for dal casim, che te lasa el cor en gola quando te devi risalir le pontere col rischio valanghe grado 3: ma che po', oltre al vero ambient de montagna, quando te la moli en zo l'e' na spolverada en fresca indimenticabile. E alora endo nente a zercar polverom? Ovvio! Gresta de confim: Val de Fleres. Li' sta' stimana el n'ha trata zo parecchia. La gita l'e' la poc conosua Maratsch Spitze (quota 2648): per narghe al vers se ciapa' la solita longa forestale per nar sul monte Muro, po' guadagnai circa 150m. de quota e arivai a en bivio, se segue la forestale che ciapa a sinistra: en pratica se guadagna quota stando propri sora al parcheggio. Per evitar de far tutta la salita per forestale, passa' en pra' recinta' se pol anca taiar su dritti per i pendii de destra fin a arivar ala malga vers quota 1950. Qi gh'e' do enormi dighe che sera la val: anzi no! L'e' do enormi paravalanghe.... seign che qi, quando la mola gh'e' da star su co le recie. Da qi se vede za la zima enfont alla val: se la raggiunge sempre per pendii pitost erti. Ne trovem alle 7 men en quart a Trent col Mich , Luca, Bertold e Mauro e per le 8 e 20 sem za a Stein a pellar i sci. De nef en val nol ghe n'ha fatta, ma a vardar, le zime, le promette polver. El parcheggio l'e' piem! Ne enviem ensieme a frotte de scialpinisti per la forestale, ma per fortuna, quando arivem al bivio per la Maratsch sem soli: ne tocca far traccia! Man man che se ciapa quota, de nef ghe n'e' sempre de pu', e i do enormi paravalanghe che trovem arivai alla malga i e' pitost inquietanti.... soprattutto vist che al Mich, entant che el feva traccia la g'ha soffia'. Entrai en tel vallom passo a far traccia mi guadagnando quota col cor en gola su per en pendio pitost ert. Po', se ciava el principio che sta davanti quei che no g'ha famiglia: quando el Luca el passa davanti no ghe digo de no. Per pendii sempre pu' erti con zete su zete guadagnem la gresta e arivem fin al pianoro 100metri sotto la zima rocciosa (quota 2550). E qi ne fermen, anca perche' oltre ala tanta nef (el bachet el va zo tut!) e a en par de scaricamenti visti sulle pareti de fianc, sentim anca en par de cupi tuoni vegnir dal fondoval....Entant che trem zo qualcos ne raggiunge le uniche 3 persone che n'ha segui' su sta zima ancoi: l'e' tre putele! ....ma, almen la prima tra la foga de passarne davanti per far zima, e tra l'aspetto (bem poc femminile), la se merita el soprannome de "la lupa". E de commenti, cosi' ghe n'avem da sprecar per tutta la giornada. Basta ricordarne uno per tutti: "A a na dona col pel come quella", diss el Kepo, "no se ghe fa la ceretta alle gambe.... ma se ghe mette su la sciolina (vist che la g'avera' sotto le pel de foca)!" Cavae le pel, ne trem en zo: polverom, polverom, polverom! Propri bel! E cosi' dopo 250 metri de spolvero, tuti gasai ne fermem, cavem le pel e su de nof alla gresta. ...e qi, col pensier alla discesa nem su propri de bala: al punto che sem li' che firmen el pendio per la seconda volta propri entant che la lupa l'e' ancor ferma sulla zima! Ghe saria sta la tentaziom de far el tris, ma la gola l'e' suta. Ne trem cosi' en val (polverom fim ala malga) e tornai alla macchina l'e' ora de nar en canonega: gh'e' le birre medie che ne speta! Ancoi se brinda a una delle pu' bele spolverae scialpinistiche della stagiom: per mi, ensema a quelle fatte su Pizzo Alto e Piccol Colbriccon.... 10!

En val, al parcheggio, gh'e' le pocie (ma l'e' 1 grado sottozero). Ma a vardar en su (o en zo??!) le zime le e' bele bianche. Foto d'autore by Kepo.

Se risale la forestale.

Lassa' la malga alla nosa destra (e i do enormi paravalanghe) el Mich el fa traccia su per i dossi.

....e man man che la se empenna taca a far traccia anca el Kepo. Qi s'e' za en vista della zima rocciosa, ma per narghe al vers puntem a destra e traversem la gresta.

Quando il gioco si fa duro, i duri cominciano a tracciare....e el Luca el ne porta fim enzima alla gresta. E cosi', aspettando le lupe: "Berg Heil!"

E' l'ora del gran spolvero! Qi tocca al Mich.

E qi, oltre el Kepo, se vede le erte zete de salita tracciae dal Luca.

Ancora el Kepo en gran spolvero!

E de sto pendio ve conto anca la storia! da sinistra verso destra: la firma (seconda discesa) de Kepo, Luca, Mich, quindi il gruppo di firme de tutti noi alla prima discesa. Li' en mez gh'e' le zete de salita della lupa (da noi sfrutte per la seconda risalita). Quindi tutt a destra se entravede le nose prime zete de salita.

Firmando vers val salta all'ocio i do immensi paravalanghe che ripara la val sotto.

Ste pagine l'e' stae cargade volte da visitatori dal 3 de agost 2005

En val, al parcheggio, gh'e' le pocie (ma l'e' 1 grado sottozero). Ma a vardar en su (o en zo??!) le zime le e' bele bianche. Foto d'autore by Kepo.
		Se risale la forestale.
Lassa' la malga alla nosa destra (e i do enormi paravalanghe) el Mich el fa traccia su per i dossi.
		....e man man che la se empenna taca a far traccia anca el Kepo. Qi s'e' za en vista della zima rocciosa, ma per narghe al vers puntem a destra e traversem la gresta.
Quando il gioco si fa duro, i duri cominciano a tracciare....e el Luca el ne porta fim enzima alla gresta. E cosi', aspettando le lupe: "Berg Heil!"
		E' l'ora del gran spolvero! Qi tocca al Mich.
E qi, oltre el Kepo, se vede le erte zete de salita tracciae dal Luca.
		Ancora el Kepo en gran spolvero!
E de sto pendio ve conto anca la storia! da sinistra verso destra: la firma (seconda discesa) de Kepo, Luca, Mich, quindi il gruppo di firme de tutti noi alla prima discesa. Li' en mez gh'e' le zete de salita della lupa (da noi sfrutte per la seconda risalita). Quindi tutt a destra se entravede le nose prime zete de salita.
		Firmando vers val salta all'ocio i do immensi paravalanghe che ripara la val sotto.