SCIALPINISTICA Slimber (traversata) del 04/02/2007
Vist el calt e la poca nef en giro ancoi stem en zerca vizini a casa: Lagorai. Ne trovem ale 6 e 40 a Roveredo e per le 7 e 30 sem za' en Pine' dal Matteo, pronti dopo na bona colaziom a partir per la val dei Mocheni. L'e' le 8 quando arivem a Frotten e za' tutt el parcheggio l'e' piem de macchine, quel che manca l'e' la nef. Poc mal, tanto saevem che fim ai Tasaineri no l'averesem trovada e cosi', dopo esserne permessi el lusso de lasar i ARVA en macchina, ne carghem i sci sul zaino e ne enviem a pe' per la strada asfaltada che se ciapa sora el parcheggio a sinistra. Pasa' el paesot, continuando per la forestale, i sci, avresem bem podest meterli, ma sto colp preferim guadagnar subit quota con el senter che parte a destra per el passo Palu'. Sto senter l'e' molto pu' diret ma senza nef. E cosi' tra na roba e l'altra i sci i metem 130 metri de dislivel sora la macchina: alla prima baita che se encontra sul senter. Per vecie traccie ciapem quota, ma po' envenze che seguir el senter risalim per na dorsale a destra. Arivo ala piana a 1800m col Matteo e... el Max? L'e' resta' endrio en tel bosc a begar co le pel de foca. Ma noi no l'e' che ne fermente a ciapar fret, anzi! Me se mola en sci, e senza skistopper, anca se el gheva soto la pel, el parte drit per el bosc. Cosi' tra el Teo che el va en zo a recuperarlo e mi che ghe coro drio, quando tornem ala piana e trovem el Max a spetarne, ghe fem creder (al Max) che el deve aver trova' en scortol vist che noi no ne sem fermai n'atimo: l'e' sta' propri veloce! Ripartim tuti ensema e entrai en la valeta, envenze che puntar al passo Palu' pasem a destra del sassom e, con qualche scatto en velocita', raggiungem la dorsale che ne porta a destra en vetta al Slimber. Ghe sem. Dopo na pausa valutem la via de discesa da ciapar: quale sarala la meio? A ocio a tornar per la salita l'e' tuta bela innevada ma en te la conca sem a riscio grosta, envenze a calarse en te la val pu' a est (vers el Sette Selle per capirne) l'esposiziom sud la promette na pista de trasformada: l'e' giazada de sicur qi grosta no ghe n'e' e alora bona la seconda! Ne fiondem zo per l'ert canal e puntem dritti ai prai sotto. Arivai a en mas, traversem en ri e pasando sul versante en ombra riusim adiritura a trovar anca en po' de polver. Quando ciapem le scale sul senter cavem i sci per en toc, po' riciapada la famosa nova forestale che vem zo dal'Erdemol (famosa viste le polemiche co la provincia dei mesi pasai e infatti adess l'e' sotto sequestro) sci ai pei arivem 2 curve sora la macchina. L'e' le 11 e 20 che sem za' li' che saltem sulla Polo e... quanta zent! Ancoi i e' tuti qui! Da Frotten gh'e' tutt machine parcheggiae fianco strada fin quasi zo a Palu' del Fersina. Tornem en Pine' dal Teo endo che, entant che lu' el se mete al forno a far pizze, el ne tra' fora en bom piatt de pasta da magnar en compagnia, e no l'e' ancor le 2 che mi som za' de volta a Trembelem.
| Se parte coi sci sula schena vers i Tasaineri: ma ghe sarala la nef? | |
|
...si',si! Arivai al prim mas sora el paess l'e' ora de butar zo i asoti. | Risali' el bosc, se traversa tuta la piana... | |
|
...e risali' tuta la val dei Tasaineri... | ..se ariva al ski depot, quindi a pe' en vetta (davanti). La discesa la fem per el canal che g'avem giust davanti al deposito-sci. | |
