GARA SCIALPINISTICA Monte Agaro del 17/01/2007
Sto colp el Matteo el g'ha propri voia de provar la so prima gara scialpinistica e cosi' organizza tutt lu... l'e' quattrozento metri de dislivel, el me diss: peca' che quando me enformo vegno a saer che oltre ai 400 en su ghe n'e' altri 400 en zo! Diaolopo'! En zo, n gara no som mai na' e anca el "zo le pel" dai me doppiapunta el me par tutt for che na monada: se ciava, gh'e' da nar! Partim da Perzem ale 5 e per le 6 sem za' al Chalet del passo Brocon a ritirar i oroloi magnetici e pettorai per la gara. Al gieri per prepararme ne ho approfitta' per scortar le pel, cavar i skistopper e me som tolt drio anca i bacheti da fondo (questi pero' alla fim i ho lasai en macchina). Envenze el Teo, tra en parol de malta e na pizza me sa tant che el s'e' allena' a cavar le pel da en pe'! Diaolopo', co en colp del sci sula ponta dell'altro el cava zo tutt! Gh'evem drio anca en zaino per um: enzima, prima della discesa se dovera' pur trar su qualcoss per el frett e enveze... el numero el se ghe vol bem visibile no gh'e' gilet che pol sconderlo e enzima no gh'e' zerto temp da perder a vestirse e cosi', vist anca la temperatura alta, maieta de cotom sotto e...via! Sto colp, dopo el consulto del'ultima gara coi professionisti, l'e' deciso: l'alzatac sel teign zo. La gara l'e' a cronometro e dopo le 7 e 1/2, la partenza l'e'... quando se vol: basta pasar dal cancelet co l'oroloi magnetico e anda che nare! Dopo na pontera de riscaldamento i diss che se pol partir. Ancor entant che tutti i e' drio a scaldarse el Teo el se fionda sul cancelet e el va. Mi speto en par de minuti.... ciapo fia'.... gh'e' da nar! La risalita l'e' tutta per pista: se guadagna quota pitost enfretta (e anca posiziom en classifica vist che taco subit a passar en po' de zent) ma no gh'e' muri da pasar for; e quando la spiana (par de esser su na azzurra de raccordo...) se aprezza le falcae che se pol far senza alzatac. Arivai enzima ala salita en vista de n'apres-ski se gira a sinistra e se fa en lonc pianoro...e qi qualcheduni me passa bem. Ma el pezo, almen per mi l'e' al "zo le pel" no le se mola (anca se ho tegnu' la clip de plastica meza daverta) e adiritura sbaglio a girar l'alzatac e el meto a doppia altezza enveze che en posiziom de discesa: en pratica me passa davanti 8/9 persone che som li' fermo a ripartir. Po' en discesa la togo dolza... soprattutto quando quasi arivai per n'effetto de luce par che la pista la se enterrompa con en mur: li' se n'e' cappottai tanti... Ariva' enfont inversiom a U e arrivo in salita. Ghe sem. El Teo l'e' al traguardo che el me speta da poc, e anca lu' l'e' soddisfatto: salita OK, salto sulle pel perfetto e discesa a bomba a parte na ralentada a veder che quel che ghe s'e' capotta' davanti nol se fussa spaca' su masa. Ritira' i gadget, ne fiondem a zena (e che zena!) e stem al taol con en veneto e el putel de Cles che gh'era al taol la stimana pasada alla gara sul Ciampac e n'avem aprofita' per farne spiegar qualche bel truchet: sopratuto come sganciar le pel dei dopiapunta (prima provo, po' se funziona ve conto...). Bevu' en par de birette ariva le clasifiche. 61esimo el Matteo e 69esimo el Kepo (44secondi endrio: ma con tutt el temp che l'ha pers a vegnir zo e cavar le pel el pol esser content!): el nos compagn de taola de Cles adiritura ottavo! ...e comunque a vardar i tempi dei primi doi: 10 minuti men de mi, la vedo dura anca se miglioro a cavar le pel arivar a quei livei! Dopo aver ritira' i premi dela lotteria (vinze tuti for che mi) l'e' ormai le 11 e meza: gh'e' da nar! A buttar zo i osi! Che, almen per mi, Trembelem l'e' lontam!
| El Matteo el monta le rosette "da gara" sui so bastoncini. | |
|
El Kepo el se prepara a montar le pel pu' corte. (E oviamente le pel le se merita anca na bela sciolinada) | I do atleti Kepo e Matteo en versiom racing: pronti per la cronometro! | |
|
E po' en tel bel chalet del pass Brocon tuti ale premiaziom i porta via qualcos (for che l Kepo...) |
