SCIALPINISTICA Hocheck del 07/01/2007
Vist che polver fresca pu' che li' no se la trova, gh'e' da tornar! Plerschtal! Ne trovem cosi' alle 6:30 al Zuffalpark col Max el Matteo e l Davide e via per la val de Fleres (cresta de confim). Dopo la collaudaa pausa colaziom en autogrill sora Brixen, no l'e' ancor le 8 che nem for da Vipitem e alle 8 e 20 sem za' en partenza sci ai pei da Stein. Ancoi de scialpinisti ghe n'e' molti men de ieri: forse i ha vist le previsiom del temp (le deva brutt) e i e' restai soto le coerte: tant meio, vista la serenada, che envenze gh'era! Tachem a risalir la forestale.... la me idea iniziale l'era de puntar sulla Elles, viste le brute previsiom e el rischio traffico en tel rientro (e el Teo el deve esser de volta bonora per enviar via el forno delle pizze), ma sem partidi de en pass veramente spedi' e passa' en par de comitive l'e' doveroso en consulto: el Teo el g'ha a disposiziom 4 ore per la salita, el Davide alla so seconda scialp dela stagiom nol se preoccupa zerto se el dislivell l'e' en pel de pu', e el Max nol se tira zerto endrio: gh'e' da nar! Se ciava i 1200 metri della Elles! Ancoi Puntem all'Hocheck! Se entra cosi' fin enfont alla val e se la risale fim al canal centrale. Enveze che ciapar el canal, deviem a destra e con qualche slipegada de pel (e scatto en velocita') arivem a en prim pianoro. Za' la meta' del dislivel ne la sem magnada e cosi' ne podem bem fermar en minut a bever en goz. Continuem cosi' a guadagnar quota per dossi e dopo en veloce pianoro arivai al'altezza dell'Hochferner (di fronte, quel del'Acla) fem n'altra pausa endo che scambio i sci col Matteo (e entant che lu' el se rende cont de che lizeri che e' i me doppiapunta, mi penso che l'é meio farghe creder che i so asotti veci e pesanti i vaga propri bem! ....se el li' cambia con quei pu' lizeri, som ciava': no ghe stao pu' drio!). Ne basta adess saltar sula pala finale e tra zete e scalettae (gh'e' qualche tochet engiaza') en dese minuti sem en vetta. El Max en testa, mi, el Davide (alla so seconda scialpinistica e za' a far gran dislivel!) e el Teo (che, me diss el Davide, visti i me sci masa lizeri el s'e' ferma' sotto gresta a trarghe su en po' de acqua ale pel: senza zocol no ghe par neanca de far fadiga!). L'e' ora del spuntim de vetta: ancoi pizza calabrese! E da cargada de ai e peperoncino la daverze for i polmoni! Gh'e' da nar! Podem molarla e con en bel sciadom en polver per mezdi' e mez sem ala macchina. Entant che el Matteo e l Davide i se envia vers ca' mi e l Max no podem mancar all'apountamento dell'ormai collauda' taglier e birra media en canonica a Innerpflersch! ...e vist che el speck el suga propri l'ugola, dovem far n'altra tappa anca a Trent: la togo media, ma sto colp l'e' na radler: g'ho da guidar....
| I scialpinisti alla partenza. O all'arrivo, vist che no i g'ha su le pel?? | |
|
Entrem enfont al vallom e deviem a destra per ripidi pendii... | Sa falo el Kepo coi sci del Teo? El g'ha da convinzerlo che no serve cambiarli! Che i va benom!! (altrimenti dopo el Kepo nol ghe la fa pu' a starghe drio.... diaolopo' se i pesa sti asoti!) | |
|
El Davide l'ariva en vetta: alla seconda uscita e za 1500 de dislivel! | E po' na bona pizza calabrese per daverzer i polmoni, preparada al sera dal nos cogo de fiducia! | |
|
Drio el Matteo risalta l'imponente Tribulaun de Fleres. | BERG HEIL! Foto de vetta dei quattro scialpinisti. E adess podem molarla en tel polverom: gh'e' zo en bom taglier (e birretta) che ne speta! | |
