SCIALPINISTICA Pale delle Buse del 04/01/2007
Al gieri ha tira' en ventaz da paura e cosi' per zercar polver dovem trovar na bela valetta esposta a nord ma anca bella encassada e protetta dai venti da nord... en miracol?? Macche'! Ne vem subit en ment la Pala delle Buse: e se ciava se le previsiom le da nuvol (almen no gh'e' aria!)...val la pena risciarla: gh'e' da nar! Partim cosi' da Pine' alle 8 e co la Polo (con su finalmente i novi antineve.... eh si', sto colp tra antineve, sci novi e pel de foca... altroche' la tredicesima per Nadal: ho magna' for anca el TFR!) passa' for Sicina arrivem a parcheggiar al Bait del Manz. Fin li' la strada l'e' fatibile anca coi copertoni normali. Dal parcheggio en su enveze ghe' 100metri de strada che l'e' en lastrom de giaz: neanca quelle invernali le ghe la fa a passar for. L'e' ora de scelte: g'ho drio i sci da battaglia e i novi doppiapunta.... ste scialpinistica l'e' na roulette russa (al taccuim se en desfo n'altro par!) e cosi' ancoi no azzardo. Pellem e nem. Subit passem 2 putei e na putela che era parti' 5 minuti prima de noi per la nosa zima e continuem per i 5 Km de forestale... El Matteo, anca se stamattina el me pareva en po' stracc, el ciapa' subit en ritmo da tutina (l'e' per desmisiarse for, el diss!) e g'ho da far le mie per no farme dar metri. N'ora de cronometro e sem a Malga Sass: tutt en tabella: 600m/h. Ne fermen en par de minuti giust per na stecca de cioccolata e ripartim per la forestale che parte a sinistra della malga. Dopo 800metri arivai al centro dela val dela Madonna en vista de en capitel de lares, se la lasa a sinistra e tachem a guadagnar quota vers la forcella che g'avem sora. Magna' na meza ciopa col speck e brie (el me amico el me tratta propri bem! e en vetta el n'ha portaa drio una per um!) per parar zo la stecca de cioccolata (almen a quella ghe penso mi...) che n'erem magnai ala malga, ne enfilem en tel canalim de destra e tachem de zete sempre pu' secche. E qi l'attacco dei me sci da combattimento el taca a zeder (ma per fortuna l me riportera' a ca'!) quindi senza sforzar massa, dopo na me zeta sbagliada che me porta a encasinarme su per na corniss ciapem la gresta e tra sassi che vanza fora (qi cambia esposiziom! Sem a Est!) e ciufi de erba raggiungem la vetta alla destra. Berg Heil! Magnem, fem do foto e vist che se leva l'aria ne enviem en zo: tra i lamenti delle solette tornem all'imbocco del canal e enveze che ciaparlo, scalettem fim al terz canal a sinistra (sotto el Cimon del Tres) e qi.... ne trem. El prim toc la porta, po' en 20 metri de grosta ne assicurem en rugolom a testa e quindi, polverom! Arivai en la valletta deviem a destra...propri bela polver! Po' tolta la forestale fim malga Sass ne aprofittem per altri do taioni zo per el ri' e quindi la molem fim alla macchina. Bel, bel, bel!
| Da Sicina: sullo sfondo se vede propri le Pale delle Buse... | |
|
Passa' malga Sass se segue la forestale a sinistra e arivai al capitell de Lares se sale a destra.... | ...e se se dirige vers el canalim de destra e.... | |
|
via de zete! | Arivai enzima al canal se svolta a destra e se segue la gresta fim enzima. | |
|
I do scialpinisti en vetta: Berg Heil! Sullo sfondo al centro i laghi de Serraia e delle Piazze. | Se torna quindi al canal e sel passa fim a emboccar quel de discesa e... | |
|
via che gh'e' da nar! |
