SCIALPINISTICA Forcella Seefeld del 26/12/2006
Dopo na giornada de Nadal da far invidia a pochi (no ho mess for el muss dala porta...), l'e' ora de nar a smaltir le magnade. E a inaugurar i novi sci da alpinismo del Greg. Ancoi po' inaugura' l'inizio della stagiom scialpinistica el Greg, el Max e el Paolo. La Val de Valles dall'altro versante, a sentir el socio del Mich, l'e' ancor polverosa.... e po' mi me som ennamora' dei taglieri (e le birre...) dela locanda sora Valles: gh'e' da nar! Ne trovem alle 6 e 20 a Trent al Zuffal Park e via per Valles. Arivem a parcheggiar la macchina che l'e' engual di'. Pellem e... sto colp a risalir la stradela vers malga Fana i sci gh'e' da cavarli en po' de pu': quel schifoso de zero termico, anca a Nadal sora i 2500m, el n'ha cavada parecchia en bass... Arrivai al pianoro della malga, prima dei masi girem a sinistra per na nova forestale (che no e' ancor segnada en la cartina Tabacco). A parte en par de cava e meti per no bagnar le pel a traversar en par de rivoi che traversa la strada, en te na quarantina de minuti arivem alla Stimmalm. Dopo na pausa per trar zo qualcoss e aver vist che de forcelle par eserghen doe... puntem a quella de sinistra. Pasa' en doss la traccia la se empenna e con quattro bele zete (le era bem de pu'....) sem su. Qi gh'e' tutt el temp de fermarse na bona mezz'ora prima de ritrarse vers val. El prim toc qualche sass sel ciapa bem, e anca qualche toc de grosta da traversar... ma no perdem tante curve a capir che el polverom, tegnindo esposiziom nord/ovest el gh'e'! Sbasai de quota po' la sciada en la polver se se la gode propri e tuti riusim a far quattro bele serpentine fin soto la malga. En la discesa ne tegnim a destra della malga e circa 50 metri pu' en bass scavezem sulla forestale: el Paolo l'ha proposto le prove arva! E cosi' (a parte na carognada del Kepo che per slongar i tempi dei concorrenti l'imbosca n'arva sotto na toppa de erba... ) tutti riusim a far quattro belle prove anca con 2 arva scondui ensema.... L'e' ora de....el taglier! Zo de bala ala macchina e via alla locanda che se encontra subit a sinistra a tornar en zo: taglier de speck, rafano e cetrioli, birra media+birra piccola. Ma i me boni propositi de tegnirme endrio perche' g'ho da guidar i va a farse ciavar quando el gestor el ne offre anca en giro de grappe bianche...
| El Greg el collauda subit i novi sci da alpinismo | |
|
Prima de malga Fana se gira a destra e se continua per la nova forestale... | Fim alla Stimnalm endo che proseguim per la forcella a sinistra (era comunque za' tracciada e fattibile anca quella de destra) | |
|
vista oltre la forcella: el lago Seefeld | Con quattro belle serpentine tornem alla malga a.... | |
|
...far prove arva: Sto carogna de Kepo sto colp el gh'e l'ha scondu' sotto el ciuff de erba!!! | E po' finalmente el meritato taglier en fondoval! | |
