SCIALPINISTICA Grantspitze e Nornspitze del 24/12/2006

La matina ne trovem a Calliam alle 6: destinaziom.... boh! Decidem al volo. En socio del Mich (el Viktor) la stimana pasada l'ha fat en bel sciadom en Val di Valles, e vist che su per de la' no sem mai nai... gh'e' da nar. Tolta l'autobahn fin Bressanom ciapem la val Pusteria fim a Rio Pusteria. Da chi a sinistra entra la val de Valles. Dopo na pausa for per el paess de Rio Pusteria a zercar/spetar che daverzesa na cartoleria per torne la mappa della zona, continuem fim Valles e en direziom Malga Fana finche' la nef sulla strada la ne lassa nar... arivem a 1450m. de quota. Ancoi, el Mich el g'ha i sci en manutenziom... el dopra quei veci da sassi el Kepo enveze i soliti dalle feste (ma sto colp la festa ghe la fao mi...vist che, no me som scort endove, ma g'ho trancia' na lamina!). Subit prima dei masi prima de malga Fana girem a sinistra per vecie traccie e tachem a risalir en vallom. Nef, ghe n'e' poca....miga! Arivem dopo 300m de dislivell sul pra' vegro e dovem cavar i sci e continuar a pe'. Per fortuna el senter el volta en te n'altro vallom e cambiando l'esposiziom l'e' cargo de nef. Avanti, passem 1, 2 malghe e en do ore dalla macchina sem su (1100m de dislivel). Cavae le pel smontem sotto en l'altro versante (che sia la val d'Isarco, o digo na monada?) fim quasi a na malga e ripella' ritachem a salir vers destra per altri 500m de dislivel. En la discesa en sto versante prima de ancoi gh'e' passa' sol 2 persone (el socio del Mich co la so dona).... peca' che entant ha sventa' en pel e no gh'e' pu' el polverom che ne spetevem. Dopo en par de balze finalmente vers mezdi' sem enzima alla seconda vetta e cosi' podem fermarne na mezz'ora a polsar (ancoi el Mich el vedo stracc... ma secondo mi l'e' perche' i sci da sassi che l'ha tolt su i pesa el doppi dei so doppiapunta....). Gh'e' da nar. Cavem le pel e ne fiondem en tel versante nord de sta zima (erem salidi da ovest). Purtroppo qi el vent l'ha fat disastri: l'e' tutt en lastrom. Nem zo en po' alla volta col cor en gola... per fortuna no se move nient e cosi' arrivai sul greto de en torrente che el va en ten laghet 100 metri pu' en bass ripellem e ciapem a destra. Traversa' en laghet arivem al passo che ne riporta sulle traccie della prima salita: ma, diaolopo', prima gh'e' da calarse zo da en canalim! e che ert! E beh, ne trem. Arivai alla prima malga tegno massa la sinistra e me enfilo en ten canal laterale quel de salita. Man man che el se emponta el se strenze... e tra 1000 salti... sui sassi... (e penso che l'e' qi che g'ho zonta' el sci) tornem en la piana de Malga Fana. En te n'atimo sem alla macchina e quindi all'ottima locanda che se trova subit a sinistra scendendo: che spettacol de taier de speck! E mi no resisto neanca alle 2 birre medie....






Prima de malga Fana, al pont davanti ai masi se gira a sinistra.
e se risale el vallom fin alla prima vetta.
Po' se scende sul versante opposto (se nota le nose traccie de discesa).
e se risale altri 500metri sul Nornspitze
Berg Heil!
L'erta discesa per el canal che ne riporta vers la piana.


Ste pagine l'e' stae cargade volte da visitatori dal 3 de agost 2005