SCIALPINISTICA Cima Palu' e Pizzo Alto del 21/12/2006

Me ciama el Matteo al pomeriggio per propor na pestolada en Lagorai.... arivo giust a veder le previsiom del temp e domandar permesso al capoufficio e via che gh'e' da nar! Ne trovem cosi' alle 8 en quel de Pine' e dopo aver scarta' l'idea de far el Monte Croce dal passo del Scalet (da Brusago) perche' en quota l'ha sventa' parecchio decidem de farlo da Palu' del Fersina (val dei Mocheni) pasando per Cima Palu' e el monte Conca. Parcheggia' la Polo enzima alla val dei Mocheni ne enviem a pe' per 50 metri (lineari! miga de dislivel!) fim ai Tasaineri. Da qi, el mesom no l'e' passa' e podem za' trar i sci entera. Ne enfilem per la forestale che sale vers el passo Palu'. Man man che se guadagna quota la nef la aumenta sempre de pu', se sente sotto la fonda e se vers i 1600 ghe n'e' za 40 schei a 1800 la passa i 60...e par propri en bel polverom! Arivai sotto el passo Palu' deviem a sinistra al passo de fianc (no ste a domandarme come che el se ciama) e da qi, per gresta sventada arivem enzima al Palu'. Propri 5 minuti dala vetta incrosem i compaesani del Teo che evem encontra' anca zobia pasa' en Marmolada: i e' za' en gran spolvero (de polverom...) e tornai a val i fara' anca el Pizzo Alto... Ghe sem: vardando via el Croce ne speta adess tutta na serie de taioni en saliscendi prima per arivar sul Conca, po' al passo e po' podem puntar finalmente el Croce. E qi el me amico el la pensa propri giusta: envenze de far traversi perche' no nem en spolvero anca noi, tornando en fondoval e scavezem via vers el Lac de Erdemol per nar a zercar polverom sul Pizzo Alto??? Gh'e' da nar! E zo! Se i primi 50 metri gh'era en fil de crosta da vent, n'e' basta' sbasarne quel pel sottogresta e .....Speciale! Farina 00 de prima.... come quella che dopra el Teo per far le pizze. Arivai alla baita a 1800m. scominziem a tegnirne en pel a sinistra per ritacarne alla forestale che scaveza via vers el Lac de Erdemol. E arivai en font, saltando qualche macia de asfalto en velocita' (senza mai cavar i sci) arivem al bivio per el lac: ripellem e nem. Tra sbreghi e en par de pause per tirar el fia' ne fermem n'attimo propri sotto el Lac de Erdemol: l'e' l'ora della pizza! E cosi' do boni spicchi de pizza salamino a testa nol ne li cava nessuni. E via... che l'e' ancor longa... dal lac girem a destra su en par de dossoni fim a arivar sotto el traverso che porta sulla gresta sotto la zima: qi cavem i sci vist che vanza for sassi e continuem a pe'. Anca sta zima l'e' fatta. Rimessi i sci ne trem en tel polverom e tegnindone sulla dorsale a sinistra riusim a saltar la conca del Lago e portarne en val tra radi laresi e...tutt en SPOLVERO! bel, bel, bel! Per finir, taia' el senter de salita capitem sulla forestale che bela piena de nef la ne porta sci ai pei al tornante sora el parcheggio. Da qi, giust per tegnirne le solette bone, i cavem per i ultimi 5 minuti a pe'. Alla faccia del giretim de perlustraziom! Anca ancoi do zime e 1560 de dislivel! Tornem cosi' a casa dal Matteo endo che dopo na bela magnada (e do boni goti de ross) me envio vers l'ufficio: l'e' ormai le 3 e meza dopodisnar, ma no l'e' mai tardi per scominziar a laorar!









I cardi en fior a Nadal? Con tuta sta nef? No gh'e' pu' le meze stagiom!
Salendo vers Passo Palu': nef ghe n'e' n abbondanza...
...e a veder le sperpentine l'e' polver de qualita'...
...anca se le greste le e' sventae. Arivai al passo girem a sinistra per gresta e....
...sem subit enzima a Cima Palu'. Drio el Kepo el Monte Croce, a sinistra il Conca.
El Matteo en discesa: sa falo? Telemark? ...la foto la merita demo' per la vista: drio Costalta se vede Bondon, Paganella e drio ancor el gruppo Adamello/Brenta.Peca' per le nuvole...
arivai al bivio per l'Erdemol, ripellem e se ritaca a ciapar quota....
...e quando el Teo el tira for dal zaino la salamino, ne femen anca a riciapar energie!
Al Lago de Erdemol.Qi se devia a destra.
Ormai ghe sem. Davanti oltre al Pizzo Alto se nota el traverso che se fa a pe' per no rosegar massa sui sasssi le solette dei sci.
Berg Heil! E anca questa l'e' fatta! E adess.... spolverem!
Nef da spolvero.... e qi sem sol a 1600m de quota!


Ste pagine l'e' stae cargade volte da visitatori dal 3 de agost 2005