SCIALPINISTICA Marmolada del 14/12/2006

Nef ghe n'e', le previsiom del temp le e' spettacolari, na meza giornada podem tornela for tuti e doi e allora: GH'E" DA NAR! Dovresem trovarne alle 7 al bivio per el Manghen... mi ghe som, ma el Matteo no.... dopo n'SMS senza risposta alle 7 e 20 el ciamo e.... diaolopo'! El tiro zo dal let. Beh, entant che el speto alora ne aprofito per farme colaziom al bar de Molina e tra en caffe' e en salt en tabacchim a torme el giornale encontro anca quel che m'ha vendu' el ponteggio per far su la casa e no podo no aprofittarne per far do ciacere... Beh, no so come l'ha fat, ma no l'era ancor le 8 che el Matteo l'era za' arriva' al parcheggio: e oltre al viaz da Pine', entant che el se vestiva l'eva trova' anca el temp de far colaziom e scaldar na thermos de the! Via de bala vers el passo Fedaia. Envenze che tor el senter che sale al pian dei Fiacconi (l'avem za' fata tuti e doi la scialpinistica da li') sto colp passem el lac e propri al confin de regiom parcheggiem la Polo. No gh'e' nessuni. Pellem e nem. L'e' le 9 e 22. El gat l'ha za' battu' la pista e cosi' sfruttem la traccia del gat per ciapar quota. Arivai a en prim pianoro, vegnim raggiunti da en par de compaesani del Matteo, e fata n'altra pontera co na curva a sinistra passem de fianc al secont troncom de impianti (questo l'e' en vecio skilift) che sale vers la zima. Sempre tra pista battua e crepacci (se trova busi daverti anca sul battu'!) ciapem quota e compar enzima la staziom de arrivo della cabinovia che salta su da malga Ciapela. Entant ne affianca anca i do gatti che era drio a tirarne la pista a "biliardo" (miga, massa...) che envenze che bestemarne drio i saluda! Strano ai scialpinisti! L'ultim toc de pista l'e' eterna: a dir el ver l'e' la vista dela zima che cava le forze: no l'ariva pu': l'e' en po' come el rifugio sul Care' Alto.En realta' l'e' che la pista l'e' dritta e longa e girandose endrio se pol contar i altri scialpinisti che e' drio a vegnir su: ancoi sarem na desina. Pasa' quota 3000, manca ormai 100 metri ala zima quando el Matteo el propone na sosta ristoro per el strappo finale: e qi el se supera propri! El tira for dal zaino na pizza col salamin taiada e spicchi che magnem per meta' (l'altra la finim enzima) e l'ha tolt drio anca na luganega de ciocolato.... Diaolopo'! Se el saevo alla birra ghe pensevo mi! Ma forse e' sta en ben no saerlo, che senno' la n'averia taia' le gambe! Ultim strapp e ghe sem! Tempo spettacolare e gh'e' anca aria calda en quota (ancoi el 0 termico l'e' a 3300m). E cosi' dopo n'altra pausa ristoro cavem le pel e ne fiondem en zo... encontrem anca na bela putela con en caign, ma el pu' che rieso a far per tacar bottom l'e' domandarghe el nome del caign: Berni el se ciama, e ela??? Mah! En la discesa se alterna tra pista (batua mal e a gnocchi) e polverom bordopista: che quando l'e' lontam dai crepi gh'e' propri da goderselo. La parte bassa della pista l'e' enveze tirada propri bem. No l'e' ancor le 1 che sem za' alla macchina: gh'e' da nar! A laorar! ...ma non prima de n'ultima pausa caffe' corretto (almen mi) en quel de Moena! 
Anca ancoi me s'e' engiaza' la fotocamera (l'e' la volta bona che la cambio) e cosi' de foto ghe n'ho poche
...spete' sol en par de di', che el Teo el me passa le sue che ghe le taco!







Passo Fedaia: pellem, e via che gh'e' da nar!
Risalim sfruttando la traccia del gat: i tornanti soto i e' quei che da Arabba sale al pass.
Se seta a guadagnar quota per la traccia del gat... che en zerti punti, pu' che pista l'ha fat en mazel. A vegnir en zo l'e' propri en sti punti qui che se zerchera' de far pu' fuoripista possibile: a caza de polver!
Berg Heil! Panoramica da Punta Rocca vers el gruppo Sella
Punta Rocca: el Matteo come picchetto de confim en vetta: a sinistra gh'e' el Veneto e a destra el Trentim. El me amico ancoi el s'e' propri supera', tirandose drio anca na pizza al salamin da spartirne e magnar enzima!


Ste pagine l'e' stae cargade volte da visitatori dal 3 de agost 2005