ALPINISTICA Orecchia di Lepre del 26/11/2006
La nef l'e' ancor lontana ma no se pol miga pasar en cantier en weekend si' e uno si', e cosi' dopo en sabo tra birre e falesie domenega matina alle 5 se parte per la Val d'Ultimo. Sto colp nem a far l'Orecchia di lepre dal versante sud: da li' anca se l'e' pu' longa che da nord, nef residua penso che en troverem propri poca. Arivem a parcheggiar la macchina ai masi subit sora S.Geltrude vers le 8 e en tel giro de 10 minuti, dopo esserne assicurai co na siora del posto (...e parlandoghe sol en todesc vist che l taliam no la lo saeva) de esser sulla giusta via, sem za li' che ne enviem a pe' su per el vallom. La macchina se la lasa a 1700 e rotti metri de quota. Se risale la forestale per el senter 413 e se passa le do Fletschbergalm rispettivamente a 1905m e 2130m de quota. Qi finiss la forestale ma el senter l'e' ben segna' e passa' en pont se risale en mez al vallom fim a 2400m quindi se scaveza a destra per erti dossi. Da qi taca en terra taca a eserghe nef: l'e' poca, ma endo che el l'ha accumulada el vent la passa el scarpom e, vist che no g'ho voia de meterme su le ghette, envenze del senter fem la dorsale scialpinistica endo che el vent el l'ha lustrada via tutta. A 2700, sempre pero' restando fianc del senter, no se punta direti ala zima ma alla forcella alla so sinistra. Arivai en gresta se é a quota 3010, e basta ciapar la gresta che con altri 200m de dislivel la ne porta enzima. Arivem ala cross che l'e' mezdi' men dese, dopo na dovuta pausa enzima, endo che sem stai raggiunti dall'unico alpinista che avem vist en tutt el di', ne enviem en zo. N'altra mezz'ora de pausa all'attacco della gresta per trar zo qualcoss e via che ghé da nar! Tra na roba e l'altra ripartim dalla gresta alle 1 e meza e alle 3 e meza sem alla macchina (mi e l Max avem tegnu' en bel ritmo sostenuto en discesa... per arivar prima en birreria!). Tornai for dalla lunghissima Val d'Ultimo, l'era cosi' doverosa na deviaziom alla Forst de Meram per 2 bone birre medie e en taglier... e vist che el taglier, na volta rimontai en macchina el feva propri vegnir se': na volta tornai a Roveredo, prima de saludarse no e' manca' n'altro bon giro de medie...
| Entrai en tel lonc vallom, sel risale per forestale e ghe sara' da aggirar el dossom davanti passandoghe a sinistra. | |
|
Alla fim dela forestale (quota 2150), se passa el pont e se continua en te la val per el senter 413. | en cucciol de camoz.... ancoi de camozi ne avem visti propri tanti | |
|
se risale i dossi che ne porta al passo da endo che taca... | ... la gresta che porta en vetta. | |
|
ultimi passi prima del... passo! | ...e quindi i ultimi 200 metri de dislivel se i fa per comoda gresta. | |
|
La cross de vetta: propri bella. | Berg Heil! | |
