MTB Tenno del 24/09/2006
Vist i giri de aperitivi fatti al bar la mattina con me fradel, el Silva e l Denis, scommettendo sui compleanni delle putele del paess, e vist che tra na roba e l'altra avanti che avente posta' zo' el cul dela boza e' vegnu' medi' e mez, no me spetevo zerto de far en giro del genere.... Alle 1 e 20 salto sula bici (senza disnar) e dopo esser pasa' a raccatar el Max e l Greg (che pero' nol vem, vist che l'e' ancor drio a laorar) ne enviem vers Riva del Garda. Ancoi no puntevo sul dislivel, vist che la stimana pasada per la foga de magnar minuti sui me tempi co la bici nova me s'e' enfiamma' el muscol dela gamba, ma sul chilometraggio: voi arivar en freta ai 500Km cosi' en negozio i me fa' el tagliando. Tolem quindi la ciclabile vers Mori, pasem la Montecatini e con na deviaziom che no ho capi' bem (no avem segui' le indicaziom per Riva) saltem fora sora Tierno, sula strada che sale vers Brentonec. Ne sbasem de nof sula ciclabile e via per Loppio, passo S.Giovanni, Nago, Arco.... Riva! Ghe sem: ero za' drio a pensar proporghe al Max na pausa biretta prima de tornar en su quando me rendo cont dela strada che el ciapa: Ten! Ah pero'! Al lac de Ten l'era za' na soddifaziom arivarghe col me vecio fifty (vist che ogni volta che el feva quela salita, me pareva che l volesa lasarme a pe'...) figurarse en bici! Gh'e' da nar. Pasa' el paes de Pranzo me meto en scia... e som anca content de riusir a tegnir el ritmo per zinque minuti: i 18Km/h en salita! Po' zedo e la ciapo pu' dolza. Arivem a Ten che ho suda' for l'anima: che dura! No tant la salita, ma el pass che avem tegnu'! Ne trem su cosi' i windstopper e zo' de nof vers Riva via Cologna. Tornai en zita' el Max e riciapa la stessa deviaziom per Ten: "Ancora?". Ma sel sa: mai zeder! Gh'e' da nar! Sto colp pero' el ritmo (almen el mio) l'e' molto pu' lento, sugli 11Km/h... e anca de men. En 38 minuti sem de nof su. Adess le gambe le e' propri ala frutta: besoign darghe contro co na bona radler media! Reintegra' i liquidi, l'e' ormai le 5 che ripartim...sto colp vers casa, som sicur! Riva, Torbole. La salita de Torbole vecia podeva eser na bona sfida, ma le gambe le era propri nade e cosi' continuo a velocita' de crociera. E cosi' ale 6 e meza sem za a Roveredo che ne saludem e arivo a Trembelem col computer da bici che me segna i Kilometri fatti ancoi: 100,9!!!
| El Max che sale la prima rampata verso Tenno (sullo sfondo el Garda See...). La foto ghe l'ho fata mi, ma no perche' ero davanti: e' sta lu' a tornar endrio a riciaparme: el m'eva somena', diaolopo' se l va! | |
