Vajo Pissavacca e Vajo dei colori del 2006-09-03

ALPINISTICA Vajo Pissavacca e Vajo dei colori del 03/09/2006

Ancoi, dopo la strozegada de 7 ore de MTB de ieri vago a far en po' de deaffaticamento: en realta' me speta altre 7ore e meza de tribolada... Partim da me ca' alle 8 e meza per Ometto: l'e' bem tardi, ma vist che sem svelti podem permetternelo. Parcheggiada la macchina a fine strada, ne enviem a pe' for per la sterrata, e pasa' l'attacco del Vajon dei Cavai, arivem sulla strada asfaltada che vem zo da Campogrosso. Continuem fin al prim pont, endove che scondu' fra le piante, parte el senter che se addentra per el Vajo de Pissavacca. Sto giro, el Stefano, el l'ha za fat en mes e mez fa, ma al contrari (a dir el vera sem noi che ancoi sem drio a farlo alla roversa de come el naria fat). El segnavia el da' 3:30 dalla strada alla bocchetta (drio el rifugio)....vist che alle 9 e 40 sem li' che partim, da segnavia dovresem eser su per le 13:10, ma podem far de meio. Se risale el vallom prima en tel bosc, e po' per sassi e canai scavai tra i mughi. Dopo tre quarti d'ora de pass spedi' ne rendem cont de esser fora: vedo sul versante opposto zent che se enfila su per el canal: noi sem drio a deviar masa a sinistra: oltre el vajo dei Camosci... dovem cosi' sbasarne de na zinquantina de metri e co na traversada tattica tra i mughi ne riciapem alla pontera de salita. L'e' le ondese quando finalmente se daverze for el vallom e se scominzia a risalir i geroni vers la bocchetta. Ancor en toc e tra i curiosi che ne varda risalir el vajo, en do ore totali dall'attacco sem za' fora, e fata la zima, a mezdi' sem za' al rifugio davanti a na bona birra media. Come sempre l'e' strapiem de zent e, come sempre sem i unici trentini. Magnem en bom piat de polenta e fonghi, bevem en grapim e ne enviem vers la ferratina che dovria portarne all'attacco del vajo de discesa. En realta' el Stefano, vist che el l'eva fata alla roversa, nol se ricordeva bem l'attacco e quando ne ritrovem alla madonnina sora el passo Pertica, ne rendem cont de esser for de strada e tornem de volta, e traversando sotto el rifugio en direziom del pu' bass rifugio Scalorbi arivem finalmente all'attaco del Vajo dei colori. A vardarlo el fa propri mpressiom, e anca i cartei i sconsiglia la discesa per de li'. Ma noi g'avem da nar, e tra i curiosi che diss "i xe pazi a nar zo de li'" e che me mola zo en maroc (che no so neanca mi, vist che el me s'e' spaca' davanti e el m'ha comunque ciapa' sul sterno, come podo eser qi a contarla....) tachem a rampegar en zo. L'e' tut marz: e anca mi molo zo na bella scarica de sassi: per fortuna subit sotto no gh'e' nessuni. Vist el pericolo ne aprofitto per meter su el casco e via che se riparte. Pian pian, pasem for da 4 bele balze de roccia: che orrido! Quando el l'ha fat el Stefano, a fin de luio, l'era anco pien de nef, e l'ha podest doprar picca e ramponi. Ancoi la nef l'e' restada sol en la parte pu' bassa (par incredibile a 1400m. de trovar nevai en setembre!), ma sora l'e' tut roccette da passar fora... Incontrem sol 4 persone che e' drio a vegnir en su e, anca se tuti i se meraviglia de vederne vegnir en zo, riusim a domandarghe come podem sparmiarne la risalita vers Campogrosso: volem taiar zo dritti sulla strada che ne porta alla macchina. En pratica en la parte bassa, doverem aggirare i salti de roccia da sinistra. Dopo n'ora e meza de discesa ne blocchem propri sora sti salti: passando a sinistra ne trovem comunque bloccai da n'altro salt de zinque metri e cosi' risalim a sinistra en zerca de n'altro passaggio. Tra mughi e betulle en vinti minuti, quando ormai pensevem de dover risalir 100 metri e ciapar per campogrosso, ecco che finalmente sbuchem en ten vajo laterale che el se ricongiunge sotto le cascate e arrivem alla strada! Ancor 40 minuti a pe' e sem za' alla macchina (ore 18) che pensem endo nar a bever le birre: diaolopo', a Obra el bar l'e' sera' e anca a Matilori, e cosi' sto colp, la birra ne la bevem a me ca': G'ho giust do Forst en frigo vanzae dal gieri...

Salendo per el vajo de Pissavacca: i senteri i e' fondi!

E qi dopo trequarti d'ora de salita l'e' finalmente ora de bever en goz de acqua. El Kepo l'e' perplesso: no ne torna i conti... dovem scaverzar a sinistra e riciaparne col vallom principale.

Ecco l'uscita del Vajo! E la croce di vetta l'e' li' davanti!

Dopo na bona magnada al rifugio l'e' ora de nar all'imbocco del vajo dei colori: l'imbocco l'e' propri la finestra che se vede tra le greste sullo sfondo.

Eccoci all'imbocco:el cartel el parla ciar... no se doveria farlo en zo, ma...

gh'e' da nar!

I curiosi che ne varda zo: "I xe pazsi a nar zo de qi"...i diss - Ma i veri pazzi i e' lori quando i me tira zo en macigno!

..e infatti, scampa' el pericolo, trao su subit el casco!

Ormai sem zo... ne manca sol i salti delle cascate, ma el pu' del vajo l'e' fat... da notar che gh'e' ancor qualche nevaio che ha resisti' all'ista'! E sem a 1400m!

Ste pagine l'e' stae cargade volte da visitatori dal 3 de agost 2005

Salendo per el vajo de Pissavacca: i senteri i e' fondi!
		E qi dopo trequarti d'ora de salita l'e' finalmente ora de bever en goz de acqua. El Kepo l'e' perplesso: no ne torna i conti... dovem scaverzar a sinistra e riciaparne col vallom principale.
Ecco l'uscita del Vajo! E la croce di vetta l'e' li' davanti!
		Dopo na bona magnada al rifugio l'e' ora de nar all'imbocco del vajo dei colori: l'imbocco l'e' propri la finestra che se vede tra le greste sullo sfondo.
Eccoci all'imbocco:el cartel el parla ciar... no se doveria farlo en zo, ma...
		gh'e' da nar!
I curiosi che ne varda zo: "I xe pazsi a nar zo de qi"...i diss - Ma i veri pazzi i e' lori quando i me tira zo en macigno!
		..e infatti, scampa' el pericolo, trao su subit el casco!
Ormai sem zo... ne manca sol i salti delle cascate, ma el pu' del vajo l'e' fat... da notar che gh'e' ancor qualche nevaio che ha resisti' all'ista'! E sem a 1400m!