MTB Giro del Lancia (Pasubio) del 18/08/2006
Anca se al gieri, tra MTB e Dragon Boat ho ciapa' na bela monzua, le ferie besoign sfrutarle tute, e cosi' alle 9 e meza, dopo en par de tentennamenti vist el brut temp, al bar ne enviem vers Giazzera. Pasa' el paess (indicaziom per rifugio Lancia), ciapem el prim spiaz sulla sinistra e tirem fora le bici dale macchine. El temp el par star su... po' comunque i spolverini i g'avem bem drio: gh'e' da nar! Se ciapa subit la forestale che entra dal spiaz a sinistra e en discesa la ne porta sula strada (asfaltada) che sale fin a Malga Valli. Tegnim propri en bom ritmo de pedalada e na volta sulla sterrata, dopo en goz de isostad...no se perde colpi. Pasa' n'altro par de malghe se traversa n'altra valletta che porta alla strettoia, che penso esser el confin tra Trembelem e Terragnol. Da qi, dopo en po' de pianura se risale ancora e finalmente se arriva al passo endo che se daverze for la visuale sulla val de Terragnol...giust sora malga Campobisio. Se perde na zinquantina de metri e subit se ciapa el bivio a destra (gh'e' le indicaziom per MTB tour dei forti). Dopo n'altro bel toc piam, se risale ancora e passai sotto el Col Sant e l Col Santin, se arriva a n'altro passo da endo che se vede finalmente la Sella delle Pozze. Prima de arivarghe pero' gh'e' da perder altri 70 metri e risalir su per na mulattiera a zete....che le par erte, ma alla fin en 10 minuti sem su tutti e trei. L'e' ormai mezdi... quando scolinem dala sella delle Pozze (quota massima del percorso) 1903m. e da qi tut en discesa arivem al rifugio Lancia. Mi me fiondo dentro diret a ordinar le 3 birre medie. El Cristian el tarda n'attimo che vegnindo en zo vers el rifugio el s'e' ferma' a fotografar do camozi e l Nane, anca se el g'ha na vecia MTB senza ammortizzatori e cambi Deore...nol perde en colp! Dopo na bona magnada (almen per mi...vist che al Cristian i g'ha servi' la pasta slangua!), tre boni grappini a testa e do ciacere co la Raffa (dal Doss, che ancoi l'e' vegnua qui a pe') vers le 2 risaltem sule bici e zo de bala vers Giazzera!
| Dopo malga Valli se risale su sterrato fin ai 1750 della strettoia tra la roccia...e po' finalmente se ciapa fia' con en po' de discesa... | |
|
...quindi dopo n'altra salita sora la val de terragnol se arriva finalmente al passo... | ...en do che taca la discesa che porta sotto... | |
|
...la sella delle Pozze. Endo che la spiana dal tutt e scominzia.... | La discesa vers el rifugio Lancia | |
|
Sotto el rifugio se ciapa velocita e sempre en discesa, tra na curva e l'altra, se arriva prima al Sassom (fin endo che pol arrivar le macchine) e quindi al parcheggio. |
