ALPINISTICA Lyskamm Occ. Castore del 08-09/08/2006
No erem riusidi a organizzarne per na nord en primavera... ma davanti a en quattromili no se se tira mai endrio! E cosi', col Davide, al so prim 4000 evem deciso de far el Castore e... se nen vanzeva anca el Polluce. Partim cosi' da Roveredo alle 7 de mattina. Dopo 3 ore e meza de autostrada, apena entrai en Val d'Aosta, se va for al casel de Point St. Martin e se ciapa per Gresoney la Trinite'.... na val longa e stretta 30Km. Arrivem cosi' alle 11.20 a Staffal, giusti per tirarne a um, tor en par de ciope per disnar e saltar en seggiovia che con 13euro e mez la ne porta al colle de Bettaforca. Da qi, dopo aver magna' le ciope e le birre tolte en val, ne enviem per el senter che tra pietraie e co la parte finale de gresta protetta da canaponi e ponti de leign en tre ore el dovria portarne al rifugio Quintino Sella. Gh'en metem 2 e meza. Subit i ne da' el posto da dormir... en tel bivacco de emrgenza, vist che el rifugio l'era tut piem... ma de italiani no gh'e' quasi traccia: i e' tuti stranieri. Vist che el Davide l'ha appena fini' el turno de not e anca mi g'ho ancor da recuperar el som del viaz del weekend pasa', ne trem en branda fin ora de zena, quindi dopo na bona magnada (e do bone candole de birra) socializzem coi compagni de taolada (spagnoli e todeschi... rigorosamente parlando todesc coi uni e spagnolo coi altri) ...e discutem dele vie che se podria far su per de li'. Noi pensem quasi de far la traversata Castore-Polluce e po' tornar en qualche modo ala macchina dalla val d'Ayas...ma come? Ma quando sentim che le condiziom del Lyskamm le e' bone...e' deciso! O traversata dei Lyskamm o Lyskamm occidentale e Castore. La matina meto su la sveglia per le 4 e en quart, 4e meza colaziom e fora a prepararse... gh'e' en nebbiom che no tel tai neanca col cortel, ma sto colp no gh'e' problemi de mancato rigelo: l'e' en fredo cane! Ne enviem cosi' quando l'e' le 5.15 seguendo la larga traccia che risale el ghiacciaio de Felik fim ai 4060 del Colle de Felik. Da qi, per fortuna la visibilita' la migliora e podem ciapar la traccia de destra che ne porta vers el Lyskamm occidentale. Dopo aver pasa' fora 2 grestine veramente affilate e en rampom sui 40gradi che ne porta subit en quota, a tre ore de marcia dal rifugio sem za enzima ai 4481m. Che fret! Me s'e' engiaza' le man! Ne fermen li' na mezz'ora, e scarta' l'idea de far la traversata (temp instabile,...e anca le grestine per mi no le scherza!) tornem vers el col de Felik e da qi proseguim dritti per ciapar la gresta che ne porta sul Castore. Per n'atimo fao pasar el Davide da kepocordata, ma quando vedo che sui saliscendi de gresta el me tira el col riciapo el comando con en passo pu' umano...No l'e' ancor le 11 che anca sto quattormili vem a far parte del curriculum e cosi' dopo do foto, e dopo aver varda' la traccia dela zent che sale dalla traversata Polluce-Castore dalla val d'Ayas (con en muret sui 45gradi propri sotto la vetta del Castore), ne enviem vers el rifugio. Sotto i 4000 gh'e' nebioni, e arivem al rifugio propri embrumai: ne aprofitto cosi' per scaldarme for con en brodin calt e via de bala vers val. L'e' le 14.45 che saltem sula seggiovia e alle 15.40 sem za li' che partim en macchina: giust en temp per salvarne dal sguaz che taca a vegnir zo (anca se do falive de nef, entant che vegnivem zo dal rifugio le evem bem ciapae!). E cosi', dopo una grandinada memorabile en quel de Novara (per fortuna la me Polo l'e' veciota) co le macchine ferme en autostrada su 2 corsie sotto i cavalcavia e mi avanti imperterrito, arivem a Roveredo per le 8... l'e' ora de nar a polsar...anzi no... gh'e' el vecio che me speta en cantier per le rifinidure: doman matina ale 6 dovem eser fora che i ne porta i piastroni per la soletta del garage! Diaolopo' ste giornae da 24 ore le me sta propri strette!
| Salendo vers el colle Bettaforca, se vede el ghiacciaio del Lys. | |
|
Qi i camozi i e' umanizzai.... qua el gaevem a men de 10 metri... ma se avessa tira' for na ciopa g'ho idea che el saria vegnu' li' a magnarme en bocom for de man! | La parte finale del senter che ariva al rifugio Quintino Sella.... canaponi e pontesei... | |
|
La salita verso il Lyskamm occ.: passa' el col de Felik, se passa sulle grestine e.... | ...dopo el scivol sui 40.... | |
|
..Berg Heil! Prim quattromili per el Davide,undicesimo per el Kepo. | La traversata del Lyskamm (se vede le traccie). E drio a sinistra gh'e' punta Parrot. | |
|
Su per la gresta, vers el Castore. | Dalla zima del Castore, vardando vers ovest se vede (da dx a sx): Polluce, Roccia Nera, i 3 Breithorn e l Cervino. | |
