ALPINISTICA NORD Tour Ronde NORD (Monte Bianco) del 10-11/06/2006
La Tour Ronde da Nord? I me l'eva proposta i soci de Milan za da qulache stimana, ma diaolopo'! L'e' data de difficolta' D/D+! mai fat en grado del genere su giaz!ma se nol provo adess, sa speto?...ormai i tempi i e' mauri...e cosi' a mezdi' de sabo ne trovem en quel de Milan e via per Courmayer! Vers le 2 e meza sem za' li'. Dopo pizza e birretta ciapem cosi' la funivia (28,50Eur A/R) che la ne porta ai 3340 metri del nuovo rifugio Torino. Fat el check-in vegnim subit a saer che delle 100 persone che gh'e' al rifugio almen 50 le va sulla Tour Ronde...diaolopo'! masa! Dovem levar bonora e zercar de anticipar le altre cordae! E cosi' dopo aver zena', domandando en giro par alla fin che de cordate sulla nord sarem si e' no 5/6... de cui 2 con guida e due come corso istruttori nazionali CAI. Tuti i leva per far colaziom ale 4e meza, e alora noi puntem la sveglia n'ora prima. Dopo en par de birre e brule' vers le 9 sem za soto le coerte. Per dormir dormo bem...ma che incubi! Sara' l'agitaziom per la via...Alle 3 e meza taca la sveglia e alle 4 e 20 sem za' en marcia vers l'attacco. Co le cordate tegnim la solita disposiziom: mi col Matteo, e l Max col Franz (alla lori prima uscita en quota dopo l rugolom dala gresta de l'ista' pasada). L Marcello, n'istruttor nazionale CAI l se liga con lori (vist che l Max e l Franz dall'ultima uscita che avem fat ensema-el Dome de Neige dell'agosto 2004-i ha fat carriera: adess i e' aiuto istruttore della SEM!). El temp l'e' perfetto, no tira aria e gh'e' luna piena...e cosi' saltai sul ghiacciaio del Gigante, en tel giro de n'ora e vinti sem soto l'attacco. De cordate che e' drio a nar su ghe n'e' za una (che ha dormi li' sotto, sul ghiacciaio, en tenda) e n'altra che e' drio a attaccar aggirando la terminale (masa daverta) con en lungo giro a sinistra. Ma...no gh'e' temp! e cosi', da Kepocordata, punto drit ala terminale e...1,2,3 la salto fora! El pendio l'e' subit tra i 45/50 gradi, e tut de nef pressada. Ciapem subit en bon pass spedi' e en 40 minuti sem za' all'imbuto en do che gh'e' el tir dur de giaz e diffatti stacchem subit la cordata del Max (ancoi el fa lu' l'altro capocordata). Arivai alla sosta su roccia, ne lighem e chi ovviamente, vist che l'e' giaz vif, laso davanti el Matteo. 55 metri de corda sfilada...a fil... en tiro giust e l pasa fora. Ma che pioggia de giaz e sassi che vem zo! El giaz l'e' de quei pezo...che se scheggia e basta... E quando parto mi, infatti me vem el cor en gola quando me parte en piat de giaz e l ghe finiss 20 metri sotto sul braz del Franz (per fortuna nol s'e' fat nient!). La pendenza la se fa sempre pu' erta (i diss 65 gradi) e la parte finale del tiro l'uscita l'e' propri tecnica da en camin del giaz e nef (poc consistente). Per pasarghe fora g'ho addirittura da meter l rampon en opposiziom sull'altra faccia del camin! Sem su, el toc pezo l'e' fat! Adess gh'e' l'altro toc de pala de nef che fao mi finche' gh'e' nef, po' i ultimi 20 metri che salta en gresta i e' su giaz e i fem en conserva butandoghe rento en par de ciodi. Pasem cosi' fora l'esile grestina de nef (pasandoghe sora al colouir Gervasutti: n'altra parete de nef sui 45 gradi) e dopo aver aggira' el torriom da sinistra per do roccette, alle 8 in punto mi e l Matteo sem en vetta. La cordata del Max i n'e' stai drio fin ala grestina...po' i g'ha avu' da ravanar en po' e i e' arivai su na mezz'ora dopo. Po', sem stai su tuti fin le 9 e en quart...g'avem avu' tut el temp de vardarne entorno: le zime se le vede propri tute: dal Cervino, al Rosa, al GranParadiso, alla Barre des Ecrins...E cosi' l'era ora de pensar ala discesa per la normale. I la da' PD+ de misto, ma mi ero preoccupa' dale relaziom teroristiche che evo vist: "serve tante fettucce da assicurarsi nell'esposta discesa in cresta, che si disarrampica anche a cavalcioni"...e diaolopo'!. Sa sara' mai? Cazae! Ne sem molai zo de corsa per en canal de nef e la gresta no l'avem quasi vista! Con tutta calma, ale 11 erem za' al rifugio Torino e a mezdi' a Curma, giusti per na biretta e per saludarne...e cosi' dopo aver guida' dalle 13 alle 18, finalmente arivo a Trembelem: ma miga a casa! Drit al campo sportivo! Ancoi gh'e' la festa patronale del paess... e tra birre e luganega me rifao ben en fretta delle energie sprecae (?) en tel weekend!
| L'alba dall'attacco della via... vardando vers Chamonix sul ghiacciaio del Gigante che scende vers el Mer de Glace. | |
|
L'attacco della via...la terminale: o se la aggira da sinistra o... se ghe salta su! | Max, Marcello e Franz en la prima parte dela salita. | |
|
Ecco subit fora dal canalim: da notar el camin endo che se enfila la corda! L'è propri ert! | grande Kepo!!! ... foto d'effetto...ma qi erem sol sui 45 gradi! | |
|
Berg Heil! Da sinistra: Max, Marcello, Franz, Matteo, Kepo. E drio....la zima del Bianco. | La via de salita (en ross) e la discesa (en vert). | |
