SCIALPINISTICA NORD Canalone Neri (Cima Tosa) del 06-07/05/2006
Me pareva ben de eser en anticipo co la stagion, ma d'altronde se za' gh'evem intenzion en dizembre de far la nord dela Piazzi en invernale, no pol zerto far paura el Neri con en mes de anticipo, no? E cosi' quando m'ha ciama' el socio dela SEM Milan...gh'e' da nar! Dopo na tribolada pic e bail en canter a casa, cosi', subit dopo disnar ne sem trovai a Roveredo e per le 4 erem a Campiglio cargai come i musi ala volta del rifugio Brentei. La strada che va rento per Vallesinella l'e' serada da na frana (2 marocchi sula strada) e cosi' ne la sem fata tuta a pe'. Arivai al Casinei avem anca podest meter su i sci...per qualche toc...ma l'era tut en cava e meti (e senza sci, endo che gh'era nef se sfondeva masa...no se riusiva a nar envanti e besogneva fermarse per forza a rimeterli su). Tra na ravanada e l'altra sem arivai al bivacco del Brentei che l'era le 8: no gh'era nesuni! El temp l'era ancor brut ma fiduciosi dele previsiom (bel doman matina), dopo eserne tirai a um i zaini e magna' do ciope (e latte de birra che ho porta' drio) vers le 10 erem za en let. La sveglia alle 2 e meza. E ale 3 erem za coi sci soto i pei ala volta dell'attacco del canalom. El temp...sereno! La prima ora, tuta scialpinistica sem stai en tei tempi: smontai en val Brenta e risaliti sul versante opposto all'attacco del canalom. Alle 4 cosi' ne sem fermai a meter i sci sula schena, i ramponi soto i pei e ligarne... Tra na roba e l'altra avem taca' la marcia ale 4 e meza. La traccia no l'era fatta, diaolopo' e se sfondeva non poc. E cosi' dopo 30 minuti de traccia del Matteo som pasa' davanti mi e prosegui' fin all'attacco del ginocio de giaz (che se raggiunge tegnindose a sinistra). Qi per i do tiri de giaz che avem fat tegnindone ancor tut sula sinistra del ginocio, son sta' secondo de cordata, ma na volta fora, vista l'ora ormai tarda e che ero pu' fresc e allenā, me som mes tuta la corda en tel me zaino e som pasa' da kepocordata a far traccia fin enzima! Che tribolada! A pensarghe ben no l'era neanca masa sicura la salita, vist che se sfondeva tut el scarpon e ogni tant me scorzevo ben de eser drio a traversar accumuli...ma dopo en rumor sinistro che e' entra' en val (deve eser vegnu' zo na guglia de fronte...) e quando ha taca' a scargar sassi el nos canal... ho tegnu' pu' che podevo (co l'incubo de ciapar balini en testa e all'umiliante ritmo de 190metri/ora...ma ero drio a tracciar!!!) e prima dele 9 e meza erem ala madonina de vetta. Beh, na mezzora de pausa per riprenderse e... adess besogn pensar a tornar de volta: traccie no ghe n'e' e la normale della Tosa (da far per el ritorno) no l'ho mai fatta: dalle relaziom e dale cartine se capiss ben poc e i ometti i e' tutti scoerti de nef! Diaolopo'! Avem gira' n'ora e meza sora i pianori coi ramponi sfondando fin quasi all'anca, ma de via de ritorno no gh'era ombra. Quando ormai la situaziom l'era drio a farse preoccupante ecco che ariva i angeli custodi: tre trentini sfruttando le me tracce de salita i e' vegnui su dal Neri (che ora tarda che i ha scelt!)... ho ripella', mess i sci soto i pei co le pel (e entant me som ascort anca de aver pers en rampon caminando per i pianori dela zima: el s'e' sgancia' dal scarpon) e ghe som corest incontro a domdarghe na dritta per tornar de volta. E cosi' avem scia' ensema fin alle doppie, fatte quelle ne sem saludai e lori i e' ripartidi pu' spediti. Mi enveze coi 120 metri de corda en tel zaino gh'evo da far le mie a no sfondar coi sci en la nef scaldaa dal sol: ma pezo l'era camminar per risalir al rifugio Tosa! Sci en man e corda sula schena, per el peso me feva sfondar mez metro ogni pass. Arrivai al rifugio, l'era le 2 dopodisnar: dopo aver ciamā casa che no i se preoccupessa avem risciā de nar zo diretti vers Molven: el rifugio l'era su en passo, e pensevo fusa za quela la bocca di Brenta, enveze gh'era da traversar a sinistra e ripellar altri 50 metri (per fortuna el Matteo el se n'č ascort). E cosė dopo na bela sciada (anca bela erta....) zo dalla bocca avem tacā a butar sempre coi sci sotto i pei fin al Brentei, dove sem arivai ale 4. Mess apposto el bivacco (la mattina no evem neanca piegā le coerte), ne sem cosė enviai vers val....ma anca zercando de tegnir i sci el pų possibile l'era sempre en cava e meti e cosė en 2ore e meza sem arivai a Vallesinella e en te n'altra ora ala macchina a Campiglio: ensomma...l'era le 8 de sera! E po'....altre do ore per tornar a ca'!
| La salita vers el Brentei... tut en cava e meti sci. El temp, la sera nol promette niente de bon. | |
|
Dopo el prim toc de canal... | ..fem na sosta sul giaz... | |
|
..e ne enfilem sula sinistra del ginocio...con do tiri de giaz. | Ancor n'altro sforzo e sem for dal canalom (qua visto dal Brentei sulla via de rientro) | |
|
Berg Heil! | Sempre en vetta con drio la madonnina de zima Tosa: e davanti le zavorre del Kepo: zaino, sci, picche, 120 metri de corde.... sto Kepo l'č quasi en sherpa! | |
