SCIALPINISTICA Piz Bernina (CH) del 22/04/2006
En quatromili coi sci no l'evo mai fat... e alora, quando el Luciano e l'Alberto (al so prim quattromili) i mel propone... gh'e' da nar! Scampo cosi' for dall'uficio n'ora prima e coro a casa a tirarme a um: alle 5 e meza partim per... St. Moritz! El viaz en macchina l'e' propri lonc, e cosi' dopo aver traversa' la Val Venosta, arrivai al Tubre, ne fermen na mezz'ora a magnar na pizza per zena e quindi via de nof oltre la dogana Svizzera per la val de Monastero e zo vers St Moritz fin a Pontresina, da endo che ciapem la strada che ne porta alla fermata del trenim del Bernina ciamada Morteratsch. Arivem ale 10 e qi, laso dormir l'Alberto e l Luciano en la Polo: mi ne aprofitto per testar el sacco a pelo da spedizom...al'averta! E infatti me som trat zo en tel pra e o subit ciapa' som. La sveglia l'era ale 2 e meza, giust el temp de meter via el sacco a pelo e slizerir el zaino (la pala ancoi che gh'e' riscio 1 el la porta drio sol l'Alberto, le sonde le resta en machina, la me seconda picca anca....) e ale 3 sem za' en marcia (da quota 1900m.) per risalir el lunghissimo ghiacciao del Morteratsch. En te n'ora sem enfont al vallom (a sinistra della capanna Boval) e da qi, mes i sci soto i pei, dopo na vintina de minuti de risalita, abbandonem le tracce de discesa dal Piz Palu e puntem dritti: qi el pendio el se fa sempre pu' ert e bel giaza'. Al punto che, dopo en par de tribolae de lamine, mi me fermo n'atimo e meto su i rampant. Arivai enzima ala pontera sem za' vers quota 2900...i primi mili metri i e' za nai... ma adess che taca' a sciarir vem el bel: dovem traversar el posto detto buch (o ventre del ghiacciaio)....l'e' tut en crep! E cosi' ne lighem, e ripartim de bona lena. Anca se i rampant no i serve pu' per le pendenze, adess i serve per frenar eventuali cadue en tei crepi e cosi'...la fao tutta coi rampant! I tocheti de discesa, coi rampant no i evo mai fatti... i e' tut for che comodi! Col Luciano capocordata passem fora agevolmente en labirinto de crepi e seracchi che a vardarlo da sotto pareva vermente en mazel. E...no gh'era neanca traccia! Sem i primi che fa el Bernina! Risalim cosi' fin alla sinistra del rocciom ciama' "Cresta Aguzza" e qi, finalmente, dopo 1700 metri de dislivel, ne fermen per meter su i ociai (e' spunta' el sol), la crema e magnar e bever qualcos. L'e' le 9 de mattina e sem za' a 3600m. Ne aprofitto cosi' anca per cavar i rampant...ma per poc! El pendio sora, infatti, l'era bel giaza' e ert, al punto che doo 100 metri, i rampant i avem messi su tutti! E sotto en de' de nef gh'era giaz vif al punto che neanca i se empianteva... Arivem cosi' a quota 3850 e molem zo i sci per continuar per gresta de nef e roccia con picca e ramponi. Arivai a 3950 en travers de nef instabile el ne blocca e per fortuna el Ciano con en par de cordini e rinvii el fa da prim de cordata e...se taca a rampegar fin sulla vetta Italiana (4020m.). Ghe sem. Fat anca en po' de gresta de nef, vist che s'e' fat tardi (le 11) decidem de aver fat zima (senno', ghe saria volest n'altro bel pez per percorrer tuta la gresta de nef e roccia, praticamente alla stessa quota, per arrivar sulla vetta Svizzera). Dopo en par de calae, e mi aver riscia' de perder la picca zo' per i scrozi, e tornai ai sci vem el bel: firn! Sciata speciale fin al buuch, che scalettando l'avem traversa' tut senza ligarne! Quindi, dopo n'altra bela discesa sul pendio oltre il buuch, la nef la deventeva via via pu' pesante. Quindi en val tegnindose a destra dela "forestale" fata la mattina, riusim a arrivar coi sci alla macchina: che lusso! E no l'e' ancor le tre che ne enviem vers ca'. Ovviamente per strada le era doverose en par (vista la lunghezza del viaz) de pausa birra. Alla seconda pero', ho bem tolt radler: no podo miga risciar che i me ciava la patente, che ste bele gite chi no se pol miga farle en autostop!
| Fialmente l'alba... e capim a che punto sem arivai... | |
|
....dopo tant nar: sem partiti en font ala lengua del ghiacciaio del Morteratsch | e vedem anca quant che ne manca ala zima! | |
|
Ma oltre al dislivel dovem anca dribblar seracchi.... | ...crepacci... | |
|
...e arivai a ormai quatromili metri, lasa' sulla sinistra el rifugio Marco e Rosa (se l'intravede al limite del pianoro sotto), tocca ai canai de nef... | ...e le roccette!!! diaolopo'! | |
|
Ma po', na volta su... che soddisfaziom! | Da sinistra se vede el Piz Cambrena e i tre Pizi Palu. | |
|
La sciada en zo, almen fin verso i 3200, l'e' propri en piazer. |
