SCIALPINISTICA Pisganino del 08/04/2006
La fiocada de 2 di' fa l'ha mes zo en bel po' de polver e cosi', dovem per forza nar a zercarla en esposizione nord! El Pisganino: discesa continua, tutta a nord e col gross de la salita fat coi impianti! Quando po' el Matteo el propone de "farla compida" con na tirada de brazi en falesia a fin sciada... ghe da nar! Ne trovem cosi' al piazzale Zuffal ale 6 e meza e dopo na bona colaziom en tel solit baret de Commezzadura arivem a ciapar i impianti del Tonale ale 8 e meza.... sem tra i primi. Ovviamente, no se monta le pel e ne lancem dritti sul rifugio Mandron. En realta' per el Pisganino no se dovria perder si tanta quota, ma basteria star 200 metri pu' alti e taiar verso il passo... ma ormai erem zo e, trat su le pel, avem mola' la processiom de zent che neva vers Cima Venezia/Pisgana e con en par de traversi avem recupera' quota e la traccia de salita vers el passo. Ne metem ordinatamente a seguir la processiom che sale: sem propri tanti! Per fortuna sem tra i primi.... senno' la trovem za' masnada! Dopo en par de pause acqua, sia per el calt, sia perche' el Matteo el g'ha da beverghe drio per riusir a parar zo le tre brioss che l s'e' magna' stamattina da colaziom, ne fermen n'atimo per farne far na foto da na putela nonesa e en te n'atimo sem su. Adess ven el bel: el gross dela zent che n'eva anticipa' (anca se no l'era tanta) i punteva vers passo Bedole e cosi' la discesa per el Pisganino l'era ancor meza vergine. E che polverom! Propri en bel sciadom en polver fin ala congiunziom dela discesa con quela del Pisgana, quindi en po' de grosta e po', trasformada. Arivai a Ponte di Legno ne aprofitto per far do ciacere con na bela bionda che l'ha fat el Pisgana prima dela fiocada: "No, no l'era bela! Tut masna' dai passaggi dei altri sciadori!": se l'avesem fata pu' tardi, l'avresem trovada cosi' anca noi: che lusso! E cosi' dopo n'autostop per raccattar la Polo al Tonale ne fiondem vers la Vela a Trent per la rampegada... Per fortuna gh'e' l Matteo che el tira da prim.... mi me bruso subit i brazi, anca se som da secont! Ma la stagiom l'e' apena tacada! Per migliorar g'ho temp!
| Arivai enzima ai impianti del Tonale, se scollina al pass sotto la zima Presena (a sinistra) e se cala en val (noi...anca massa... sem calai fin zo al rifugio Mandron.) | |
|
Messe le pel e taca' la salita el calt el se fa propri sentir! | Per riciaparne con la salita normale del Pisganino dovem far n par de traversi... | |
|
...e en te n'atimo sem su. | Prima pero' ne aprofitem de conoser na putela nonesa co la solita scusa dela foto.... (anca se, ghe l'ho ben dita, la parleva masa en ponta.... la pareva tut for che trentina!) | |
|
E po'... che bela sciada! | Tut polverom fin a endo che se se taca co la discesa del Pisgana! | |
