SCIALPINISTICA Castel dele Aie del 12/03/2006
Le previsiom del temp le e' propri brute (vent molto forte da nord en quota), e anca se ieri ho dovest sacrificar el sabo a laorar en canter drio ala casa, ero quasi tenta' de saltar l'uscita quando evo sentu' che se voleva far na gita en esposizione nord.... "ma sonte mat?":m'ha fat pensar el Max. No, no, se ciava el vent fret, gh'e' da nar! E alora ne sem trovai a Roveredo ale 6, e po' per strada via via con tuti i altri partecipanti ala scialpinistica: ancoi erem en nove. Dopo en giro de brioches (miga de bianchi!) al bar a Zian (de Fiemme), ale 8 erem za' sci ai pei a partir dal centro del paess su per le piste. Sta salita al Castel dele Aie no l'e' descritta sul Navarini, ma l'e' molto pu' bela (de quela normalmente fatta per la val che sale ala Litegosa) perche' a parte i primi 100metri de pista no se e' mai sulle noiose (se fa per dir...) forestali de 7 Km del Lagorai: se taia tut for per i boschi! El zel l'e' griss, ma almen el vent nol gh'e'... e cosi' se parte de cacciata.... e com'e' ormai abitudine: anca massa...al punto che l'Ivo e l Gianni (soci del Mich) i resta endrio e no se i speta pu' (per masa distacco), mi arranco a 5 minuti de ritardo dal gruppo...e per fortuna i se ferma a bever en goz de acqua su en pianor, poc prima de nar for dal bosc: rieso cosi' a riciapar el gruppo. Ma no gh'e' neanca el temp de far na foto che subit se riparte, e ancor pu' veloci de prima... e en te n'atimo sem su. Na volta enzima, si' che el vent l'avem ciapa' e cosi' cava' le pel ne sem enviai en zo de bala. E' basta' sbasarse 100metri e entrai nel bosc, basta vent e...POLVER! E che bela polver a dribblar le piante! e cosi', dopo en toc de trasformada en la parte bassa, sem tornai sule piste e quindi al bar per l'immancabile birra media. Beh, ancoi sem stai propri veloci: 2 ore e 3/4 per quasi 1500 de dislivel e a mezdi erem za' li' che ne saludevem per nar a disnar. Mi e l Max su en Pine' dal Matteo, che con l'occasiom dopo na bona magnada e aver varda' fora i novi acquisti dela stimana (i sacchi a pelo da spediziom) avem pasa' el pomeriggio a organizzarne per la traversata che farem sta stimana...
| Partim subit su per le piste de Ziano... | |
|
...un attimo di pausa all'entrata del bosco.... | ...e nel bosco, ben riparato dal vento, la neve si mantiene bella polverosa... | |
|
...usciti dalla vegetazione, resta l'ultimo quarto d'ora di salita. | Max e Mich enzima alla quota del Castel dele Aie (in realta' la cima vera e propria e' quella dietro rocciosa: non sicalpinistica) | |
|
...ma che aria fredda che tira (qi el Kepo)...gh'e' da nar! |
