SCIALPINISTICA rifugio Brentari (Cima d'Asta) del 15/02/2006
Dopo do di' de tribolada tra laoro e canter (diaolopo' ho scominzia' a far su casa!), me ciama el Matteo e l propone: Cima d'Asta. Domanda' el nulla osta al me capo....gh'e' da nar! Oltretut el temp i l'ha mess en peggioramento dalla mattinada de ancoi: se no me movo ancoi, anca i altri di' dela stimana sara' dura che riesa a tor su i sci e cosi' ne sem trovai ale 7 a Perzem e via per Castel Tesino/Val Malene/Malga Sorgazza. Alle 8 men zinque erem za' li' che partivem sci ai pei. Alla faccia che doveva za' esser nuvolos! No gh'era na nuvola! E cosi' ne sem enviai per el lonc senter che entra en la val fim alla teleferica che porta al rifugio. Da qi, se taca de zete per alzarse sora alle roccie e aggirarle da sinistra. De nef en val ghe n'e' da trar via, ma en costera el sol l'ha laora' propri tant. E cosi' quando arivem quasi al travers sora alle roccie montem i rampant: l'e' tut en lastrom! Sempre soto en sol che cioca, ne enviem cosi' vers le seconde balze e pasae for queste entra en val la prima nuvola e sulle zime di fronte se ghe forma la tipica nuvola a cappuccio: peggioramento imminente. Trao su la giacca e entant che arivem SUL lac en fianc al rifugio, la zima la scompare tra le nuvole: diaolopo' la vetta la porterem a ca' n'altro di'...e anca l'idea de fermarse vinti minuti al bivacco a trar zo en bocom la lasem perder: e' arriva' el nebbion! Dovem per forza molarne en zo, e cosi' cavae le pel, magna' na bona vaschetta de macedonia (addirittura macedonia l'ha porta' su el Matteo!) e bevu' na chichera de brule' ne sem enviai. La nebbia per fortuna la n'ha cava' la visibilita' sol i primi zento metri. En la parte alta dela discesa, ne sem forse tegnui masa centrali en tel vallom, ma con en bel traversom zo per na pontera ne sem ritacai alle tracce de salita. E cosi' ciapa' el vallom, n'e' basta' rifar el lonc senter che n'ha porta' driti ala machina. Adess podevo nar a laorar... ma el capo el podeva bem spetar zinque minuti de pu'! Per cosa?....la birra al bar! (anca se 'sto colp enveze che torla media l'ho tolta piccola, senno' en riuniom ghe arivo stort!)
| Entrai en font al vallom... | |
|
...se vede l'itinerario de salita al rifugio... | ...ma la nef l'e' bela engiazada: i rampant i agevola... | |
|
...sui traversi ... | ...e sule zete sule balze rocciose. | |
|
Quindi la pendenza dopo l'ultima balza col segnavia, la se addolcis... | ...e dopo aver attraversa' le acque de lago... | |
|
...arivem al rifugio, ma per el temp che peggiora, dovem molarne en zo de bala! | e dopo qualche bel travers e qualche pontera bela en pe' arivem en fondoval | |
