SCIALPINISTICA traversata del Mulaz del 11/02/2006
La meio traversata dele dolomiti, el dis el Gionco..... e alora, sa vot, no farla??? Gh'e' da nar! Fem la traversata del Mulaz dala val Venegia (sotto el passo Valles) a Falcade (zo en Veneto): po' per tornar de volta ala macchina, ghe penserem. E cosi' dopo eserne trovai ale 6 a Roveredo co l'Alberto e ale 6 e 40 en Pine' col Matteo (en do che ne sem fermai anca a far colaziom e consultar le mappe) prima dele otto erem za' al parcheggio nel parco de Paneveggio, endo che entra la forestale en Val Venegiota. La siberia l'e' pu' calda! e alora, mess su sci e scarponi, sem partidi de bala per la forestale che en te n'atimo n'ha porta alla Malga Venegia e dopo n'altra mez'ora praticamente en pian alla Venegiota. En tel giro de n'ora, dopo aver pasa' anca en par de scialpinisti erem ai pei del canal de salita. Beh, a cavarne la giacca avem bem prova'... ma l'era propri fret e ancoi praticamente la giacca se l'e' tegnua su tut el di': a conferma, gh'era anca le me do borracce de sali minerali: 2 blocchi de granita en men de n'ora! Neanca en tel freezer l'ista' ghe meto si poc per far i ghiaccioli! Avem cosi' taca' de zete su zete, finche' no ne sem trovai en mez a en canalom. Dopo aver ravana' en poc a far traversi sul giaz, avem finalmente monta' i rampant e riciapa' en bon ritmo: l'unico tipo che g'evem davanti l'eva taia con 4 zete tut el canalom.... diaolo po'! E cosi' avem ritraccia tegnindone su na dorsale fin en quota, quindi, riciapando la traccia de quel davanti avem taia' sui pendii sotto el passo. Arrivai al passo ne sem fermai n poc, e anca n'accademico del CAI che entant el n'eva raggiunto el n'ha conferma' che evem fat bem a ritracciar: eh.....ghe'n savem, noi! Sem cosi' ripartidi de zete fin soto el traverso che porta ala zima. Qi, avem mola' zo i sci e mess su i ramponi e en tel giro de zinque minuti erem su enzima a sonar la campana de vetta. Dopo la dovuta pausa, dovevem affrettarne a nar en zo: gh'evem drio na comitiva de 20 veneziani....no volem miga far firmar prima lori i pendii de discesa! E cosi' tornai al passo e pasa' el rifugio Mulaz avem taca' la discesa en tel vallom a nord che porta a Falcade: all'inizio gh'era grosta, ma po' pu' en bass la polver l'avem bem trovada! e gh'era anca qualche bel salt da goderse. Po', pasa' fora en ripido canal de nef pressada dai passaggi sem arrivai alla forestale e quindi a Falcade (dopo 1800m. de dicesa). El problema adess l'era tornar ala macchina: o en taxi o facendo 2 risalite da 16 Euro a testa sulle piste che parte da li' del comprensorio TreValli....e chi el Kepo l'ha dat meio de se: en men che no se diga, l'ha raccatta' 3 skipass giornalieri ala zent che ferma enfont ala pista la deva l'impressiom de eser drio a nar a ca'... ne sentivem za' a ca'... ma no l'era cosi': a parte en me rugolom sule piste giazae (e ho dovest nar a recuperarme el sci en ten torentel bordo pista) e le 4 risalite fatte a girarghe entorno alle piste che scende al Valles (ufficialmente le era serae e quindi no gh'era indicaziom), quando sem finalmente arivai al passo gh'evem ancor da tornar en fondovalle alla macchina. E forse l'era meio se ghe domandevem en passaggio alla compagnia de scialpiniste vicentine che le gh'eva la macchina al passo. I m'eva raccomanda' de star fianco strada a nar en zo'... ma ala fim ne sem trovai en te na forra e avem tribola' non poco per tornarghe fora! Dopo n'altro quart d'ora de bosc, ho fat la cazada de molar en sci (l'e' piana e volevo sbloccar el tac): l'attacchim el s'era giaza' e nol neva pu'. G'ho pers drio en quart d'ora e ala fim l'ho rimess en modalita' da discesa e avanti! Entant l'Alberto e l Matteo i era saltai sula strada e cava' i sci i eva taca' de autostop (anca se mancheva ormai 2 Km ala macchina en tel bosc l'era scomot e a pe'....l'era engual not!). Pasa' do macchine, la n'e' nada propri bem: vegniva en zo anca le vicentine (che penso le se fusa fermae a far baldoria al passo), che sorprese de trovarne ancor li' le m'ha dat en strappo a raccattar la macchina e cosi', cargai su i sci, via de bala! El Matteo el deve eser a ca' per le 7! ...e puntuali come pochi ale 7 men zinque erem li'. Vista l'ora, e la fam, avem bem accetta' l'invito a fermarne li' per na pizza: entant che co l'Alberto scarghevo i sci el Matteo el s'era za' lustra' e l'era za' al forno per scominziar el laoro! ...e co l'Alberto enveze erem za' drio a pensar a endo se nara' doman...
| Ne enviem lungo la Val Venegia... e za' se entravede davanti el canalom che g'avrem da far.. | |
|
Zete su zete riusim a saltarghe enzima al canalom... | ...e dal passo vedem su la pala finale del Mulaz | |
|
rampant e via! | ..finche' l'ultim travers che porta sula zima cavem i sci e el fem picca e ramponi | |
|
BERG HEIL! | ne enviem sul versante veneto passando dal rifugio Mulaz | |
|
e la discesa, quando trovem la polver ne la godem propri | Tornai per le piste sul versante trentim a vegnir zo dal passo Valles finim en te na forra e g'avem da far le nose per tornar for sula strada a far...l'autostop! | |
