SCIALPINISTICA Gammerspitze (A) del 14/01/2006
All'inizio l'idea l'era de tornar a zercar polver sui versanti nord del Lagorai, po', pero' quando n'e' arivaa la soffiada de na bela zima fata ieri en Austria subit dopo el Brennero avem deciso: Gammerspitze. A veder la relaziom che gh'evo en todesc l'e' na bela zima invernale ma che la richiede nef bela assestada: gh'e' riscio 1! gh'e' da nar! E cosi' ne sem trovai ale 5:40 mi el Mich, l'Alberto e 'l Luca (en socio del Mich) a Calliam e sem partidi prima vers Trent a trovarne col Bertold e 'l Mauro e quindi vers el confin. Ale 7 e meza evem za' pasa' el confin e arivai a Stafflach ne sem enfilai en la Schmirntal: (l'e' la seconda val laterale a destra dopo il Brennero). La macchina l'avem paercheggiada en ten slargo 1 Km prima de Schmirn (soto en gruppo de case) vers le 7 e meza. Trat su le pel, sem partidi a razzo. Davanti gh'evem sol na comitiva de austriaci. E cosi' partidi de bona lena se rialiva per en rado bosc (a mi pareva quasi na vecia pista....). Dopo na mezzora abbondante sem arivai a en pianoro en do che tuti i s'e' fermai a far foto... ma sarala questa la Gammerspitze? Ancoi gh'evo drio el GPS e la traccia che gh'evo carga' su al gieri l'era diversa! E cosi' envenze che spetar i altri ho accellera' el pass: volevo nar a tor na putela (da sola!) 150 metri avanti e domandarghe dela zima. Prima col me todesc impaccia' g'ho avu' conferma de eser sula strada giusta, po' molto pu' sciolto en ingles me som fat spiegar en po' le condiziom dela zona li' entorno: ela la era de Innsbruck e la eva pestola' abbastanza en tei ultimi di'. La giustificaziom l'era sceglier la gita da far doman: Kleine Kaserer! Dopo aver speta' i altri, sem cosi' ripartidi su en costolom che ne porteva enzima alla Ultenspitze e da qi, per longa gresta, procedendo vers est en tel giro de 40 minuti sem arivai enzima. La nef la pareva bela (forse en po' masa pestolada...) e cosi' entant che 'l Mich, l'Alberto e l Luca ripeteva 250 metri de salita (dopo na discesa en polver), mi son sta' a polsar en vetta col Bertold e l Mauro. Beh, dopo mezz'ora, ho ridavert i oci e... gh'era li' entorno almen 30 persone! Na ressa! Via, via, gh'e' da nar a firmar, prima che masna su tut i altri! ...e cosi' dopo aver assisti al tipico streaptease austriaco (qi en Austria le putele le se cava fora senza pudor: quela che gh'evo parla' a vegnir en su' la s'e' cava' zo anca el reggiseno per meterse su en maiom sut!) ne sem enviai vers val. Enveze che rifar la gresta ne sem trati direti vers val, sol col proposito de mantener na direziom vers ovest... la polver la gh'era bem, la sciada, a parte qualche sass e striada sul fondo se se la godeva! E cosi' salta' en par de foretali avem continua' en tel bosc e en te n'atimo erem za' ala machina, pronti per nar a bever na birraccia (e magnar la tipica ciopa de speck tirolese al bar) e tornar en Italia. Addirittura sciando vers la macchina, m'e' ariva' l'SMS della compagnia telefonica de benvenuto en Liechtestein! Mah, tra el GPS che el me porta for de strada e l telefonim che sbara cazae l'e' meio che smorzo zo tut!
| Si parte salendo per i praoni sora strada.... | |
|
...e subit se se infila en tel bosc | quindi, uscendo dal bosc, la spiana, e (enfont se vede la zima) se punta a sinistra ale malghe in lontananza che se vede davanti al Kepo. | |
|
Vista della Schmirntal dalla salita | Vista verso est: il vallone che entra frontalmente (partendo dalla Inntal) e' l'Obernbergtal, la prima valle austriaca che si incontra a sinistra venendo dal Brennero. L'imponente sperone roccioso piu' a sinistra e' il Tribulaun. | |
|
Superata la malga si punta ad una cima (UltenKopf) e da qui si prende la cresta che porta verso il Gammerspitze | La parte finale della gresta: se vede che i pendii davanti, del Gammerspitze i e' tuti masnai! | |
