GARA SCIALPINISTICA Ciampac del 11/01/2006
El Kepo che va a far gare???!!? Ma si’, ‘na volta all’am fa sempre piazer nar su a competer coi cosini de Canazei (col Silvano che som sicur anca st’am el me dara’ zo l’orz). L’an pasa’ ero na’ su con na bona preparaziom mangereccia: sol carboidrati a disnar e na bona redbull prima della partenza, ancoi enveze, almen per l’alimentaziom no ho zerto segui’ i consigli del dietologo: tra i brindisi del gieri sera en caneva del Max e i spuntini (taralli, insalata russa, luganega e vim) for per la mattina en ufficio…. no l’è che poda aspirar alla prima posiziom! Ma… gh’è da nar! E cosi’, telefona’ ala Giovanna per prenotar el let (me fermero’ a dormir su al rifugio Ciampac), e fini’ de laorar, co la machina za’ cargada dala matina me som envia’ vers Alba de Canazei. Ale 6 e 40 ero za’ su: tanto la partenza era alle 8! E cosi’ ritira’ el pettorale, na volta cambia’, ho spedi’ el zaino al rifugio en funivia. Podevo anca eser pront ma…. diaolo po’!!!! Uno dei do bastoncini nol vol saerghem de molarse!!! Provo a scaldarlo, a tirarlo coi denti… ma niente!!! E ala gara ormai manca 40 minuti!!! Fago cois’ el giro de tute le machine del parcheggio dela funivia (pien de scialpinisti che è za’ drio a nar a scaldarse per la gara) per elemosinar na cagna per provar a molarlo ma…niente! Quando ormai ero rassegna’ a rinunciar ala gara, a 15 minuti dala partenza, torno dall’organizzaziom sconsola’ e per fortuna salta for la pinza: molo el bachet e.. via de bala ala partenza! No arivo neanca a scaldarme e a trovarme co la Giovanna e ‘l Silvano che i ha za’ sbara’! Gh’è da nar! e che nar! “El frontalim co la luna piena el fa men luce dela luna” “varda che bel el Colac co la nef…e pensar che l’an pasa’ gh’ero su per la ferrata co l’imbrago” “dai Kepo, fate forza! Che anca se te ghe n’hai tanti davanti, qualcheduni te avrai lasa’ pur endrio!” …ensomma en tei 50 minuti de gara la testa la se empieniss de pensieri e…. no ghé da pensar ad altro for che a nar! Finalmente al traguardo! …e con lo scatto finale rieso anca a pasarghe davanti al me vecio istruttor del corso de scialpinismo! Beh, dopo 2 bone chichere de the vago al rifugio e me trovo co la Giovanna e ‘l Silvano e en bel gruppo de zent vestia aranciom (i è quei del me gruppo: st’an me som iscritt en tel gruppo “Bela Ladinia”) , dopo n’altro the, vago al Tobia’ (rifugio sora) a magnar e per la premiaziom e… vinzo anca en cest de roba tipica! (salam de asen, cavriol, camoz….). Finalmente a fine serata salta fora anca le classifiche e…. mi ho migliora’ un secondo dall’an pasa’! 50 minuti e 58 sec! El Silvano sol 42 e rotti e la Giovanna 56 e rotti! Comunque tuti meio dell’an pasa’. E cosi’ dopo 2/3 birrette tornem contenti al rifugio con en par del gruppo… e dopo na bona ciacerada (rigorosamente en Ladino, con mi che el capivo ma ghe rispondevo en Trentim…) e n’altra birretta i m’ha dat da dormir en te na suite! Ma anca se l’è sol mezanot e meza, g’ho za da pensar ala sveglia de doman matina…. ale 6 e 15! (….continua…)
| El Kepo quando manca ormai 150 metri al traguardo (foto tirada direttamente zo dal sito della gara) | |
|
Me cosina Giovanna subit prima del traguardo (foto tirada direttamente zo dal sito della gara) | colpa dei gatti che gh’eva da tirar la pista a biliardo, la zent na volta fatta la premiaziom la doveva tornar a val en funivia!! (altrimenti multa!) | |
|
Finia la festa tornem al rifugio Ciampac per l’ultima birra prima de nar en let (qi la Giovanna e la Jenny). | …no podo pero’ no farghe la foto en notturna alla gresta co la Crepa Neigra. | |
