Fravort del 2005-12-09

SCIALPINISTICA Fravort del 09/12/2005

Beh, en Lagorai de nef ghe ne’, e cosi’ ancoi provem el Fravort dala Val dei Mocheni. Tanto come gita l’è fazile e anca se gh’è ancora la coa dela perturbaziom, la via de salita….se la sa. Ne trovem cosi’ mi e ‘l Mich en Folga ale 7 e partim per Kamauz. Ale 8 sem za’ coi sci ai pei, pronti… allo sprint. Nessun altro scialpinista ancoi: laorei tuti? Niente ponte? Vabbe’ gh’è da nar… a molar for le gambe dal gitom del gieri. Mi per sicurezza ancoi som vegnui coi veci sci (no se sa mai de ciapar qualche sass), ma anca se i nosi propositi i era de far na tranquilla salita per molar for le gambe, el Mich el me fa star davanti e nem, nem, nem….e a che ritmo! Pensevo/sperevo ne fermesem a ciapar fia’ e bever subit for dala rampa che porta for dal bosc (ormai en vista dela pala finale), ma popri sula rampa che m’ero dit:”Arivo qi sora e me fermo a polsar”, sbaglio ‘na zeta, el Mich el me pasa davanti e la pausa…l’è bel che nada a farse ciavar. E alora avanti! Ne fermem cosi’ apena arivem al sol, ma giust el temp de do foto e sem za de viaz. Ormai ne speta sol la salita sula pala finale: 3 zete e i ultimi 20 metri a pe’, vist che el vent, el toc enzima el l’ha pela’. Beh, quando sem su e vardo l’oroloi me stupisso: n’ora e 40!!! Va ben che le 4 ore dela relaziom del Navarini le è propri tante, ma 1:40 l’è propri en bom nar!!! Entant el temp, a parte en po’ de aria el s’è tira’ for dal tut, e dopo la dovuta pausa e quatro ciacere con en ciaspolaro vegnu’ su da Vedriol, tornem a cavarghe le pel de foca ai sci. El prim toc le solette le sanguina sui sassi, po’ par nar meio….par… ennveze NO! El Mich el ciapa en sass scondu’ e ghe sciopa la lamina del sci!...e no l’era i sci da sassi, ma quei dele feste! Diaolo po’ che sfiga! Dopo aver prova’ a tegnirlo a um con en toc de scotch, ne enviem en zo. E cosi’ dopo la doverosa ravanada en tel bosc arivem ala machina. E sem de volta en Folga propri giusti per en bom piat de pasta a ca’ del Mich: era giust sona’ mezdi’.

Qi sem za’ arivai ala salita dela pala finale: ne sem fermai n’atimo per ciapar giust en po’ de fia’ e… zo de nof a testa bassa!

Cross de vetta. Drio, gh’è el Gronlait.

Ultime serpentine prima del fattaccio.

Diaolo po'!

Ste pagine l'e' stae cargade volte da visitatori dal 3 de agost 2005

Qi sem za’ arivai ala salita dela pala finale: ne sem fermai n’atimo per ciapar giust en po’ de fia’ e… zo de nof a testa bassa!
		Cross de vetta. Drio, gh’è el Gronlait.
Ultime serpentine prima del fattaccio.
		Diaolo po'!