SCIALPINISTICA Cima Ciste del 04/12/2005
Sto colp Kepo, Alberto, Max e Greg (en socio del Max) i e' partidi da Roveredo vers le 7 e 20. Ale 8 i doveva trovarse col Marco de Edolo a Perzem e quindi direziom Lagorai. En realta' tra problemi per la nef e punti de ritrovo (i 4 i speteva a Perzem e 'l Marco a Civezam) e' vegnu' le 8 e meza che i era ancor tuti a Perzem. Cima Ciste, eva proposto el Kepo, ma la strada per arivarghe soto en machina, tra deviaziom e bivi sbagliai la g'ha ciava' n'altra ora! E cosi' finalmente ale 10 e 15 i smonteva tuti dale macchine a montar soto le pel. L'ultim toc de strada asfaltada l'era en lastron de giaz e cosi' l'avem fat a pe' (100m. de dislivel en pu') enveze che perder altro temp a montar le cadene... La salita l'e' tuta tracciada... oro! E cosi' partim subit de bona lena.... el Navarini el la da' en 4 ore... ma noi en doe podem bem farla! G'avem da guadagnar el temp pers for per la matina e anticipar la perturbazom anunciada dopodisnar (altra polver!!!!). El Greg enveze dei sci d'alpinismo el vem su coi scioti: som propri curios de veder come che i va! Dopo vinti minuti de strada comunale quasi piana la traccia la se empenna per en vecio tof sula destra. E chi, col ritmo che tegnim scominziem a pasarghe davanti ai altri scialpinisti. Tegnim la testa bassa fim for dal bosc (tanto en mez ale piante gh'e' bem poc da veder) e arivai ala prima baita ne fermem a ciapar fia': al Marco ghe fa mal i scarponi a en pe', l'Alberto el g'ha soto en bel zocol.... ma tuti d'acordo: "Gh'e' da nar!". No i ariva neanca a pasarne davanti che subit ripartim. Traversa' da destra i praoni dele malghe se ariva al limite del bosc. E qi, co la scusa che 'na siora la ne offre frutta secca, ne fermen a far do foto e bever n'altro goz. Peca' che apena ripartidi el caign dela siora el ne vem drio e la salita la deventa na tortura col caign che 'l continua a pestarne sule coe dei sci! Costeggiando el limite del bosc ne dirigem vers destra ai pei del costolom che sale vers la zima: da qi gh'e' neanca 'na mezora e sem su, davanti ale roccete: roccette? Ma si', el Navarini sule relaziom quando el parla de rocette nol parla de rampegar ma de senter ciotola'! Cavai i sci arivem cosi' ala cross de vetta (2:15 totali) e dopo le dovute foto, e aver trat zo' ciocolata e nos de acagiu', tornem sui nosi passi... o quasi... infatti la discesa, se fatta dalla stessa banda l'e' scomoda tra alberi e sassi. Ciapem cosi' en largo canal che ne porta direti sora le baite, quindi zo per i prai fim endo che taca el tof. E da qi el Greg coi scioti el da el meio: per sti stretti tovi i scioti l'e' 'na manna! Mi coi scialp g'ho da rugolar en par de volte prima de arivar en font... E cosi' dopo 'na ciopa e na bona birra al bar de Borgo ne enviem vers ca': a spetar la nef che 'l g'ha da meter zo la not che veign.
| vegnui for dal tof e pasa' i prai dele baite, se lasa el limite del bosc sula destra e se scominzia a alzarse per nar a ciapar el costolom che sale en vetta (drio se vede anca en do che se ritaca le tracce de discesa vegnindo zo direti dal canal) | |
|
peca' che salendo, la siora la ne lasa el caign incustodi'.... e qua l'e' drio a torturarghe le coe dei sci del Max | ma el caign nol se fa propri sopportar e infatti no pasa tant che el Max el lo fa pasar davanti.... dal Marco. | |
|
Berg Heil!!! Max Greg Alberto Marco e davanti Kepo enzima al Ciste: quota 2186m. | El Kepo... quota 2186m. slm?!! No ghe basta mai! el vol guadagnar n'altro metro rampegandose su per la cross de vetta! | |
|
Il costolone di salita e' a sinistra, mentre si imbocca il canale di destra per una discesa piu' diretta | serpentine del Kepo vers le baite | |
