SCIALPINISTICA Marmolada del 13/11/2005
L'e' ormai en mes che disem de nar a farla, ma tra en weekend de pioggia e uno anca.... la regina dele dolomiti l'era ancor li' che la ne speteva. Ma questa l'e' la volta bona. Partim ale 5 da Roveredo mi e 'l Max sci al seguito e 'l Stefano con le ciaspole (mi g'ho porta' comunque drio en par de sci en pu': se i ghe va bem el prova el scialp anca lu'!). Vers le 6 e 40 sem za' vers Moena, e zerca a destra zerca a sinistra pasem anca Canazei e Penia senza veder en bar per far colaziom davert. Arivem cosi' al passo di Fedaia digiuni, metem i scarponi da sci e per colaziom... en bom goz de brule' calt dala me thermos... El Stefano el prova subit i me scarponi da sci: purtroppo i gh'e' masa grandi: mi g'ho el 46, lu el 42.... anca con 2 pari de calzeti el ghe bala rento masa, e cosi' l'e' costretto a seguirne co le ciaspole. Dal parcheggio de passo Fedaia scominziem a salir per le piste da sci, e g'avem za' davanti en par de scialpinisti che ha dormi' en tenda al passo! En men de en quart d'ora sem za' su en bel manto continuo de nef: l'e' za' ora de trar su le pel! Guadagnem quota e dopo n'ora sem en vista del pian dei Fiacconi (quota 2600). Da qi, vardando en val se vede frotte de scialpinisti che vem en su... Fim qi, la salita l'e' lungo le piste, ma da qi en poi, piste no ghe n'e', e se continua su ghiacciaio: no gh'e' comunque pericol de perderse vista la mega traccia che gh'e'! El Stefano, co le ciaspole el cala el pass (co le ciaspole anca se la nef l'e' ottima e portante, l'e' sempre 'na tribolada rispetto ai scialp) e cosi' mi e 'l Max ciapem en bom ritmo spedi' (el Stefano el ne segue a distanza sulla traccia: el spetem enzima) e dopo aver traversa' a sinistra vers el Sass dele dodici (o elo dele ondese???) e prima de arivarghe soto scominziem a guadagnar quota. Quando arivem sul pendio for dal'ombra, pensem che en manca ancora en bel toc....enveze sem za' enzima! El temp l'e' no spetacolo, e cosi' entant che spetem el Stefano che l'e' drio a vegnir su co le ciaspole gh'e' tut el temp de far quatro bele foto, magnar do nos de acagiu' e bever en bom goz de brule'. Mi po' che gh'evo su le pel de foca nove perdo 10 boni minuti a zercar de rifarle su... Dopo na bona mez'ora ariva anca el Stefano, quindi foto de gruppo e restem d'accordo che ne ritrovem ala macchina: noi coi sci enveze che tornar dala stessa pasem dal sassom soto la cabinovia che da Malga Ciapela (versante veneto) sale a Punta Rocca. Fem cosi' 200 metri de discesa en pista e po'.... sopresone! L'e' polver!!!!!! Tegnindo n'ocio sui crepi, schivandone doi e planando su n'altro ne portem vers el pian dei Fiacconi, e anca qi la nef l'e' ottima! Po' de nef ghe n'e' sempre de men, ma la fonda l'e' bona: l'e' 'na pista, i sassi i compare sol quando sem ormai ala macchina. Cavem cosi' i sci (senza aver mai sfiora' en sass!) e in 9 minuti de caminada (150 metri de dislivel scarsi...) sem ala machina! Entant che spetem el Stefano che e' drio a vegnir zo' co le ciaspole ne aprofitem cosi' per en par de prove arva, quindi vers le 1 ne enviem en zo' vers... Pine'! Za' che sem (quasi) de strada pasem infatti a saludar el Matteo da Pine' (che era vegnu' con mi e 'l Max sul Cevedale a marz): entant che el torna dalla falesia, i soi co la Monica (so sorela e, sposa del Max) i ne prepara n'otima magnada de afetati, canederli, polenta, crauti, mortadela, formai (che magnada!!!). E cosi' tra en bocom e quatro ciacere sem tornai a ca' che l'era le 7 de sera. Sazi e contenti!
| La diga di Fedaia e sullo sfondo a sinistra el Piz Boe' col gruppo Sella | |
|
Max e Stefano i sale vers Punta Rocca.... qi vers el Pian dei Fiacconi | El Kepo enzima ala scialpinistica: n'altra zeta e sem su! | |
|
Arivai enzima co le pel nove gh'e' da tribolar non poco per meterle via! | Entant ariva anca el Stefano e cosi' dopo 'na foto de gruppo de vetta ne enviem en zo. | |
|
Panoramica a 400gradi dalla zima | El Max en te la discesa soto el Pian dei Fiaconi: e gh'era ancor polver! Che sciada da foc! | |
