Val di Sella /Cima12 del 2005-10-29

ALCOLISTICA & ESCURSIONISTICA Val di Sella /Cima12 del 29-30/10/2005

Era gia' un mese che s'era organizzata: la cena di fine anno agonistico del Dragonheart. El posto l'era en Val di Sella ('na laterale della Valsugana che sale a destra de Borgo), e da magnar? G'avria pensa' el Mattia a far porchetta per tutti (che laorada diaolopo'!). Mi som capita' li' nel pomeriggio con en macchina anca el me solit par de scarponi: chissa' mai che doman no i me serve per 'na caminada per smaltir for a i brindisi dela not che ne speta.. e infatti.. El posto l'e' uno spettacolo: 'na colonia con campo da calcio, zughi e praom.. e cosi' entant che 'n pochi i zugheva a balom, la Daria el Luca e la Barbara i ritireva divise e salvagenti, e l Mattia che tegniva d'ocio el rugant sul girarrosto (che ha fat su lu' con el motorim per misiar la polenta), col Fabrizio avem fat en po' de prove col computer per veder le presentaziom dela stagiom che l'ha mess a un per el dopozena. E entant tra na birra e l'altra e' vegnu' ora de zena. Dopo 7 ore de girarrosto i ha tira' zo' la porchetta: che bona! Anca se le putele no i la deve aver gustaa pu' de tant: infatti gh'e' sta' dit che le presentaziom (anca lore i n'eva preparada una) no se podeva vederele sul proiettor perche' el s'era fulmina'! E cosi' la Michela l'eva za' scomoda' el so capo per farse prestar el suo. e l'era za' saltada en macchina con l'Elisa quando el Gianni el g'ha dit che era tut en scherz! No e' sta' en scherz enveze quando avem sentu' na' paca all'esterno: a forza de brusar legni per coser la porchetta, vizim al mur, era sciopa' le malte!!! Dopo la magnada e' sta' la volta de veder la presentaziom dele putele! Che brave, diaolopo', le ha fat anca la canozon! E cosi' dopo n'ora de pausa per la lotteria (e mi che ormai me vergognevo a nar for a ritirar premi da tan che evo vint) e' parti' la presentaziom del Fabri de tuta la stagiom (mi evo prepara' sol la parte del palio dei draghi). No spetacolo.. de do ore! E le e' volae! Infatti e' sta' smorza' el proiettor che l'era za' le doe de not! E cosi' dalle birre se e' passai ale grappe.. e man a man qi che era ancora en grado se e' enviai en zo'.ma la baldoria l'e' continuada! E per fortuna ancoi se guadagneva n'ora de som col ritorno dell'ora solare..tra na roba e l'altra me som endromenza' su en taol che l'era le 6 e 20! E la matina ale 10 ero za' en pe'! Me se gh'e' bem volest en par de ore per tirarme a un..ma po' ho deciso! Gh'e' da nar! Me som cosi' mess su i scarponi e som parti per Cima dodici. Tanto el senter 208 el partiva praticamente drio la colonia! E en Val di Sella no se e' tuti i di', quindi. avanti! Da quota 800m. se sale per el bosc fim quota 1300, quando se raggiunge 3 baite en te 'n pra', da qui se entra en te na gola che la se inerpica per en gerom fim quota 1800. Arrivai a 'sta quota, se ariva finalmente su ampi prai e se raggiunge el sol: la salita, fin qua l'e' tuta all'ombra (esposta a nord) e infatti dale baite en su el senter l'era tut brina'! Avanti , avanti che no gh'e' temp! E cosi' se arriva a porta Kempel a quota 2144m. che l'e' el valico che sbuca sull'altopian de Asiago: giust soto el Portule. Se gira a sinistra e se prosegue su un falsopiano lasciando a sinistra en par de dossi. Ormai manca 150 metri ala zima, ma quando encontro en par de escursionisti che me annuncia n'altra ora de cammino tra falsopiano e salita me rendo cont che.. No gh'e' temp.gh'e' da.tornar! Se ciava la zima, tanto l'era en dosset li' davanti.e mai piu' avria' pensa' che dopo la bevua dela not pasada de riusir a far 1350m. de dislivel en ten par de ore! Som quindi torna' en zo' e tolt su la macchina, me som envia dala Moira (el solito bar sul lago de Caldonaz) dove dovevm trovarne co la squadra ale 17. ma tuti i era coti e eva dat forfait.. e cosi' dopo na biretta col Giorgio e la Angela me som envia' vers ca'.

La porchetta sull'argain fat su dal Mattia la cose per 7 ore….

...entant che i speta che la cosa, i primi che ariva I taca a zugar a balom e…bever birra...

anca el menu' dela zena el conferma che da beveer non manca!

L'e' ora de zena! En cosina se prepara le porziom!

…e la sala da pranzo l'e' piena! (e no se vede tut el fer de caval de taoli!)

durante la zena, per la cotta della porchetta, e' sciopa' le malte drio el girarrosto!

uscendo dal bosco, a quota 1300m. si passa da 2 baite….

quindi ci si inerpica nel canalone… tut na pietraia!

raggiunto l'altipiano, dopo una ventina di minuti si arriva finalmente in vista di cima 12…. qui mancheranno ancora 150metri di dislivello per la zima (no i ho miga fati!)

Dalla porta Kempel a quota 2144, girandose vers la Valsugana, se vede la cadena del Lagorai con drio el Brenta, e ancor dietro a dx l'Ortles Cevedale e a sx l'Adamello.

Ste pagine l'e' stae cargade volte da visitatori dal 3 de agost 2005

La porchetta sull'argain fat su dal Mattia la cose per 7 ore….
		...entant che i speta che la cosa, i primi che ariva I taca a zugar a balom e…bever birra...
anca el menu' dela zena el conferma che da beveer non manca!
		L'e' ora de zena! En cosina se prepara le porziom!
…e la sala da pranzo l'e' piena! (e no se vede tut el fer de caval de taoli!)
		durante la zena, per la cotta della porchetta, e' sciopa' le malte drio el girarrosto!
uscendo dal bosco, a quota 1300m. si passa da 2 baite….
		quindi ci si inerpica nel canalone… tut na pietraia!
raggiunto l'altipiano, dopo una ventina di minuti si arriva finalmente in vista di cima 12…. qui mancheranno ancora 150metri di dislivello per la zima (no i ho miga fati!)
		Dalla porta Kempel a quota 2144, girandose vers la Valsugana, se vede la cadena del Lagorai con drio el Brenta, e ancor dietro a dx l'Ortles Cevedale e a sx l'Adamello.